My Only Love

Prologue

Gabi ng prestihiyosong launch ng isang sikat na intimate apparel sa bansa. One of the hottest events.
Pamoso ang naturang paglulunsad kaya't inaabangan ito ng lahat, maging ng mga kilalang personalidad sa mataas na antas ng Sociedad lalo na sa larangan ng fashion industry. Kaya naman ay napuno ng mga manonood ang malaking convention center. Katulad ng inaasahan ay sinalubong ng masigabong palakpakan mula sa audience ang mga glamorosang modelo ng isa-isa nang maglakad sa runway. Suot ang iba't-ibang disenyo ng branded sexy lingeries ay lumutang ang kanilang kaseksihan kung saan ang bawat isa ay nag-aangkin ng kakaibang karisma.

Subalit kung ang lahat nang naroon sa bulwagan ay nasisiyahan at napapasipol sa mga nasisilayang kagandahan hindi si Clark Zantillan. Habang nakatitig sa isang partikular na imahe ang doktor ay nagsimulang maningkit ang mga mata nito, kasabay noon ay pagtiim ang mga bagang at pagkuyom ng mga palad. His face went red.

Mula naman sa saliw ng isang malamyos na tugtugin. The supermodel Anya Collins triumphantly paraded on the catwalk while blowing air kisses to the audience. With her sexy smiles and seductive looks wearing a very sexy black lace bikini with an extravagant feathered robe that shows her sexiness. All eyes in her. Captivated by her gorgeous whole being.

Ni walang may gustong magkurap ng mga mata sa mga manonood partikular na ang mga kalalakihan. Bakas sa kanilang mukha ang masidhing paghanga para sa modelo. Maging ang kaibigan ni Clark na si Vince ay hindi naitago ang admirasyon habang pinanonood ang babae. Umugong muli ang palakpakan. Ang mga naroong bisita ay talaga namang may kanya-kanyang paboritong hinahangaan. Kumbaga sa sabong may kanya- kanyang mga naging manok.

Matapos ang isang pasada sa entablado ay nagpasya si Anya na manatili muna sa dressing room. Isinandal niya ang ulo sa couch at bahagyang ipinikit ang mga mata. Nais niyang maipahinga pasumandali ang pagal na isip at katawan. Isang malalim na paghinga ang kanyang ginawa.

She came from the busiest city of New York. Twenty years ago ay nilisan niya ang bansa to build a new life in the States and find interest there. Sa tulong ng isang kaibigan ay na locate niya ang kinaroroonan ng hindi nagisnang ama. Agad niyang kinontak ang lalaking nangangalang George Cole, na ayon sa kanyang Lola ay siyang lehitimong pangalan ng tatay niya. Balot ng agam-agam ay nagpakilala syang anak nito. At ganoon na lamang ang pasasalamat niya at kinilala siya ng Britong ama at buong pusong tinanggap maging ng pamilya nito.

Ayon sa ama ay hindi naging madali ang lahat para rito. Nagkaroon ng malaking krisis sa Britanya, kung kaya't hindi na nito nagawang makabalik pa sa Pilipinas. Labis ang paghingi ng tawad ng kanyang ama na kanya namang pinagbigyan. Nangako ang lalaki na babawi sa mga naging pagkukulang sa kanya. Kaya naman ay agad silang nagkasundo, lumipad sya ng America sa kagustuhan na rin nito para makasama sya.

Ang mga unang taon niya sa States ay hindi naging madali. Malaking adjustment ang ginawa niya at habang nag aaral sa isa sa mga Universities doon she was spotted by a model scout. Inalok siya nito ng trabaho bilang modelo and she grabbed the opportunity. Hindi naman kasi sa lahat ng pagkakataon ay aasa siya sa tulong ng ama. Kahit pa ba sabihing napakabuti rin ng asawang kauli nito sa kanya. Nagsimula siya sa swimwear line hanggang maging regular endorser ng isang sikat na brand of sexy lingerie sa states. Pero bago niya naabot ang kinalalagyan katulad ng iba ay dumaan rin sya sa napakaraming pagsubok. At sa lahat ng iyon ay lumaban sya ng patas. She became famous and one of the top-earning models in the fashion business. Doon na nagsimula ang glamorosang mundo niya.

At ngayon ay naririrto sya sa sariling bansa para sa isang mahalagang bagay. Tinawagan niya si Eunice upang ipagbigay alam na nasa Pilipinas na siya at nasa mismong event place nito. Ganoon na lamang ang pagkamangha ng kaibigan at dating katrabaho. Matagal na siyang kinukulit ng babae na magbakasyon sa Pilipinas sa bayan nito sa San Sebastián pero lagi na'y tumatanggi siya at ginagawang dahilan ang pagiging abala sa kanyang trabaho. Ngunit napahinuhod rin sya ng ama na bigyan ng break ang sarili sa career.