نيران الأدهم ♥

بارت 49

السلام وعليكم

اتلمس وجوه الخلگ وانشد عليك
بيا عزيز نحلفك وترجع عزيز "

الكاتبه نور العنزي
ـــــــــــــــــــــــــــ
تسريع الاحداث (بعد مرور 3 ايام )

رميم
-اليوم الاربعينه مال ابن عم ابراهيم الكل مخبوص كعدنه الفجر جهزنه نفسه حتى نروح للنجف وابراهيم كال اروح وياهم ماابقى

-بالبيت المهم وصلنه للنجف راحو للمقبره الكل نزل من السياره واني هم بس بقيت واكفه بمكاني اشوف امه شلون تصيح وتلطم

-كسرت خاطري والكل يبجي بالكوه وخرو امه عن الكبر غسلولها قروا صوره الفاتحه وشغلو قران يم الكبر لحد ما خلص راحنه نزور الامام

-علي (عليه السلام) وصلنه وجانت هاي اول مره الي ازور الامام لان بابا ماجان يقبل اروح وياهم دائما يبقيني بالبيت دخلنه للضريح بس

-لزمت الشباك انهاريت بقيت ابجي واشكي همي طلعت كلشي بكلبي اجتي ناره كالت

ناره: كومي حبيبتي سلمي امرج الى امير المؤمنين (عليه السلام) وهوه ياخذ حقج من كل واحد ضلمج واذج

رميم: هزيت راسي مسحت ادموعي وكمت صلينه اني وناره وقرينه قران شويه وطلعنه لكينهم منتظرينه كالو نبات بالنجف والفجر

-نروح لكربلاء نزور ورجع للبصره كالت خاله

ام ابراهيم: خلينه نبقى بالضريح وانتو احجزو بالفندق

الشيخ ابراهيم: ماشي بس لا تخلين وحده تكوم من مكانها

ام ابراهيم: ان شاءلله

رميم: راحو بقينه كاعدين صورت الضريح وكلت ادزيه للبنات حتى يدعن نص ساعه واجو كالو حجزنه بالفندق الي مقابلي الامام

-كمنه رحنه للفندق دخلت للغرفه دخل وسد الباب كال

الشيخ ابراهيم: جايبتلي ملابس لو لا

رميم: اي جايبه

الشيخ ابراهيم: اي زين رايح اسبح

رميم: تمام راح يسبح حضرت ملابسه والي هم حضرت طلع دخلت سبحت وطلع لكيته نايم على بطنه بدون تشيرت نشفت شعري

-ورحت تمددت بصفه اريد انام بحضه شلون اووف حاولت اسحب ايده ماكو ماكدرت ندسته بكتفه فزز وباوع الي كال

الشيخ ابراهيم: ها يروحي

رميم: اسفه كعدتك بس ردت انام بحضنك

الشيخ ابراهيم: لا تتاسفين يروحي تعاي

رميم: نام على ظهره وفتحلي ادينه دخلت بحضنه باس راسي وسحب الغطه غطاني بسرعه نمنه من التعب كعدت على دكت الباب

-راح فتحه سمعت صوت اخوه وهوه يكول

جاسم: اسف ياخوي ماعبالي نايم