بعد 3 سنوات .
هَلمره احس مشتاقلك فرد مرة
وبِغيبتك عايش فراغ شكُبرة
حتى الاغاني استغربتني بلياك
كالتلي وينه ؟
وكلت جاي انتظرة ،
وانتَ اطمئن مابيه شي
انا بخير
بس اختنك ، مابين
فترة وفترة .
...
كعد من النوم مستعجل يروح منا ومنا وكل شوي ينسى شي ويرجع يسوي ياخذ اللابكوت والكتُب يلزمهن بأيد والايد الثانيه مشغوله تلبس الساعه صعد بسيارته بعد ماقفل البيت وطلع ، متوجه لبيت علي وبعد ما وصل يفتح الباب لعلي الي جان واكف بالباب ينتظرة
• بسرعه بسرعه •
نطق ايار يحط غراض علي ورا وياشر بعيونه ع الباب وسد علي الباب وهز ايده لايار
• شبيك اكلتني اكل •
نطق علي يرجع راسه ليورا بعد ماخزر ايار الي تحرك يمشي سرعه
• المحاضره ب8 ابن الزفره •
نطق حلكه وعيونه جانت مشغوله بالطريق يسب بكلبه لأن تأخر
• ما تأخرنه هواي بعد وقت •
نطق علي وهو مغمض عيونه مريح بس نز يصرخ بقوه من أيار كرص فخذه
• ابد ما تاخرنه بس الساعه 8 ونص وهاي مو اول مره نتأخر على محاضره دكتور كاظم هسه يلعن سلفه سلفانا وانا راح انعل ابو الازدحام الكواد ابن الكواد •
نطق ايار بضيجه خلك ومعصب يكره بكل مره يتاهر على محاضره هذا الدكتور الي بس يرزل وحاقد عليهم يسب الازدحام بصوت عالي نهايه كلامه يضرب على الستيرن بقوه وضحك علي على انفعاله هذا
• اوي رووري أعصابك •
نطق علي وهو يكرص بوجنات ايار يتدلع بصوته قاصد استفزاز ايار الي ضرب ايده يوخرها عن وجهه يسب بكلبه مكمل طريقه .
وصلو واخيراً يمشون سريع حتى يلحكون وصلو يم الباب ووكفو ثنينهم يباوعون لبعض وياشرون بحواجبهم ينتظرون واحد يبادر ويدخل وايار خزر علي مستسلم دك الباب ودخل يباوع للدكتور الي وكف عن شرحه يباوعلهم
• صباح الخير •
نطق الدكتور مجتف ايدينا يججي بنبره قريبه للاستهزاء وابتسم علي بوجهه يرد عليه
• تاخرت عليكم •
نطق الدكتور مره لُخ بنفس النبره
• دكتور تعرف ازدحامات وهاي •
نطق ايار وهو يحك مؤخره راسه يندز بعلي يريده يحجي هم
• اي دكتور وخذتنه النومه تعرف بعد •
نطق علي وهو يبرر وكح ايار بقوه يباوعله متمنى لو ساكت احسن وعرف علي بجفصته يضم شفايفه ويبتسم بخفه
• مال خذتنه النومه مقنعه اكثر •
نطق الدكتور ياشر بعيونه ع علي قاصد كلامه يشوفه مبرر صادق اكثر
• مال ازدحامات هم •
نطق ايار وهو يبتسم بخفه يبلل شفايفه بلسانه خزرهم الدكتور يكمل رزايله الهم وماخلصت اله بعد اكثر من ربع ساعه وسمحلهم يدخلون يرحون لاماكنهم يباوعون للي شوي وتموت من الضحك عليهم
• على كيفج راح تختنكين •
نطق ايار بضيجه خاك كالب عيونه عليها وهي مستمره تضحك وتشهك بصوت ناصي
• يا يما ههههههه حالكم يما وجوهكم ضلت فالته خصوصاً من كال صايريلي بنوتيين يماا •
نطقت تضحك بين كل كلمه وتضرب على فخذ علي مخليه راسها على الستيج حتى مايشوفها الدكتور وكلب ايار عيونه مره لُخ ماراد عليها
• دك اهاين •
نطق علي وهو مستسلم يضحك وياها
• المره الجايه اصوركم واخذكم محتوى سنه ليكدام •
نطقت بعد ما هدئت ضحكاتها تباوعلهم بنص عين وتحجي بخفه وايار الي كبل دار عليها وعلى علي
• ماكو مره جايه وام البنين يا علي انهيك اذا تاخرنه •
نطق ايار وهو مضيق عيونهم ويكرص بعلي الي فلتت ملامحه يباوعله منصدم
• ايا بربوك انا شعلي كواد انت الخامد مو خالتك •
نطق علي وهو يرد الكرصات لايار متعاركين بأيديهم
