• ابن القندره اذا طلعو همه اجرم بيك اليوم •
نطق ايار بتوتر وصوت مبحوح يشاور علي الي عض شفته يرمش اكثر من مره
• سلام وعليكم •
نطق كرار مبتسم بوجه هتان الي رفع حاجب راد السلام عليهم وطلع أيار طال راسه من ورا هتان وعلي طل راسه هم من ورا ايار
•اخخخخ •
صرخ ايار بقوه متوجع من كرصه علي لخصره ودار هتان راسه باستغراب لازم ايد ايار
• اسم الله •
نطق كريم وابتسامه خفيفه مزينه ثغره اتوتر ايار من نبرته والابتسامه بالع ريكه
• شبيك ابني ؟ شنو يوجعك •
نطق هتان بتوتر وقلق واضح عليه عاقج حواجبه وايار يحاول ينظم أنفاسه داير على علي الي ضم شفايفه ساطره قوي على راسه مخلي الثاني يتوجع اكثر لازم راسه
• سلام اساتذتنا الأعزاء •
نطق علي بعد ماوخر ايده واستعدل بوكفته يبتسم ناسي الألم يباوع للاساتذه الي ضحكو وردو السلام وهتان الي جانت ملامحه ماتتفسر يباوع لايار الي متجنب يحط عينه بعين الثاني
• شنو شرف زيارتكم •
نطق هتان بعد ماوخر عيونه عن أيار يباوعلهم مجتف ايدينه وصفنو همه يباوعون لايار مره ولعلي مره الي كل شوي يبلعون ريكهم
• احمم احنا عزمناهم شنو نسيت هتان •
نطق علي بتوتر يغمز لهتان ويأشر بحواجبه عليهم يسوي حركات بوجهة حتى يفهم هتان الي مامفتهم شي عاقج حواجبه
• اي مكملين ؟ نروح لو لساتكم •
نطق كريم منتجي على الباب يباوع لساعته يأشر عليها ويبتسم وبادله الابتسامه أيار يضم شفايفه يلمعن عيونه وشد هتان قبضته بس شاف هاي الابتسامه
• تكدر تفهمني استاذ أيار شنو هذا التمضرط الجاي يصير هنا •
نطق هتان متدني يم أيار ينزل لطوله يشاوره بصوت ناصي دار وجهة أيار وتقابل توتر عيونه ولمعتهن البهتت بعيون الثاني النظرتهن تجدح جدح وبنفس الوقت مامفهومه بلع أيار ريكه داير وجهة
• روحو وانا اخلي هتان يوصلني لأن بعدني ماكملت •
نطق ايار بتوتر يجذب عليهم بالسبب حتى يحجي وي هتان لأن بعد ماكو مفر يباوع لعلي الي عقج حواجبه
• ننتظرك مو مشكله •
نطق كريم وهو يبتسم يباوع لايار الي ابتسامته شكت وجهة بس من تذكر هتان انمحت الابتسامه مدنك راسه وهمهم
• صح ننتظرك تفضلو داخل •
نطق علي بحماس فرحان لهاي الفكره مال انتظار فاسحلهم مجال حتى يدخلون ناسي هتان وناسي انُ البيت مو بيته وبس حس بهاي جفصه أقوى ضم شفايفه يباوع لهتان الي خزره
• وين ترحون مني •
نطق هتان بحده يخزر بيهم بعد مادخلو كرار وكريم للداخل وبس شافهم ابسل الي جان لساته مندمج باللابتوب وبس شافهم طفر من مكانه يسلم عليهم وردو السلام هماتين مامفتهم شي يرتب ملابسه يتحمحم واشر لهتان بعيونه بمعنى شنو ورفع هتان حواجبه بنفس الحركه
• انتظرو هنا حصعد انا •
نطق ايار وهو يبتسم علخفيف عايفهم وصاعد وبس شافه هتان صعد لحكه هو الثاني هم
• شكو منو هذول •
نطق ابسل بصوت ناصي بعد ماكعد يم علي حاشر روحه بيه يتافأف علي بنرفزه يوخر عنه شوي
• اعرفك عليهم هذا استاذ كرار مدرس الرياضيات وهذا استاذ كريم مدرس الفيزياء •
نطق علي بصوت عالي يعرفه عليهم كالب عيونه عليه ويبتسم الهم رفع ابسل حاجب يبتسلم بالجذب
• تشرفت ، شيسوون هنا •
نطق بالبدايه مجاملهم وبنهايه كلامه نصه صوته يرجع يحجي بصوت ناصي قريب من علي الي دفعه بالخفه كالب خلقته عليه يخزر بيه
• انت شعليك حاشر طيزك •
نطق علي بنفس النبره والصوت الناصي ناتر بيه يكره فكره يدخل نفسه بكلشي وعض الثاني باطن خده متنرفز لو ما الكاعدين جا بسطه يوخر عنه يستعدل بكعدته
