اشوف نجوان اجه بسرعه بتجاهي اني قمت من الخوف ماعرف وين اروح لزمني من رقبتي وخنقني بيده واني دموعي تنزل وحده وره ثانيه هسه اعلمج اني منو والزلم شنو تسوي صرت ارفس برجليه حيل هوى ما دا اشتم نقطع عليه نزلني بكول قوته على لارض بحيث راسي احسه نكسر من تركه اليه لزم شعري وضربني حيل على الحايط عقلي احسه طلع من مكانه ماعندي قوه اصيح لو احجي يحجي بعصبيه وعيونه حمر ليلان اني مو زلمه مو اني اباوع لعيونه وتفلت على صفحه تفو على رجولتك اذا هاي تسميها رجوله وكول واحد مثلك يا دا اريد اكمل جاب الكرسي وذبه حيل عليه واني بسرعه دا احمي روحي ضميت راسي بين رجلي وايدي ودرت ظهري بتجاها ضربه صارت على ظهري وللكرسي تكسر واحس بسمار من الكرسي نبت بظهري وطلع صرت ابجي بلا صوت بس دموع تنزل اذا ابن امي وابوي هيج يسوي بيه لعد شنو خليت لغيرك صرت ابجي واشهك اشوف شيري تحجي ماما بيج شي شبيج شنو صار ليش هيج انتي بخير ماما احجي
ليلان: مسحت دموعي واباوع لشيري يوم عادي من حياتنه طبيعيه تعودنا نظفي غرفه داخله اسبح اني
شيري : بس ماما ظهرج ينزف دم
ليلان: ليش لوجعه بقلبه هم يحس بهذا الوجع لاتهتمين اخذت ملابس ورحت لحمام فتحت ماي البارد حتى بانيو يتمله اباوع على المرايه ضهري بي دم رقبتي بيها اثر اصابع ايدي ليش هيج يا نجوان مو اختك اني هيج تسوي بيها مامأذيتك بشي من تمرض اكون اني نايمه فوق راسك واهتم بيك اشربك دوه واذا دخلت عركه تجي بدمك اعالج كول جرح بيك بس صوج مو منك صوج بيه الله خله هل حنيه بقلبي خلاني طيبه مو مثلكم قاسيه باوعت بانيو تمله ماي سكرت ماي ونزعت كولشي ودخلت بطن البانيو ودموعي تنزل وحده وره ثانيه من وجع على كيف نزلت جسمي ونمت بطن ماي احس جسمي كوله برد بس ليش نار البروحي مابردت ليش قلبي بعده دا يحترق
جمر نايم بقلبي وكاعد يفور لو ادخل ب بحر مااظنه يبرد.
ليش اني ماعندي سند ليش اني ماحد يحبني ليش مو مرغوبه بهل بيت ليش اني مكروها بهل بيت ليش اني اختلف عنهم بقيت استعيد بذكريات اني حتى طفوله ماعشت مثل باقي اطفال اتذكر نجوان عادي يلعب ودائما يجي من مدرسه متعارك ويا واحد فا بابا يكون واقف بصفه وماينطي ب ابنه ويخلي صووج بيهم حتى نجوان مايضوج يزعل فا اني مره من مرات كنت بالمدرسه وتعاركت وياي وحده ومالي ذنب بشي ابد فا حتى ادافع عن روحي دفعتها عني وكعت وطخ راسها بالطاوله وطلع دم من راسها وصارت تبجي فا استدعو اهالينه بوقتها وبابا اجه بس كان معصب اتذكر بيومها شنو صار اجت ام لبنيه تقول بنتي تاذت منها ماريدها تكون بالمدرسه فصلوها طردوها اخاف على بنتي منها واني ابجي اقوله بابا والله هيه تعاركت وياي ودافعت عن روحي ماسويت شي الها فا حلوها ويا بعض ورجعنه للبيت وهنا طلعت عصبيه بابا كولها بحيث ضربني راشدي خلاني كبل اطيح على الارض وطلع من خشمي دم صرت ابجي واقوله اني ماسويت الها شي بس دافعت عن روحي قال دافعين عن روحج مو جاب عوده مال دفايه حطب يلي تكون معلقه وصار يضرب يدي بيها هاي ضربتي بيها لبنيه مو حتى مو تعيديها واشوف نجوان يباوعلي من بعيد ويضحك وماما سحبت نجوان للمطبخ حتى ماحاولت تخلصني من ايد بابا و بابا يكمل عليه اجت شيري قالت اله ترى طفله وماتفهم وبعد ماتعيدها اتركها هل مره خلص اباوع على ام يلي ماحاولت دافع لبنتها ومره لا منه ولا من دمي ولا جابتني دافعلي اخذتني منه واني وصاعدهاكو مرايه معكوسس على المطبخ ماما توكل ب نجوان وماهامها شيري قالت يلا تعالي نصعد للغرفه بسرعه وصعدتني فوك كول جرح بيه صارت تضمده الي عيوني على باب هسه امي تجي تمددت على فراش بعد ماخلصت تضميد وعيوني ماشلتهم من باب كول امل امي تجي غفيت وهيه ماجت تطمئن عني
ادركت انو اني مالي شي هنا شكد صعب من تكون بوسط عائلتك بس تعرف مومرغوب بي بهل مكان اني مالي مرغوب بيه هنا ابد واعرف لو اموت ماراح يهمهم شي فا اني المن اتعب روحي واسترجع ذكرياتي يلي توجع قلبي وروحي ماكو شي يرجع الي طفولتي لنحرمت منها غفيت شويه جوه ماي ورها بسرعه صحيت غسلت وقمت لبست وطلعت من حمام رحت نشفت شعري ولبست ملابس قفلت الشبابيك واهم شي باب الغرفه اقفله عدل والبرده فتحت صوبيه وفتحت شويه ضوه لانو اخاف من ضلمه اني وغطيت روحي عدل ونمت على الفراش ارجع انام احسن شي ب هل كون نمت وحلم يجر حلم حلم يجر حلم لحد ما فزيت من صوت الموبايل بسرعه فتحت مكالمه وخليته على أذني اسمع صوت رجال غريب
مهيار: مرحبا شلونج ليلان
ليلان: منو
مهيار: تمام الحمدالله شكرا سألتي عني
ليلان: نعم انته شنو دا تحجي
مهيار: ها حلو كلامج بغدادي اموت اني
ليلان:اوي وقطعت خط بوجها
مهيار:شبيها هاي مو مال شقى رجعت تصلت عليها
ليلان: شوف تقول منو انته لو شلون
مهيار: اني زوجج
ليلان: شنووو
مهيار: قصدي اني زوجج مستقبلي مهيار
ليلان : مهيار؟؟؟
مهيار: هيج اسمي عجبج حتى عدتيها ورايه ههه
ليلان:سخيف احد كولك هل شي
مهيار: لا هاي اول مره ادري منج
ليلان: نعم المن متصل
مهيار: حتى اعرف راح اتزوج منو انه
ليلان: واني منو كولك انو اريد اتعرف عليك أو بالاساس منو قابل يتزوج
مهيار: شوفي بديت اضوج انه مو مثل ما متخيلج اضحك واتشاقه وياج واسايرج لان بنيه عايشه بالخارج ورقيقه مو مال عصبيه بس مو معناتها اخليج على راحتج تجاوزين
ليلان: تهددني انته لو شنو
مهيار: اي اهددج اخاف ماعاجبج
ليلان: قطعته بوجها وحظرت رقمه اووووع ياااااااااربي اوع شنو من بشر هذا حجيت ويا كم دقيقه لعبت روحي بعد مو اتزوج منه اوع تخيلت موضوع دموعي دا ينزلن وحده وره ثانيه اخ شسوي بروحي ومصدق من نفسه بعد اخذه لو اموت مأخذك
شفت ساعه بل وحده ونص بليل اوف المن كعدت هسه اني بقيت صافنه قمت لبست ملابس وشديت شعري واخذت الخوذه مالتي نزلت جوه فتحت باب رحت للكراج طلعت ماطوري اووووف شتاااااااااقيت الك هوايه ركبت عليه وماصدكت طرت بي بحيث ماعرف وين اني بأذني سماعات ورايحه لعالمي لبي بس اني مابي مشاكلي وجعي صح ابين بنيه اني هادئه ورقيقه بس مايمنع حبي للماطورات لانو هوا لوحيد بيخليني اطير من صدوك طرت بي لحد ساعه خمسه و45 دقيقه رجعت للبيت تعبانه فتحت باب ب هدوء واشوف بابا بالصاله
نوح: وين جنتي
ليلان:كنت برى
نوح: اعرف هل شي مو اعمه
ليلان: حشاك بس...
نوح: يمتى نخلص من سوالفج تعبانه
ليلان: بسس...
نوح: ماريد اسمع منج شي روحي من وجهي
ليلان: بس ما..
نوح:روووووحي
ليلان: خليني احجي اريد اكولك كنت على ماط.....
نوح:ولييييي من يمي سمعتيني
ليلان:ركضت بسرعه لفوك لغرفتي استغفرالله شنو لسويته اني هوا طلعت ورجعت قابل سهرت ويا احد لو رجعت سكرانه اعوذ بالله بسرعه رحت غسلت بدلت ونمت
نوح: طالعه على ماطور ليقول زلمه هيه يمتى اخلص منها تعبت اني
كعدت الصبح على مكالمه مهيار
نوح: الو مهيار
مهيار: هلا بيك عمي شلوونك
نوح: بخير الحمدالله انته شلونك
مهيار: موبخير بارحه تصلت على ليلان بعدنا ماحجينه حظرتني
نوح: والله
مهيار: اي والله عمي وضجت هوايه من هل تصرف جا هاي من اولها هيج شلون بعدين
نوح: لا انطيها وقت بعدها ماتعرف تتصرف
مهيار: الله كريم نشوف وين نوصل
نوح: ان شاء الله خير
مهيار: يلا اني اترخص مع سلامه
نوح: الله وياك
نوح صعدت ركض كسرت باب على ليلان فتحي باب ليلان
ليلان: كعدت بسرعه خترعت شنو صار فتحت باب واشوف بابا تهجم عليه خنقني بيده باااابا
نوح: ليش تحظرين مهيار ولج شبيج تردين تفشليني كدام اخويه وابنه لا تخبليني لج جري عدل لا تخليني اتصرف ويا تصرف ثاني
ليلان: اريد نفس وخر ايدك واشهك
نوح: لو بس اعرف مهيار شنو شاف بيج حتى حبج الج
ليلان: تركني واني طحت على الارض وهوا طلع وصرت اشهك بس اريد هوا الله ياخذ يوم يلي صرت بي بنت هل عائله صرت اشهك اريد اوصلل للمجر يلي يم راسي ما دا اوصل شافني نجوان يباوع عليه ويضحك
نجوان: ههه خوش كتله ماخذا من صبح
ليلان: اشهك واشر اله على مجر
نجوان: راح ب اتجاه المجر وفتحه اخذ البخاخ وصار يضحك تردينه ويهز بيدها تعالي اخذي فتح العلبه وبخ يم وجهي واني احاول اخذه من ايده وهوا يضحك اجت رهف تباوع بسرعه اخذته من ايده وعيوني تنزل دمعه وره دمعه ختنقت حيل بختلي بسرعه وصرت اشهك
رهف: انته مخبل ما دا تشوفها تريد البخاخ ختنقت
نجوان: اووووو كنت متمتع وفرحان اله تجين تخربينها وراح
ليلان: اجت رهفقومتني من الارض وخلتني على الجربايه وكعدت بصفي
رهف: شلون صرتي
ليلان: زينه
رهف: ليلان
ليلان: ها
رهف: ماكو شي يلا كايمه اني
ليلان: تمام
راحت هيه واني قفلت باب وراها اوف على تعب لبروحي فوق قهري مهيار بعد من وين طلعت الي انته رجعت نمت مالي خلك اشوف أي احد بيهم ...
مهيار : اعرفكم على روحي اسمي مهيار بيبيتي سمعتني هل اسم لان اول مانولدت وجهي جان ابيض وسمتني ب اسم مهيار و معناتها اكتمال القمر سوالف بيبيات عمري 28 سنه واشتغل بال عقارات اشتري وابيع حالتي ماديه زينه واحنه من عشيره معروفه وابويه شيخ معروف وانه ويا هم ب كل كعده اتواجد ويا لان الكل تسكت اذا اكون موجود انه كلشي بيدي أمر وانهي مارحم احد بطبعي هذا انه وابويه يخليني احجي بكل كعده لان اني عندي لسان واكدر اخذ ناس بلساني وجريء وماخف من أي بشر قوي وقلبي صلب وعلى كولت امي الاسد ياكل بيه سبعين سنه وايصيبك شي اني اكبر واحد باخواني عندي بعد ٥ اخوان و٣ خوات
تقي وحبيب ويوسف و علي واخر واحد أشهم وخواتي سها وبسمة وفجر
عندي اثنين عمام واحد هنا يمنى عايش و ماعنده جهال مايصير عدهم وعمي ابو نجوان عايش بالخارج تزوج بالعراق صار عنده نجوان رجع طلع للخارج هنا ماقدر يعيش بسبب يقول شغلي ودعودت هناك وماقدر ابويه الجبير بينهم وابو غايب الوسطاني و عمي ابو نجوان اصغر واحد بيهم لذالك على راحته مخلينه قبل لا يموت جدي طلب يشوف عمي ابو نجوان لانو يحبه ويموت عليه وعرف بروحه هاي اخر ايامه فا عمي اجه وجاب مرته وجهاله اتذكر هنا بوقتها ليلان جان عمرها يتراوح بال 3 سنين اتذكر واني بين ال9 او ال 10 سنين اتذكر ضحكتها وكلامها لمكسر ماتعرف تحجي عربي مرت عمي ماتقبل تعلمها عربي وعمي اله يحجي وياها عربي وانه كل يوم اخذها افتر بيها بالبساتين فرحان بيها العبها ونطلع واشتريلها مع ذالك اكو بنات بعمرها بس هيه غير عنهم لبسها اجنبيه شي جديد وهيه عوود من الخارج وكذا معامله خاصه وهاي المعامله خاصه ماتوقعتها اخذها للكبر من شافو اهتمامي بيها ابويه تفق ويا ابويه انو ليلان تصير الي من اكبر ومايزوجها لغيري ليلان ل مهر هذا اسم يلقبوني بي مهر مات جدي وره موته جدي بسبوعين رجع عمي للامريكا مرت لايام وراحت الايام وليلان ماجت ولا شفت حتى طيفها شلون صارت ملامحها بعدها نفسها ماعرف هل شي كبرت وكبر حب ليلان برويحتي وكلبي ماكلكم ماتونس بالبنات لا اتونس ملاهي لاربيل بغداد سوالف ضحك حجي بس ماتوصل للمس توقف بعيني ليلان وحبي الها امي تلح عليه تزوج وتزوج هاي بنات خالاتك هوايه وعماتي هم عندي 3عمات وكل وحده بيها عدها 4لو5 بزايد6بنات هاي ماعده الاولد تسطر بيهم علمود ولد واحد لو بالغلط مادري مايتعبن بيت جدي هوا هوا عايشين بي احنه وعمي وعمتي وخواتي ورجولتهن واخواني بيت عائلة وجدي قبل لا يموت اله يرحمه وصيته لا ينباع لبيت ولا واحد يطلع منه ولكل يبقى يجتمع يوم الجمعه لثاني يوم يطشن عماتي وحده عايشه ويانه بس اكو وحده بيها عايشه قريب من البيت وثانيه بصفها ورجولتهن ماترضه يعوفون بيتهم وهم بالكوه قبل ابويه .....
يتبع......
________________________________________________________
الكاتبة رقية علي اكبر
________________________________________________________
أنت تقرأ
على قيدك
Randomتعيش البطلة وسط ظلال حياة مضطربة مليئة بالعراقيل، حيث يبدو أن كل شيء يتداعى من حولها. تتسارع الأحداث عندما يدخل رجل غامض حياتها، يعدها بالخلاص من آلامها، ولكنه يجلب معه سلسلة من العواقب غير المتوقعة. بين الحب والجنون، وبين الحياة والموت، تجد نفسها ع...
