صـمـيـم

| 52

" عيـش بـندم أنتَ الـضيعـتني "
__________________
3,300 Worde's

الـبيت / أرمـين "

نزلت من الدرج بعد ما غيرت هدومي واخذت حمام دافي ، توجهت للباب وفتحته ، شفت ريان گدامي

فوراً حضنته بكل قوتي ، وهو باسني من راسي

ريان : حبيبي خما بيك شي ؟ أوديك دكتور ؟
أرمين : لا ميحتاج مابيه شي

أجه دكتور حسام ، أبتعدت عن ريان وفتحتلهم المجال حتى يدخلون للصالة

وچان سكاي گاعد بالصالة ، رحت للمطبخ والچاي حضرته ، صبيته بعدها توجهت ألهم 

حسام : أرمين شلون صرت ؟
أرمين : حمدلله دكتور
حسام : دكتور بالجامعة مو اهنا ، اني جيت بصفتي صديق ألكم
أرمين : شكراً الك حسام ع كُلشي
حسام : بما أنو سكاي يحبكم ويعزكم فأني هم اعزكم واحبكم

أبتسمت وباوعت لريان ، ثنينهم لطيفين سوية ويخبلون ، گعدت بصف سكاي الي ميت من الخجل

ريان : الي صار اليوم چان بأمر من أسد واني متأكد راح يضغط عليه اكثر ويستخدم أرمين ضدي
حسام : زين گلي شيريد منك بضبط ؟!

حول نظره ألي وبلش يقلب عيونه بتوتر

ريان : يريد اشتغل ويا يعني سوالف مخدرات واسلحة
حسام : ممنوع توافق ع أي شي يطلبه منك ، راح يحاول يهددك بـ أرمين بس انتَ لتسايره اذا دخلت بهذا المجال متطلع بعد

رن تلفون حسام وقاطع حديثنا ، ترخص من عدنا وطلع للحديقة

ريان : باعوا تبقون سوية بالجامعة وخارج الجامعة خاف اني يصير عندي شغل طارئ ممنوع تفترگون
سكاي : ريان شديصير فهمنا
ريان : مثل ما گتلكم تصرفوا ، وابتعدوا عن أمجد لأن يشتغل ويا أسد
أرمين : مدام هيج سكاي تعال يمي هالفترة لتبقى وحدك يم أمجد
سكاي : لا حروح لبيتنا يم فارس هم ماكدر اعوفه وحده كلشي يصير