گمره علي.•

بارت ٢

هلو نجماتي 🫶🏻✨
شلونكم انشالله زينين

_ولو يمكن كلامي تشوف بي قسوه
دقيقة من الدقايق ماجنت تسوه.!

——————————————

زينب:كعدت الصبح ساعه ب ٧:٢٠ سويت ريوك كعدت اوسن وابنهه تريكنه غسلت المواعين صفيت البيت صارت ساعه ب٩:١٥

اوسن :طركاعه وينج؟
زينب:اجيت بس البس حذائي
اوسن :يلا فضينهه تراا تأخرنا
زينب:وين تاخرنه ستوهه ب ٩وربع ع شنو متوازيه
اوسن:ضبي لسانج وامشي لااطيح حضج
زينب:صار صار مشيت

_صعدنه بسياره بطريقنه لسوك اتصلت عليه رقيه كتمت تلفون وباوعت على اوسن جانت تحجي ب تلفون دزيت رساله ل رقيه

زينب:اني بطريق رايحه لسوك من ارجع اراسلج
رقيه: يا سوك اني هسه راح اروح لسوك
زينب:...........هسه اني و اوسن ب طريق راح نوصل
رقيه:تشاقين حتى اني هم رايحه لهذا سوك
زينب:يلا راح اسد ال نت لان وصلنه

_سديت تلفون وخليته بجيبي اوسن ندارت عليه كالت-يلا انزلي-
نزلت انطت فلوس لسايق ودخلنه لسوك

اوسن:تعاي لهذا ابو المكياج
زينب:هذا الي تشترين منه دائماا
اوسن :اكو غيره يعني
زينب: يوو شيودينه الهه صاير باخر السوك
اوسن : دمشي احسلج لا اطيح حضج
زينب: ليش اني عندي حض حتى تطيحينه
اوسن :باع السان شطوله دخلي نرجع وشوفي شسوي بيج اذا مااكص لسانج كلشي مافتهم
زينب:سكتت سكتت ماحجي بعد

_دخلنه لسوك متجهين ل ابو المكياج لمحت بنيه تشبهه رقيه ضليت اباوع عليهه ندارت عليه طلعت صدك رقيه مو تشبهه رفعت ايدهه تاشرلي بمعني -هلاو- اني هم اشرتله وبتسمت حاجت امهه واجتني اول ماوصلت يمي بعد ماحسيت ب اي شي.......

***********************
في مكان اخرر

_صار الي تريده سيدي
ابو نجم:عفيه عليك
ايسر:سيدي اكو اطفال تتراوح اعمارهم بين١٣-١٥سنه جبتهم وياي
ابو نجم: زين تسوي يفيدونه بشغل كم واحد جبت ؟
ايسر :يطلع بيهم٦او٧ ولد وبنات
ابو نجم:تمام _روح كمل شغلك
ايسر : تمام سيدي

******

سنر :هاا ابو الاسوو بالك وين
ايسر :والله بالي يم الاطفال الي جبتهم اليوم
سنر:شبيهم؟
ايسر:مادري شنو خلاني اجيبهم بس اكو بنات ثنين كسرن كلبي
سنر:شبيهن؟
ايسر :من جيت عليهن لكيتهن وحده حاضنه ثانيه ومغمى عليهن
سنر:خاف هذني خوات
ايسر:مادري
سنر :لعد انت شتدري المن مخلينك هناا
ايسر :مخليني هنا حتى اطيح حضك
سنر:يبوو
نظوري:منو مات
ايسر :ماتت مرته
سنر:لا اسم الله عليهه هيه وينه غير تجي
نظوري:مستعجل عليهه
سنر:شلون لعد عجل اجه الشتا وتعرفون بروده الجو يرادلي تدفئه ربانيه
ايسر:
_جاي يحجون واني بالي يم البنات مادري شنو جذبني الهن عفتهم ورحت اشوف الاطفال الي جبناهم

**********************

زينب:جسمي كله يوجعني مادري شنو صار كوه فتحت عيوني لكيت رقيه بصفي نايمه وجهه كله دم وملابسه مدمره اباوع بل مكان اكو اطفال يمي كلهم دم وملابسهم مدمره انداريت على رقيه حتى اكعدهه

زينب:رقيه رقيه اكعدي فدوه كومي
_كعدت كوه تفتح عيونه باوعت عليه كالت
رقيه:اني وين
زينب:والله مادري اخر شي اذكره من جنه بسوك واجيتيني كلشي مجاي اتذكر
_جاي نحجي دخل علينه ولد ملثم بس عيونه مبينه باوع علينه واحد واحد باوع على جهتنه اني ورقيه اشرلنه بمعنى تعالن اني خفت ماكمت من مكاني رقيه لزمت ايدي بكل قوته هوه باوع علينه وصاح بصوت عالي
ايسر:كتلجن تعالن
_كمنه اني ورقيه ونرجف رحنه ويا طلعنه من الغرفه الي احنه بيهه اول مطلعنه صار بوجهنه شباب ثنين هم ملثمين بس عيونهم مبينه اخذونه لغرفه ثانيه دخلونه وطلعوا دخل علينه الولد الي اجه اول مره

ايسر:شنو اسمائجن؟
زينب:ليش شنو تسوي باسمائنه ليش احنه هنا ومنو انت
ايسر بعصبيه:انتي هنا تجاوبين مو تسئلين فاهمه
زينب بخوف:فاهمه
ايسر :هسه شنو اسمائجن
زينب:اني زينب وهذي رقيه
ايسر:شكد اعمارجن؟
زينب:١٣
ايسر :وانتي شكد عمرج
رقيه:هم ١٣
ايسر :تمام

_حجاهه وطلع اني جريت نفس وباوعت على رقيه كتله هسه شنسوي
رقيه :والله مادري اكلج منو هذا الولد
زينب:رجل امي شمدريني لو ادري ابقى يمج
رقيه:هم صدك
زينب:اروحلج فدوه لا تستثولين
رقيه:صار لجج راسي يوجعني
زينب:راسج يوجعج وهلكد حجيتي لعد لومابي شي شسوين
رقيه:مادري والله

_جاي نحجي ودخل علينه رجال يطلع عمره بل خمسينات ويا ثنين شباب ملثمين بيدهم سلاح كال.........

**********************************

هنا يخلص البارت
نلتقي ب بارت جديد انشالله
اتمنى تعجبكم عمريي♥️✨
لاتنسون تصويت وتعليق بين الفقرات حتى اكمل نشر

استودعكم بامان الله و١٢معصوم♥️💋✨