اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
#الهجين (سقوط الاقنعة)
الكاتبه : زهراء الهاشمي
لا تنسون التصويت على البارت
والتعليق بين الفقرات
كسار يكول ...
رحتي وبقت ذكرياتج تتلف بكلبي وجع
واخ يا كلبي الصفيت وحيدك
زهراء الهاشمي
~~~~~~~~~~~~~~~~~~~~
منسّة : دلمار ما كلتلج اني وكسار راح نزوج
وكع المفتاح من ايدي والتفتت عليهم مصدومه
دلمار : شنووو ؟
تقربت لزمت ايد كسار ورجعت حجت بضحكه
منسّة : اني وكسار راح نزوج
التفتت على رناح عينه جانت عليه ابتسمت مجامله
دلمار : مبروك يروحي بس مو شوي ستعجلتو ؟
كسار : لا ما استعجلنه بس انا شفت منسّة مُناسبه الي كزوجه وقررت اكمل باقي حياتي وياها وما اضيعها من ايدي
منسّة : اووي يروحي
كل هذا الحديث دار ورناح مكتف ايدي ويباوع علينه هزيت راسي ودنكت شلت المفاتيح فتحت الباب ودخلت وهو وراي دخل وركع الباب حيل
دلمار : هاي ليش هيج سديته
رناح : ضجتي موو
دلمار : اي ضجت لان منسةّ فطيرررره وفقيرره وما توقعت بهل سررعه راح توافق عليه رناح مهما يصير منسةّ تبقى صديقة عمررري وما اقبل المخلووق يأذيهاااا
رناح : احجي وياها وكليلها ترفض
عفته ورحت كعدت على القنفه
دلمار : ما راح تسمع مني صديقتي واعرفها بس اعاندها تزعل يالله شبسرررعه حبته شبسرررعه تمام اني خليتها تتعرف عليه وتشاقه وتضحك ويا بس ما جنت متوقعه راح تحبه من صدك رناااح راح اتخبل شسوووي شسووي
رناح : اهدي وانا احجي ويا كسار واخلي يلغي كلشي
دلمار : لا دخيلك انتَ اطلع من السالفه كلها فدوه اروحلك
رناح : دنجبي وكومي سويلي جاي راسي صدع
هزيت راسي وكمت عرفت ما راح يعديها
سويتله جاي صبيت كوبين ورحت للصاله ما لكيته
دلمار : رناح وينك
عفت الصينيه على الميز ورحت ادور عليّ ماكو بالبيت هذا وين راح جريت جهازي اتصلت عليه ميجاوب يالله هذا الثاني وين راح انوووب
بقيت كاعده انتظره وفكره توديني وفكره تاخذني الحد ما صفنت كسارر لا يالله طفرت بسرعه اريد اصعد الشقه كسار فتحت الباب واشوفه ينزل من الدرج فتحت عيوني على وسعها
دلمار : رناححح
خزرني وتقرب دفعني داخل البيت ودخل
دلمار : وين جنتتتت
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
