"အရာရှိ၀မ်"
ရိပေါ် လှည့်ကြည့်လိုက်တော့ တစ်လောကတွေ့ဆုံခဲ့သည့် သူဌေးချောင်ရဲ့ တစ်ဦးတည်းသော သမီး ချောင်မေ။တက္ကသိုလ်ကျောင်းသူအရွယ်ဖြစ်ကာ ချစ်စရာကောင်းသော ရုပ်ရည်ကိုပိုင်ဆိုင်ထားသည်။လွန်ခဲ့တဲ့လအနည်းမှစ၍ မိမိရှိသည့်နေရာများတွင် သူမကိုတွေ့ရသည်။သူ့ဆီချဥ်းကပ်တဲ့ အမျိုးသမီးများထဲတွင်ဇွဲကောင်းသောသူတစ်ယောက်။သူဌေးသမီး လိုတိုင်းရဘ၀နဲ့နေလာရသည်မို့ လိုချင်တာမရဘူးမရှိလို့ တွေးထားသည်လားမသိပေမယ့် သူမအလိုရှိတာက မိမိနှလုံးသားဆိုလျှင်တော့ လက်လျော့စေချင်သည်.....
"ဖေဖေက အရာရှိ၀မ်နဲ့တွေ့တောင်တွေ့နေပြီပေါ့"
"ချောင်မေ စာမေးပွဲနီးနေတာကို အဆောင်ကနေထွက်လာတယ်ပေါ့"
"စာက ရနေပါပြီ ဖေဖေကလည်း။ခါတိုင်းဆို မလာပါဘူး။အရာရှိ၀မ် လာမယ်သတင်းကြားလို့လာခဲ့လိုက်တာ။
ဒီတစ်ခေါက်နဲ့ဆို တွေ့တာခုနှစ်ကြိမ်ရှိပြီနော် အရာရှိ၀မ်"
ရိပေါ် ချောင်မိန်းကလေးအပြောကို ခေါင်းပဲငြိမ့်ပြလိုက်သည်။
ရှောင်ကျန့် သွက်လက်ကာပြောဆိုနေသော မိန်းမငယ်လေးကို ကြည့်လိုက်မိသည်။သူမ မျက်လုံးတွေက ခန်းမထဲ၀င်လာကတည်းက ရိပေ့ါ်ဆီကမခွာပေ။သူမဖခင်လက်ကို မှီတွဲကာ
ချွဲ့ချွဲ့နွဲ့နွဲ့ပြောနေသော်လည်း သူမအကြည့်တွေက ရိပေါ်က မိမိလက်ကိုကိုင်ထားသည်ကိုမြင်ပြီး အနည်းငယ်မကြည်လင်တဲ့ပုံဖြစ်သွားသည်။
ခန်းမအလယ်တွင်ဖျော်ဖြေနေသော တယောအဖွဲ့က သံစဥ်ပြောင်းလိုက်ချိန် လူငယ်များနဲ့အမျိုးသမီးငယ်များက အလျှိုလျှို မိမိပါတနာနဲ့ ကရန်ပြင်ကြသည်။
"အရာရှိ၀မ် ချောင်မေနဲ့ တွဲကပေးလို့ရမလား"
"စိတ်မရှိပါနဲ့ မိန်းကလေးချောင်။ကျွန်တော်တို့ ပြန်တော့မှာမလို့ပါ"
ချက်ချင်းငြင်းလိုက်သော ရိပေ့ါ်ကြောင့် ရှောင်ကျန့်ပင် တစ်ဖက်မိန်းကလေးကို အားနာသွားရသည်။
"ချောင်မေက အရာရှိ၀မ်နဲ့ တွဲကဖို့အတွက် မလှမပဖြစ်နေလို့လား"
YOU ARE READING
Don't Leave Me (Yizhan)
Fanfictionချစ်ခြင်းတရားကို အဓိပ္ပာယ်ဖော်ဆိုပုံမတူသူတွေရဲ့ ချစ်ခြင်း
