هاي يعيوني كيفكم؟ ان شاء الله تمام
نسيت اقولكم ان ريان فيه تأتأه قويه وتزيد اذا توتر وخاف
استمتعواا🤎🤎
انستا:iivpiivp
______________________________
انشهد ان هرجه على الروح داوي
كان سالم بالمركز بيده ملف قضية مو مهمه حط الملف على جنب وطلع زقارته يدخن وجاه اتصال من صقر
سالم:ارحب يالله حيه شخبارك
صقر:الله يبقيك بخير الحمدلله انت شلونك ياعم؟
سالم:بخير دامك بخير يا ابوي انت امرني بغيت شيء؟
صقر:ما يأمر عليك عدم ياعم بغيت اقولك ان احنا الخميس ان شاء الله عندكم بإذن الله
سالم:الله يحيكم البيت بيتكم بيت اهلكم في اي وقت حياكم
صقر:تسلم بس بقولك ان انا وفيصل بنكون في شقه انا ريان بيكون عندكم اذا مافيها كلافه
سالم:افاا وليه انتم مو معه؟
صقر:احنا ياعم متوظفين يعني اغلب يومنا مو موجودين بالبيت ولو ريان معنا محد بينتبه له واحنا زي ماقلت لك طول يومنا بالدوام يعني بناخذ مكان عالفاضي اهم شيء بنمركم كل يوم ومنها نتطمن على ريان
سالم:بصرك الي تشوفه البيت بيتكم حياكم الله بأي وقت
_________________________________
ريان الي قاعد زعلان بغرفته يفكر، كيف يخلي اخوياه وجيرانه ومدرسته ويروح؟هو انولد وعاش بفرنسا بحكم ان امه فرنسيه
طق باب غرفته
ريان:ادخل
دخل صقر وجلس بجمب ريان
صقر:اسمعني يحبيبي احنا اصلنا سعودي واهلنا وديارنا هناك، صح ان امنا الله يرحمها فرنسيه بس احنا لازم نروح لأهلنا ووعد اذا تضايقت منهم باخذك عندي بالشقه
ريان:ليه مراح تجون معي؟!!
صقر:احنا بدواماتنا وبنجي كل يوم عندك لاتخاف
بدأ ريان يقتنع واصلًا خلاص هم معزمين يروحون حتى لو رفض بيجي غضب
ريان:كم عم عندي...؟
صقر:عندك اربعه اعمام وعمتين
الكبير ذياب
وعياله ناصر وماجد ومحمد
ذولي كلهم كبار مو حولك
الثاني فهد
وعياله راشد وثامر وظافر
وذولي بعد مو حولك
الثالث محمد
وعياله منصور وخالد
منصور بالجامعه وفيصل اكبر منك بسنتين بس يعني حولك
واخر واحد سالم مو متزوج ولا عنده عيال
مسك ريان راسه يحاول يحفظهم ولايلخبظ
صقر:هناك مايبونك تبكي على اي شيء واذا احد من عماني ولا جدي غلط بكلمة عليك ولا صارخ عليك لاترد بس اسكت ذولي اكبر منك لازم تحترمهم وهناك تقول سم وابشر وان شاء الله
وجلس صقر يعلم اخوه كيف يرد وكيف يتكلم هناك عشان ماينقدون على اخوه ويقولون ان ابوهم مارباهم على الأصول
_________________________________
الصراحة ماعندي افكار الي عنده يجيني بالأنستا يقول لي بارت او شيء اكتبه iiox.iiox
