Show Me Love

34.

Amalia Asia Kerr||25
📍Norbrook Suites, Kingston
Sunday, July 14
12:15 pm

"Bay salt inna yuh diet Amalia. Sorry seh mi never did a monitor yuh eating," Mom says to me putting a pillow behind my back on the couch.

"Can bet seh a bay fast food she nyam. Levi says to tell you that he hopes you get better," Aaliyah tells me.
Bout she have man.

"Still nuh want yuh a talk to deh bwoy deh enuh Aali. Anuh time fi that enuh," Dad says.

"Mi confused. First yuh did tell mi seh after CXC done mi would a able fi start talk to him now yuh nuh want we a talk. Mi sure seh Malia did a tek man earlier than my age," Aaliyah responds.

"How me reach inna dis? Doe call my name."

"William mek she stay. She a soon 17.....if yuh tell Aaliyah no she still ago do the opposite. Yuh nuh know yuh pickney dem by now?" Mom tells him.

"Mi feel like mi nuh know them because mi did hardly deh yah. Everybody a grow too fast enuh cause Amalia pregnant.....bout fi give me my grandson and now Aaliyah has a boyfriend. Bear with me please," Dad explains. I totally understand where he's coming from. No likkle time fi him process what's really going on.

"Yuh talk to Liam since the incident?" Mom asks me.

"Yeah. He says he's dropping by sometime this evening to check on me," I reply.

"And did the other one contact you?" She questions me.

"His name is Christian and yes he did. Says he's coming to stay with me for the week. I'm wondering if I should set up the nursery this early?"

"Ih nuh too early fi set up the nursery. Want yuh prepare everything early cause mi possibly naa go deh here fi help yuh set up before labor," Mom says.

"Weh yaa go?"

"Mi a go back up with William and mi probably naa go back till after yuh have baby," She responds.

"So Mom who Aaliyah ago stay wid? Mi nuh have much space over here enuh," I say.

"Mi ask Regina if she could a stay with her over Taty and she seh yes," She replies.

"Oh okay. Since when unu become such good friends till yuh all a tek flight go stay with Dad?" I instigate.

"Why yaa question yuh mada decisions likkle girl?" William asks.

"No but to be honest mi frighten when she accepted the offer. Affi a wonder if she did go trick mi a the airport," William adds.

"Mi know yuh know seh it nuh too late fi mi cancel mi ticket so stop follow yuh daughter and gimmicks mi," Mom jokes.

"Who this a call mi?" Mom says answering her phone.
"Hello."

"Yuh still ago mek mi name the baby or what?" Aaliyah asks.

"Mi and yuh nuh hold no baby naming argument plus yuh nephew already has a name. Gwaan go breed so yuh can play name the baby."

"No! Not a bloodclaat. Doe run them serious joke deh round mi," Dad sternly says.

"Ah bwoy. Alright," Mom says hanging up the phone.

"Who that Mom?" Aaliyah asks her.

"Faith. Zion  dead. Apparently them find ih body pon him mother verandah," Mom tells us.
Liam man. Kinda style dat fi leff the body desso....kmt.

"Jesus Christ. Oh God man," I pretend to be shocked as if I didn't hear from the killer himself.

"Now mi definitely need unu fi move from Manley Meadows. All of sudden Manley Meadows a turn inna Tivoli Gardens," William says.