صـمـيـم

| 50

" انتَ الـخسرت هـواي وانـي أكبر خسـاراتك "
______________________
3,400 Worde's

الـيـوم الـتالي / أرمـين "

چنت واگف بالمطبخ وعيوني ع ريـان الي نايم ع گنبة بالصـالة ، اخر شي أتذكره چان نايم بصـفي شچابه للصالة !

رن جـرس الـباب فـزيت من مكاني ، أكيد هذا علي ، گعـد ريـان وفـز من نومه ، باوع عليه

ريان : حبيبي ليش مگعدتني

رن جرس الـباب مرة ثانية ، فرگ عيونه وگام من مكانه توجه للباب رحت وراه فـوراً

فتح الباب والي چان واگف هـو أحمد ، حضن ريان وبلش يبچي بحرگة ، أنصدمت من المنظر الي گدامي

أخذه ريان للصالة وچان ديحاول يهدئه ، گعدت گبالي ومو گادر افك عقدة حاجبي واني مستغرب من الي داشوفه گدامي

ريان : أحمد اهدأ واخذ نفس وياي ، يلا شهيق زفير عفـيةة
أحمد : م... مگدرت اگتله ريان مگدرت رغم كلشي سواه مگدرت اگتله
ريان : شششش تمام اهدأ ميخالف

بعد مرور دقايق هدأ شوية ومسح دموعه ، باوع عليه ريـان واني داباوعله منتظر تبرير ع الي ديصير

أحمد : كل الي سويته ضربته راچدي وعاتبته بعدها تبريت منه وعفته
ريان : مهما يكون سويت الصح ، لتضوج لأن انتَ مو نفسه
أحمد : شكراً ع كلشي ريان ، واني راح اسافر حتى أاسس حياة ثانية بدون اي احد اعرفه
ريان : وجامعتك ؟!
أحمد : متهمني بعـد ، اسافر احسلي
ريان : تمام بالنهاية هاي حياتك وانتَ حر

أندار عليه أحمـد وابتسم

أحمد : انتَ محظوظ بريان لتخسره أبد
أرمين : ممكن أحد يشرحلي شديصير ؟
أحمد : أتوقع لازم ريان يفهمك ، بس سوة المستحيل علمود ينقذ أخوك من السجن