ASHENLIGHT

Heart's play

Abhishek aur Meera building ke hallway mein aage badh rahe the, gramophone ki woh terrifying voice ab bhi unke kaanon mein goonj rahi thi. Woh kahin se bhi aa rahi ho sakti thi, aur har kadam par unka saaya jaise aur bhi gehra hota ja raha tha. Lekin is baar unke dil mein dar kam aur ek doosre ke saath ka woh naya ehsaas zyada tha.

Gramophone ke paas pahunche toh unhone dekha ki uske paas ek chhota note padha tha. Abhishek ne dheere se note uthaya aur us par likhe words padhne laga, "Chhupi hui cheezein kabhi kabhi sabse saaf nazar aati hain, par unhe dekhne ke liye ek nayi nazar chahiye."

Meera ne thodi si confusion se Abhishek ki taraf dekha. "Kya matlab hai iska? Aur ye villain hamesha apne clues itne complex kyun banata hai?"

Abhishek ne halka sa laugh kiya, "Woh toh hume uljhaane ke liye hi yeh sab karta hai. Lekin hume bas apne clue par focus karna hai. Yeh note ek hint ho sakta hai ki jo kuch hum dekh rahe hain, woh kuch aur bhi chhupa raha ho."

Unhone gramophone aur uske aas-paas ko gaur se dekha. Tabhi Meera ki nazar ek purani painting par padi, jo wall ke saath tight laga hua tha. Us painting mein ek khidki thi, jo bahar ek jungle ke scene ko dikhati thi, lekin woh scene unnatural lag raha tha.

Meera ne dheere se kaha, "Abhishek, yeh painting kuch alag si lag rahi hai. Jaise kuch chhupaya gaya ho."

Abhishek ne haath aage badhaya aur painting ko thoda move kiya. Painting ke peeche ek secret compartment tha, aur uske andar ek chhota sa locked box. Abhishek ne lock ko zor se twist karne ki koshish ki, par woh nahi khul raha tha.

Meera ne uski taraf dekha, "Lagta hai hume isse kholne ke liye aur clues ki zaroorat hogi."

Tabhi unhe hallway mein ek aur shadow dikhai di. Woh shadow villain ka hi lag raha tha, lekin is baar uske haath mein ek chhota se remote tha. Villain ki awaaz fir se gunji, "Tum dono ko lagta hai ki tumne ek doosre ko samajh liya hai? Kya tum sach mein ek doosre ke saath har kadam par ready ho?"

Woh awaaz ek aur test ka ehsaas de rahi thi. Villain ke ye naye tricks aur clues sirf unke dimaag ko hi nahi, par unke dil ko bhi test kar rahe the.

Abhishek ne Meera ki taraf dekha, uske chehre par determination aur usse bhi zyada apne partner ke liye woh silent strength thi. "Tum bas mere saath rehna, Meera. Hum is game ko uske khilaaf hi use karenge."

Meera ne muskurate hue kaha, "Tum par bharosa hai, Abhi. Hum ye game jeetenge, aur usse expose karenge." Unka woh moment unke rishte ko aur bhi ek naye mod par le ja raha tha - ek aisa mod jo sirf dosti aur duty se zyada tha.

Unhone box aur villain ki naye clue ko apne saath le kar wapas office jaane ka faisla kiya, taaki woh aur deeply study kar saken. Ab ab woh sirf case solve karne nahi, par ek dusre ke saath apne naye rishte ko bhi samajhne ki journey par the.

-Chapter ends-