كش ملك(شطرنج _الحياة)

الشطرنج السابع عشر

#الكاتبه_تولين_جراح

#شطرنج_الحياة(كش_ملك)

لا تنسون التصويت +التعليق بين الفقرات نعناعاتي

‏هَذا أنَا،
لَا تَخلُو مِنّي مَعرَكة،
سَتَجِدنِي أقَاتلُ وَلَو بِحُطامِ قَلبِي،
ثُمَّ أجمَعُ أشلاءَ أحلَامِي
وَأقُولُ..
لَا بَأس،
والبَأسُ كُلهُ في قَلبِي ! '))
........................................................ 

بلعت ريكي واني اشوف رجوان واكف منتظرني باوع علية بعصبيه وكال وهوه يصفك بيدة

رجوان : ويننننن جنتيييي مداممممم

ما كدرت اجاوبة لهسة شكل الولد الانذبح ببالي رفعت النقاب وكعدت واني اتنفس بالكوة أجر النفس
استغربو حالتي عمتي كالت

ام رجوان: شبيج عمة وين رحتي راح رجوان للخياطة كالت ما اجيتي

اسيل : ما رحت إلها

رجوان: عجل وين رحتي صار ثلاث ساعات طالعة

نزلت دموعي وكلت
اسيل: جنت يم سلام اشتاقيت اله ورحت اشوفه

رجوان هنا ما صدك بس ما ناقش صار يصيح علية

رجوان: شوفي ولجججج بعد اذا اشوفج طالعة اكسر رجلج فهمتي لو لاااااا

اسيل : الي يعجبك سوي

هنا رجوان ولأول مره يورجي احد على مشاكلنا صار يذمر مني ومن تصرفاتي كدام خواته والجناين

رجوان بعصبية : تعبتنييييييي بس جسد.بدون روح بالها مو يمنا مجرد تأدية واجب عايشة وياي
حتى ولكمم حتى من اتقرب عليها جسمها ينفرني تغمض ما بدها تشوفني واكول اتحمل احبها واريدها ام جهالي بس كافي تعبت

االى متى احسها مو ويايييييي تعبتتتتتتت افهمووو مرتي مو وياي بس جسدددد بدون روحح

هنا احس انهاريت شكد استصغرني بتصرفه بجيت بصوت عالي على اثرة دخلو وسام وسعد

سعد: شكو شصاير صوتكم واصل للشارع عيب رجوان هاي عود انتَ العاقل

رجوان: تعبتني يوميه مجاهد جايني مرتك شعدها طالعة يومية بدون عليممييييييي واني منتظرها اليوم تكلي اليوم تحجي وتكول يابة اليوم طلعت بس ماكوووو ما تحجي

وسام : صلى على محمد شبيك خوية وبعدين اكيد تروح للسوك اكو غيرة شو كل النسوان يرحن للسوك وبعدين عيب هل تصرف المشكله خليها بينك وبين مرتك أخذها للبيت وافتهم منها ليش تطلع سوالفكم للناس

رجوان: محد غريب هذول اهلي

وسام : ميخالف بس ما يصير

رفعت راسي على وسام الي بصف رجوان جان
عيونه حمر ويباوع علية بقهر اما رجوان جان كتلة من النار حجيت والشهكه بعدهي بية