"തിരിച്ചു വന്നിരിക്കും ഞാൻ, എനിക്ക് അവകാശപ്പെട്ടതെല്ലാം തിരിച്ചുപിടിക്കാൻ. ഇന്ന് എന്നെ ആട്ടിപ്പായിച്ചവരുടെ ഒക്കെ മുമ്പിൽ തലയെടുപ്പോടെ ഞാൻ വന്ന് നിൽക്കും."
✨ദേവനന്ദം✨
: എന്താ ലക്ഷ്മി , മോൾക്ക്‌ കല്യാണം ഒന്നും ആയില്ലേ? : നോക്കുന്നുണ്ട്, പക്ഷെ ഒന്നും അങ്ങോട്ട്‌ ശെരിയാകുന്നില്ലെന്നേ. : കുട്ടിക്ക് എന്തെങ്കിലും കുഴപ്പം.... : എനിക്ക് തത്കാലം ഒരു കുഴപ്പവുമില്ല, എനിക്ക് തോന്നുമ്പോൾ ഞാൻ കല്യാണം കഴിച്ചോളാം, ഇനിപ്പോ തോന്നിയില്ലെങ്കിൽ കഴിക്കാനും പോണില്ല. : നന്ദു, പ്രായത്തിന് മൂത്തവരോട് തറുതല പറയുന്നോ? : മംഗലത്തെ ഇളയ പുത്രിക്ക് പിന്നെ പണ്ടേ നാക്ക് ഒരൽപ്പം കൂടുതലാണല്ലോ. അവളുടെ അമ്മായിയെ പോലെ ആകാതെ സൂക്ഷിച്ചോ, അല്ലെങ്കിൽ പിന്നെ ചരിത്രം ആവർത്തിച്ചിട്ട് പിന്നെ വിഷമിച്ചിട്ട് കാര്യമുണ്ടാകില്ല. : ഞാൻ എന്റെ അമ്മായിയെ പോലെ ആണെങ്കിൽ എനിക്ക് അതിൽ അഭിമാനമേ ഉള്ളു. ശാരദ അമ്മായി വെറുതെ എന്റെ കാര്യം ഓർത്തു വിഷമിക്കാതെ സ്വന്തം കാര്യം നോക്കാൻ നോക്ക്. : നന്ദു, മിണ്ടാതെ വേഗം വീട്ടിലേക്ക് നടക്ക്, വൈകിയാൽ വല്യച്ഛന്റെ കയ്യിൽ നിന്ന് വഴക്ക് കിട്ടും. ശാരദ ചേച്ചി, ഞങ്ങൾ എന്നാ അങ്ങ് നടക്കട്ടെ.
: എന്താ നന്ദു നിനക്ക്? അവരുടെ സ്വഭാവം അറിയണതല്ലേ? എന്തിനാ കുട്ട്യേ വെറുതെ വഴക്കിടാൻ പോണേ? : പിന്നെ എന്റെ അമ്മായിയെ പറയണത് കേട്ട് ഞാൻ വെറുതെ നിൽക്കണോ? അമ്മയുടെ ഉറ്റ സുഹൃത്തിനെ കുറിച്ച് അവർ അനാവശ്യം പറയണത് കേട്ടിട്ട് അമ്മക്കൊന്നും പറയാൻ തോന്നിയില്ലേ? : നമ്മൾ വെറുതെ എന്തിനാ മറ്റുള്ളവരെ വെറുതെ മുഷിപ്പിക്കുന്നത്. : മുഷിപ്പിക്കണ്ടവരെ മുഷിപ്പിക്കണം. : നിന്നോട് വാദിച്ചു ജയിക്കാൻ ഞാനില്ല. വേഗം നടക്ക്, ഇപ്പോഴേ വൈകി, വല്യേട്ടന്റെ ചീത്ത കേൾക്കാൻ എനിക്ക് വയ്യ. : എല്ലാവരും എന്തിനാ വല്യച്ഛനെ പേടിച്ചു കഴിയുന്നത്? അമ്മക്ക് അച്ഛന്റെ കാര്യം മാത്രം ആലോചിച്ചാൽ പോരെ? : എന്റെ പൊന്നുമോളെ, നീ വെറുതെ ഇതേ കാര്യം പറഞ്ഞു തർക്കിക്കാൻ നിൽക്കാതെ ഇങ്ങോട്ട് വന്നേ.
Oops! This image does not follow our content guidelines. To continue publishing, please remove it or upload a different image.
