حلقة19
وقفت تتحداه و وقف عيسى قربها يتحدى شعيب المبتسم بسعاده ..تقدم ناجي ورمزي و وقفو قربها وغزالة تراقبهم ليش واقفين جنبها
شيماء : عفوا يا جدي خطبتني من من؟
رد بغطرسة : مني انا يعني تبي تعصي كلمتي
ردت بشجاعة : ايوه نبي نرفض عرضك او طلبك او اوامرك
انا شيماء بنت عبدالله مش هبه او اسماء اللي مربيهن انت وما يقولن لا.
وقف ولم تتحرك واقترب منها : وبنت عبدالله حفيدتي وانا ولي امرها ..وشعيب شيخ الشباب
شيماء : وانا رافضه..شن تزوجني بالغصب
غزالة : ليش ان شاء الله ومنهو اللي ترفضه يا هبله
شيماء بهدوء : انا الهبله ورفضته
عبدالحفيظ : مافش حاجه اسمها رفض
نظرت لشعيب اللي يفنص فيها وعيسى وناجي قربها ازدادت قوتها : انا رفضتك تسمع فيا
رد وكبرياءه امام ابناء عمه يتبعثر : لا ما سمعت وانت رأيك اخر همي
شيماء : هههههههه وجدي ؟
عبدالحفيظ يهتف ببرود : مفش سبب تعارضي اصلا
شيماء : ما نبيه مش غصب
عبدالحفيظ بنظرة بارده : تبي من
شيماء علت صوت : خلااااص والله قلت ما نبيه كيف تفهم
اقترب يصفعها : يا قليلة التربية
وجد يد عيسى تمسك يده برفق وحزم
نظر الي يد عيسى اللي ماسكه يده : اسف ما حد يمد يده عليها
ابتعدت عن جدها خشت ورا عيسى
ناجي يعدل نظارته : وحده رفضاتك يا اخ انتهت القصة
شعيب : ما انتهت واللي في بالك والله ما اتهني بيه اقترب يزمجر
: تسمعي فياااا ؟؟؟
خافت ومسكت في عيسى وهو جنونه ناضن اكثر كان يغار يغااااار ولاول مره يعترف
عبدالحفيظ بملل : اختاري عيلتك ورضاها او تقعدي وحيده حتى خوتك يجو يعيشو معايا
رمزي : هيا شيماء انا مروح
هلدالحفيظ : خليها ترد قبل
غزالة : عذب الشيطان ياراجل
شيماء : قصدك رضاك انت وحفيدك ..وطبعا نختار حياتي سلام يا حني
عبدالحفيظ : معش تخشي حوشي
خرجت دون رد معاها ناجي وعيسى ورمزي
شعيب بيأس يحدث نفسه هكي القصة كبرت
شعيب : مش هكي يا جدي تطردها
عبدالحفيظ بثقة مهزوزة : توا تجي تجدا
نظرت هويدا الصامته ل عمها وتكبره
نظر شعيب ل امه لفت وجهها وطلعت
بعد ذلك بوقت
دخل جعفر
جعفر : جدددي صح طردت شيماء
عبدالحفيظ : صح ونص البنت فالته
جعفر باندهاش : شنو عشان ما تبي شعيب ؟
عبدالحفيظ : عشان تعاند فيا تقول اصغر عيالها وعيسى قليل الادب يمسك يدي ما يخليني نضربها
جعفر : تضربها وتبي تغصبها عليه وهو يرضى على روحه وحده ما تبيه ؟؟؟
غزالة تبكي : من امس نحلم ب عبدالله زعلان
لا اله الا الله..ثم استطردت
وكنه شعيب شن ناقصه،؟؟
جعفر : وهي شن ناقصها تاخذ واحد ما تبيه ..
سلام سلام ..
السنوسي وعبدالباسط مع والدهم
ف السياره ..
اخذ عيسى النقال يعاتبها : مش ماليين عينك تكلمي خوالك
كانت تبكي : حسيت روحي مكان باتي انا يلزني عشان شعيب
عيسى بتهور : يطربق
رمزي : تي عيب يا راجل
عيسى : هو اللي عيب كبر وخرررف ..
لم يتحرك عيسى وبات بيت عمه
