"ليت لي عيون مثل زرقاء اليمامه
لأجل اراقب رحلتك حتى نزولك
طمني عليك لوصلت بالسلامه
لك حبيب ينتظر لحظة وصولك"
______________________________
كان ريان جالس في بيتهم الي بفرنسا وعلى جواله ودخل اخوه صقر للبيت وبسرعه ريان رمى جواله وراح يحضنه ويتعلق فيه
صقر:ها ياحبيب اخوك شحالك وش تسوي
ريان:بس جالس على جوالي وقبل شوي كنت طالع مو اخوياي
صقر:طيب وين فيصل؟ ابيكم بكلمكم بشيء ضروري
فيصل:كأني سمعت اسمي؟
دخل فيصل جاي من برا وفتح يدينه للي ركض يرتمي بحضنه ويتعلق فيه
فيصل: صقر وش السالفه؟
جلس صقر وجلسوا فيصل وريان
صقر:عماني يبو-
قاطعه ريان الي شهق
ريان: عندنا عمان اصلًا؟؟!!
صقر: ليه تحسب اننا مقطوعين من شجره؟ عندنا عمان وعمات وجد بعد
ولعد تقاطعني خلني اكمل
المهم دق علي عمي ذياب يقول ان جدي يطلبنا نجي لأن من زمان ماجينا للسعوديه اظن 12 سنه صح؟ كان عمر ريان سنتين اخر مره جينا
فيصل: طيب والمطلوب عاد؟
صقر: يبونا نستقر عندهم مايبونا نجلس هنا لحالنا وهم هناك
ريان: لا طبعًا لا احنا عايشين هنا مالنا دخل فيهم ماتذكروا ان لهم عيال اخو الا الحين؟؟
صقر: ريان ذولي عمانك وهم كل مره يكلموني يتواصلون معي ويسألون عنا واصلًا مو قاعد اخذ رايك جالس اقولك جهز اغراضك المهمه وخذها معك الباقي بنشحنها هناك بنستقر ببيت جدنا
زعل ريان لأنها اول مره
فيصل ناظر صقر وكأنه عادي الوضع عنده
فيصل:متى بنمشي؟
صقر:عالأسبوع الجاي ان شاء الله جهز اغراضك الي تحتاجها والباقي بنشحنها
هز فيصل راسه وقام راح لغرفته يجهز اغراضه
________________________________
عند الشايب الي قاعد بمجلسه وجمبه عياله وجالس يهزء سالم لأنه مستلم قضية واحد من ربع ابوه وكبيره مره ومايقدر انه يعديها له مثل كل مره وابوه يهاوشه
الجد:انت تبي تفشلني قدام الرجال؟؟! قلت لك مش اموره
سالم:يبه الله يهديك قضيته تحرش بقاصر وفيه ادلة ماقدر امشيها له مبين كل شيء وجهه ووجه الولد الي كلاها وش تبيني اسوي؟ اروح اخرم وجهه عشان مايبين انه هو؟؟
الجد:لاتعصيني وتسوي مثل اخوك سليمان راح خذا له فرنسيه وخلا بنات عمه وعصاني ومابقى غير عياله
سالم:وانا شدخلني بسليمان الله يرحمه سليمان راح مع زوجته لربهم الله يرحمهم وماخذاها الا لما اسلمت ماخذاها كافره ماسوا شيء حرام ولا عيب
طلع سالم معصب بعد ماتجادل مع ابوه وركب سيارته وطلع بكت الدخان وبدأ يدخن على امل يهدأ شويه
_________________________________
يتبع
كيف البدايه؟
