Don't Leave Me (Yizhan)

Episode 13

ရှောင်ကျန့် သတ္တိမွေးသည့်အနေဖြင့် လက်ထဲတွင်ကိုင်ထားသော စာအုပ်တစ်ချို့ကို တင်းကြပ်စွာ ဆုပ်ကိုင်လိုက်သည်။သူ့ကိုဆို မတွေ့ချင်လှသော သခင်မ၀မ်က သူရှိသည့်နေရာတွင် ရှိနေသည်က ရိပေါ်နဲ့သူရဲ့ ပတ်သက်မှုကို ရိပ်မိသွားလို့ဆိုတာ ထင်ရှားလှသည် မဟုတ်လား။သူ့ဆီလျှောက်လှမ်းလာသည့် သခင်မ၀မ်သည် အသက်ခြောက်ဆယ်ကျော်ပြီဖြစ်သော်လည်း ၀မ်အိမ်တော်သခင်မဂုဏ်နဲ့အညီ ကျက်သရေရှိစွာ လှပနေတုန်းပင်။

သခင်မ၀မ် ရှောင်ကျန့်‌အနားရောက်လာအခိုက် ရှောင်ကျန့်အရှေ့တွင် လူတစ်ယောက်က ပိတ်ရပ်လာသည်။ရိပေါ်ရဲ့ သက်တော်စောင့် ရွှမ်ကျန်

"ဒါ ဘာလုပ်တာလဲ ရွှမ်ကျန်"

"တောင်းပန်ပါတယ် သခင်မကြီး။သခင်လေး၀မ်က သခင်လေးရှောင်ကျန့်ကို သူမပါဘဲ သခင်မကြီးနဲ့ပေးမတွေ့စေဖို့ ညွှန်ကြားထားလို့ပါ"

ခုနကထက်မျက်နှာထား ပိုတည်တင်းသွားသော သခင်မ၀မ်
သူမနောက်တွင် ကိုယ်ရံတော်နှစ်ယောက် ပါသော်လည်း ရွှမ်ကျန်ရဲ့ လက်စွမ်းကိုသိနေသူမို့

"မင်းသခင်လေးကို ပြောလိုက်ငါ့ကို လာတွေ့ဖို့"

"ဟုတ်ကဲ့ပါ သခင်မ"

သခင်မ၀မ်ထွက်သွားပြီးနောက် ရှောင်ကျန့်နဲ့ ရွှမ်ရန်သာကျန်တော့သည်

"ကျောင်းအပြန်ကို ကျွန်တော် လာကြိုပေးပါမယ် သခင်လေး"

"ရိပေါ် စောင့်ကြည့်ခိုင်းခဲ့တာ ဘယ်တုန်းကလဲ"

"ဒီရက်ပိုင်းအတွင်းကပါ သခင်လေး"

"ကျေးဇူးပါ ရွှမ်ရန်။ဒါပေမယ့် သခင်မကြီး၀မ်က မင်းထိပ်တိုက်တွေ့ဖို့ ကောင်းတဲ့သူမဟုတ်ဘူးဆိုတာ မင်းသိထားရမယ်"

"ဟုတ်ကဲ့ပါ သခင်လေး"

ရှောင်ကျန့် စာသင်ခန်းထဲသာ ၀င်ခဲ့ရသော်လည်း စိတ်တွေက ပြန့်လွင့်နေမိသည်။သခင်မ၀မ်က လွယ်လွယ်ကူကူလက်လျှော့မှာ မဟုတ်ဘူးဆိုတာ သူကောင်းကောင်းသိပါသည်။စာသင်ခုံပေါ်တွင်ထိုင်နေမိသော်လည်း အတိတ်က ရိပေါ်ရောက်မလာသေး
ခင်အချိန်တစ်ခု ။ပါးက မားထွက်သွားမှာစိုးလို့ အခန်းထဲထည့်ပိတ်ထားချိန်။ရှောင်ကျန့် ကျောင်းကပြန်လာချိန်တိုင်း မားကိုတွေ့ရဖို့အရေး အိမ်ကအလုပ်သမားများ မားအခန်းထဲထမင်းလာပို့ချိန်ကို မသိမသာကပ်လိုက်ကာ အခန်းထဲခိုး၀င်မိသည်။