تصويت وتعليق جميل مثلكم صوتو تره ماراح تنتلون ههه
شهد _ الحمد الله زينين ماكو مشاكل
احجي ويه جدو واني اتمشه بره والوشاح علا جتوفي
ليث _ ها اي خوش انتي وين هسه
شهد _ مادري كاعد اتمشه بل بيت جدو تره بيتهم
متاهة ماشاء الله يعني اني ماندليت منه شي ولا
حته الحديقه ونوب بستان بصف بستان يعني
اراضي كومه بيهة حته من ياسمين اخذتني تفر بيه
ماندليت ولا مكان حته طريق الجرعه للبيت
ليث _ههه تمام بس لاتروحين بعيد لان خاف تضيعين
شهد _ اي جدو وين اضيع يعني هههه
ليث _ لا مو ادري بيج خويفه هسه الدنيه بدت
تضلم روحي للبيت تمام
شهد _ تمام عود لاتنسه تحجيلي بل مستجدات
ليث _ ههه تمام جدو يلا باي
شهد _ باي جدو
وشديت التصال واول ما درت وجهي شفت ايهم
منتجي علا السياره مالته ويكلي بل تلفون
شهد _ يمه هاذ منين طلعلي نوب
طنشت وعفته تمشيت ويه مشيتي صرنه وجه بوجه
بعصبيه ايهم _ شعندج طالعه هسه ها وين رايحه
ويامن تحجين
يعيط على بصوت عالي اني خفت منه كلش ونزلن
دموعي هوه بعده علا نفس العصبيه للصراحه صارت
غصه بكلبي اني شمسويتله ويعيط على هيج
ايهم _ امشي طبي جوه يلا
شهد _ ماريد كم ولا أريد بيتكم
كلتهة وركضت ركضه ضليت اركض بحوالي نص
ساعه وصلت البستان كلش جبير طبيت بل بستان
نوب طلعلي بستان ثاني شي خلصني اليوم تعبت
كلش والجو حيل بارد وضلمه صارت هدوء يمه
المكان يخوف عزه هسه يطلعلي طنطل لو حشرات
يمه
ياسمين
بعد ما اجه اتصال الشهد من جدهة طلعت وبعد ما
رجعت اني ماهتميت لان اكيد راح ترجع نوب طب
ايهم للبيت عصبي كلش ما تجرئت اسئله لان راح
يكب بوجهي من عصبيته مرت فتره صارت بل
سبعه وشهد مو بل بيت بديت اقلق عليهة لان هيه
تخاف من الضلمه بس لا صاير بيهة شي كلت اكيد
ماكو شي هسه ترجع صارت بل ثمانية وهيه ماكو
هالمره كلش قلقت عليهة لان هيه ما تندل البيت
رحت الغرفه ايهم دكيت الباب من اول دكه كال
تفضل
ياسمين _ ايهم انتا شفت شهد
ايهم _ لا ماشفته بس اخر مره شفتهة بره ليش
ياسمين _ ايهم شهد ماكو من الخمسه
ايهم _ شلون شلون ماكو
ياسمين _ ولله مادري جدهة خابرهة وراحت ترد
علي وبعد ما جت
ايهم صفن شوي وجن تذكر شي وكام وكال
ايهم _ ياسمين صيحي العبد الرحمان وقصي خل يجون ندور علا البت بس لاتخليهن يحسن الي هناك تمام
ياسمين _ تمام
رحت ركض الغرفه عبد الرحمان وكتله
ياسمين _ ايهم يريدك
عبد الرحمان _ شكو شصاير
ياسمين _ ينتضرك بره
عبد الرحمان _ تمام جايه
ورحت ركض الغرفه قصي دكيت الباب وكام فتحه
ياسمين _ قصي ايهم يريدك بسرعه
قصي _ شكو شصاير
ياسمين _ ايهم ينتضرك بره
قصي _ تمام جايه
وو
دمتم برعايه الله
اسفه لان تأخرت تنزيل البارت
