حلقه17
كانت ماسكه نقالها ورافضه للامر ما تبي تواصل معاه ولا حتى شوفته..لكن لازم تتصرف
نظرت للرقم اللي ارسله لها ..ذاك المجنون
كان ف المصنع يراقب العمال وجالس على كرسي بملل يلعب لعبة الغاز
رن نقاله برقم غريب رد شعيب : السلام عليكم
_ وعليكم السلام
صوت بنت
رد بجمود : من معاي
طلعت لسانها عديم الذوق . : .انا شيماء
وقف بقوة طاح الكرسي وزحلق نقاله
لقى واحد م العمال يراقب فيه
هتف بهدوء : كيف حالك
شيماء من امتى اللطف : تمام..قتلك
شعر بأن وراها شي مش متصلة حبا فيه
توجس وشعر بالقلق : خير ان شاء الله احكي
_ بسم الله بشويا
عععيسى
رد بنفاذ صبر : كنه
_ خطف هبه ..اتصل بيا قالي نقولك وسكر نقاله
وانتهى الاتصال وهو ينظر للنقال بغضب وقلق على هبه وتوعد وتهديد ل عيسى
..
◇◇◇◇◇◇◇◇
كانت تتسوق واخذت جوري فقط تقص لها شعرها
كانت جوري في عربه التسوق رنت عليها اسماء
: وين يابارده حوش سيدي مليان ..
شيماء : عليش؟يبي يقتلها يعني يبي يتفاهم معاها بعيدا عنكم ..كنه جعفر ما خطفك
ردت بفخر : لانه يحترمني
_ ههههههههههه خايف منك بس
سمعت صوت خلفها : دوم ضحكته . واخذ عربة التسوق يجرها بدلا عنها وهي ماسكه نقالها تتأمل محياه بشغف ..
اسماء : الووو
انت يا بنت ..
شيماء : باي توا ونظرت ليزيد اللي يداعب جوري
وهو يختار شوكلاتات ويحطهن ف العربه
شيماء : يزيد سادك ممنوع تخلصهن
رفع حاجبه كأنه يسخر منها او يهددها
: نعم يا روحي شن تكرمتي ؟؟واقترب منها وهي تراقب المسافه بينهم تكاد تكون معدومة
وعطره المنعش يسكنها ..
ابتعلت ريقها بخوف وقلبها يخفق : لا شيء تقضل
يزيد : هههههههه بس سمحه خيتك ورفع جوري يقبلها وهي تراقب المتجر ..
كلهم لاهيين هلك بنتهم مخطوفه
مشت معه وهي تتلفت : شن عرفك
يزيد : رنيت عليه قتله تبي تسافر مع شعيب لخوالها وتقعد عندهم كم شهر ..
ضحكت بسخريه : عمل خير ؟
يزيد بثقة : نعم ...حنون انا
_ ومجنون وين عيادتك ؟؟
يزيد : نطمن على عيوني قبل..
سألته : هكي تعالج حالاتك؟
_ كيف هكي؟
شيماء : مفروض قميص كم مش تي شيرت ابيض ونص راهو انا عندي عضلات يا فتيات
عض شفته السفلى يحاول كبح جماحه عن عناقها من فرحته
_ بنت مش هنا كلام هذا را والله نخطفك كيف عيسى وانت اخف وزن اكيد
خافت منه : قصدي على منظرك كدكتور مش جو غيره وهكي وشن عرفك بوزن هبه
_ نعرف وزنك انا ..
عادت تراقب اناقته وتشعر بالغيرة تتمكن منها
فشت غلها في شنطتها بأظافرها ..
كان وسيم ملفت للنظر وهو رافع جوري اللي مبسوطه..القرده الاخرى ..
قالت وهو يخلص مشترياتها : خلص حاجاتك بس
اقترب وهي مرتبكه خايفه حد ينتبه : انت من جدك يا روحي
_ لااا ابدا تفضل ..
سألها : من جايبك ..
شيماء : كرعيا بيتنا قريب
_اه لاحظت
_انت كنك هنا ؟؟
قال وهو يراقب الشاب يعبي المشتريات في اكياس ..
: والله صدفه ..مش مراقبك ههههه ..
جيت ناخذ في مق متاعي انكسر اليوم فالصبح
_ تعال بكره خوذ متاعي من المكتب .
رد : .وصاحبة المق..؟؟
انحرجت : عيب يزيد
رفع الاكياس وطلع .: .ياه من اسمي على لسانك..فخامة يا روحي..
هاكي مفتاح السياره ودزيه ليا مع حد م العيال الصغار
شعرت بمتعه قيادة سيارته والفضول نحوها جعلها تتهور وتوافق
جلست في مقعد القياده وهو حط جوري جنبها والاكياس من الخلف
نورتيها والله ..
ابتسمت وقادتها للبيت وهي تقرا المعوذات وتردد وجعلنا من بين ايديهم سدا ..
