صـمـيـم

| 51

" أبوسـن كـل رمـش بعـيونك الـحلوات "
_____________________
3,700 Worde's

بعـد مـرور يـومين / الـجامـعة / ريـان

گاعد بقاعة الامتحان ومداعرف اجاوب ع أي سؤال ، سلمت الورقة وطلعت خارج القاعة ، چنت دانتظر أرمين وسكاي

باوعت بعشوائية لحد ما لمحت أوس واگف ويا أمجد واضح ع أمجد العصبية وديصيح وديباوعلي بين كلمة والثانية

راح أوس ، توجهلي أمجد بتوتر ، وگف گبالي

أمجد : أسد يريد يشوفك بالگراج ضروري
ريان : شيريد ؟ ، وتعرف بيه ما اروح لأحد أني
أمجد : اذا أجه لهنا أرمين راح يشوفه ويضوج ، الافضل انتَ تروح

هم صح كلامه ، ماكو مشكلة اروحله واعرف شيريد ، تمشيت لحد ما وصلت للگراج ، شفته واگف وحده وبأيده چگارة

وگفت گباله وتركت مسافة مترتين بيني وبينه ، نزع مناظره وباوعلي

أسد : قبل يومين خسرتني مليون دولار ، متوقعتها منك الصراحة بس عفية عليك
ريان : المطلوب ! حاب تخسر أكثر ؟

أبتسملي وتقرب مني

أسد : راح اخليك تخسر شخص تندم عليه عمرك كُله
ريان : أسد ، اذا تقربت من أرمين اقسم بالله اخليك تتمنى الموت وما اموتك
أسد : ليش أرمين ، يمكن باران ويمكن سكاي او صميم مثلاً ، أو يمكن گلهم

ضربته بوكس لفيت وجهة للجهة الثانية ، بلش يضحك واندار عليه لزم فكه

أسد : أيدك ثگيلة مثل متوقعت

أنداريت حتى أروح بس لزم أيدي ، سحبني ناحيته وصارت عيونه بعيوني

أسد : بعدني ممخلص كلامي
ريان : أني خلصت وماريد اشوفك گدامي بعد
أسد : راح أسالك سؤال وجاوبني ، ليش لحد هسه مقتلتني ! ومتأكد تگدر تسويها وهسه