ရှောင်ကျန့်တစ်ယောက် ကိုယ့်ဖြေရမယ့်စာမေးပွဲတွေအပြင်
ရိပေ့ါ်အထက်တန်းနောက်ဆုံးနှစ်အတွက်လည်း ကိုယ်တတ်နိုင်သမျှ ကူညီပေးနေသည်။ကိုယ့်စာမေးပွဲကို အလေးထားပေမယ့် ရိပေ့ါ်စာမေးပွဲကို ပိုစိတ်နှစ်ထားမိသည်။ကိုယ်နဲ့အတူရှိနေရလို့ဆိုပြီး ပညာရေးပိုင်းကို အားနည်းမသွားစေချင်ပါ။
"ရိပေါ် အင်္ဂလိပ်အက်ဆေးရေးပြီးရင် ရူပဗေဒတွက်ရအောင်လေ။ကိုကိုတို့ မလေ့ကျင့်ဖြစ်တာ နှစ်ရက်လောက်ရှိနေပြီ"
"ကျွန်တော်တို့ နေ့လည်စာစားပြီးရင် လေ့ကျင့်မယ်လေ"
"နေ့လည်စာကို ကိုကို အခန်းထဲပဲ ယူခဲ့လိုက်မယ်။ရိပေါ် အညောင်းပြေ လမ်းလျှောက်လိုက်ဦး"
အခန်းထဲကနေ အလောသုံးဆယ်ထွက်သွားသည့်ကိုကို့ကို ကြည့်ရင်း ရိပေါ်စိတ်ထဲကျေနပ်နေမိသည်။ကိုကိုက သူ့စာမေးပွဲရှိနေပေမယ့် သူ့စာမေးပွဲကိုပိုပြီး ပူပန်နေပုံရသည်။
အရင်တုန်းက ဘာရည်ရွယ်ချက်ပဲရှိခဲ့ရှိခဲ့ ကိုကို အခု ကျွန်တော့်ကို တစ်ကယ်ချစ်နေပြီဆိုရင်ကို ကျွန်တော်ကျေနပ်တာမို့ .....
ညဘက်ရောက်တော့ ရိပေါ် တွက်စာတွေတွက်နေရင်း ပြတင်းပေါက်အပြင်ကိုကြည့်လိုက်တော့ တော်တော်လေးမှောင်နေပြီဖြစ်တာမို့ အိပ်ယာ၀င်ဖို့ လုပ်ကာ ကိုကို့ကို ကြည့်လိုက်တော့ ငိုက်နေပြီဖြစ်သည်။ရိပေါ် ကိုကို့အနားကိုတိုးလိုက်ကာ ကိုကို့ ခေါင်းကို သူ့ပေါ်မှီစေသည်။ကိုကို့ခန္ဓာကိုယ်ကိုလည်း သူ့ကိုမှီစေလိုက်သည်။ပြတင်းပေါက်ကဖြာကျနေသည့် အလင်းတန်း ကိုကို့မျက်နာပေါ်မရောက်အောင် လက်နဲ့ကာပေးမိသည်။အနည်းငယ်ဟထားသည့် ပြတင်းပေါက်ကတိုး၀က်လာသည့် လေပြေညင်းတွေက အချစ်သံစဉ်တွေကို သယ်ဆောင်လာသလိုခံစားရသည်။
အထက်တန်းနောက်ဆုံးနှစ်၏ စာမေးပွဲရက်များတွင် ရိပေ့ါ်ထက်ပိုစိတ်လှုပ်ရှားနေခဲ့သူက ရှောင်ကျန့်။သူကိုယ်တိုင်စာမေးပွဲပြီးသွားပေမယ့် ရိပေ့ါ်အတွက် စိတ်ပူနေမိသည်။ရိပေါ် စာတွေရမှန်းသိပေမယ့် တစ်ခုခုအဆင်မပြေတာရှိမှာကို ပူပန်နေမိတာဖြစ်သည်။
YOU ARE READING
Don't Leave Me (Yizhan)
Fanfictionချစ်ခြင်းတရားကို အဓိပ္ပာယ်ဖော်ဆိုပုံမတူသူတွေရဲ့ ချစ်ခြင်း
