• يعني بعد ميحتاج تاخذ رأيي بشي ميحتاج تفكر بقراري قبل قرارك ومراح أتدخل بشي يخصك وراح تعتمد على نفسك وكلشي يصير حيجرالك بس هم اذا احتاجيت شي مني تعرف اني بكل وقت يمك ومنك وبيك وحاضر اشلع العيون وانطيها إلك •
نطق هتان وهو لازم اكتاف الثاني ويبتسم وبداخله محترك كلبه يحاول بكل مايكدر يخلي نبرته طبيعيه وهادئه يم الثاني الي صافن بوجهه متجمد والدموع متجمعات بعيونه حتى مايكدر ينطق بشي
• مراح تحجي شي ابني ؟ •
نطق هتان بعد ما استغرب وكفه الثاني المتصنم يباوع بعيونها الصارن حُمر ماينكر القلق الي تكون داخله
• شجا-ي شجاي تحج-ي •
ينطق ايار بتلعثم كلشوي يبلع ريكه وحضنه الثاني بس سمع نبرته هاي
• راح التحق ابني راح ارد لشغلي مامعلوم شكد وارجع •
نطق وهو حاضنه حاشر راسه بصدره يضغط ع جسمه والثاني بدن دموعه ينزلن يضرب بايده علكيف على صدر الثاني
• ج جاي تتشاقه مو تسوي بيه بيه مقلب لو اعرف حتى تنسيني البوسه مو مو كول هيج •
نطق ايار يتمنى يكله هسه مقلب ومو صدك يتمنى هسه لو يسوي هيج حتى ينسي بوستهم وهو يبجي ويشهك يدفع بصدر الثاني الي يشد ايدينه اكثر على جسم ايار يمنعه يوخر من حضنه
• ما اتشاقه ابني بس اهدء وانا افهمك •
نطق هتان يربت على شعر ايار عاقج ملامحه لبجي الثاني مايحب يشوفه يبجي بس الثاني جان اله رأي آخر كل مايحجي يبجي اكثر واكثر
• ابني كافي مو شعلت كلبي •
نطق هتان متوجع من داخله بسبب بجي الثاني وصوته العالي ومجاي يهدء ولا ثانيه يحضنه أقوى والثاني يضرب بصدره
• كافي هاهية ما اروح بس اهدء كافي بجي عيونك راحن من اروحلهن فدوه لاتأذيني هيج •
نطق هتان بعد ماوخر ايار من حضنه يلزم وجانته يمسح الدموع الي متجمعات عليهن ومسح عيونه هم يسبوهن بوسه خفيفه يباوعله بحنيه ويحجي والثاني كدر يسيطر على شهكاته بس دموعه بعدهن ينزلن
• ليش ل-يش حتعوفني •
نطق ايار وهو يمسح دموعه مبرطم شفايفه يوجه سؤاله لهتان الي ابتسم لحركته
• ما اعوفك حكون بكل لحظه وياك وكلشي تريده تكلي يايوم انا عفتك •
نطق هتان وهو يربت على وجنات الثاني يطمنه بأنه مراح يعرفه وحيضل وياه بكلشي يريده
• وشنو الفايده اذا انت مو يمي •
نطق ايار ولساته مبرطم شفايفه وعاقج حواجبه معاجبه الفكره ومعاجبه روحته وهو ميفاركه ولا لحظه ليش هسه
• يمك انا وبروحك •
نطق هتان بايس راس الثاني يطمنه مره لُخ بس الثاني مجان ناوي يقتنع يبعده عنه بعد ما اجه سؤال براسه
• حتعوفني علمود البوسه ؟ ترا عادي حنساها غلط وصار ما لازم تبتعد وتعرفني مراح ازعل انا وراح اكمل طبيعي •
نطق ايار اجاه شك يمكن حيعوفه بسبب البوسه الصارت يقنعه يضل بانُ حينسه وهو يدري بنفسه مستحيل ينسه وابتسم لثاني يقرب مته يلزم فكه ويرفع راسه تتقابل عيونهم
• ما أريدك تنساها •
نطق هتان بنبره ملعبه وهو يبتسم ونظراته مامفهومه للثاني الي بلع ريكه ماعاجبه بعد عنه هتان واستقر على الجربايه
• ومو علمودها بس اني جنت تارك شغلي من زمان لخاطر ابقى يمك وما اعوفك بس بضنهم ترك شغلي مؤقت وارجع وجانو كل مايستدعوني على مهمه أرفض ولأن منصبي عالي ومحد يكدر يحجي شي مجان احد يفتح وياي موضوع الرفض بس هسه المهام كثرت وأغلبهن جاي يفشلن بنتيجه سيئه كلش واستدعوني وما اكدر أرفض وصار الوقت ارجع ومامعلوم لشكد اطول هناك بس اريد منك تدير بالك على نفسك وتعتمد على نفسك منا وجاي وكلشي يصير تجي تكلي ثِق اي شي يصير حجيلك فوراً واي شي تريده بس كلي ويجرالك تفهم ابني •
