تصويت وتعليق جميل مثلكم صوتو تره ماراح تنتلون ههه
َشفت الساعه بل 9 يححح هاي شكد نايمه اني
جسمي احس بي نحول مو طبيعي ومتكسر تكسر
باَعت علا المرايه الي بصفي اخدودي حمررر دم
صايرات مو كت حرارتي ترتفع هسه كمت وكفت
علكيف علمود ماذي رجلي وكمت امشي طلعت من
الغرفه وقفلت الباب واخذت تلفوني وياي امشي
و اعرج وصلت للدرج بل كوات نزلته
لكيته كلهن مجتمعات وسوالف وضحك طنشتهن
شافتني ياسمين اجتني ركض كالت
ياسمين_ بيج شي ليش خدودج حمر
شهد _ مادري بس يمكن حرارتي مرتفعه
لزمت كصتي ياسمين وشهكت
ياسمين _ عزه هاي حرارتج كلش مرتفعه
كضتني من ايدي واخذتني للمطبخ غسلتلي اديه
وجهة بني بارد ثلج كل ما تخلي علا وجهي
مي بارد افز خلصت ياسمين ون شفتلي وجهي.
ياسمين_ تعاي اخذج يم جده
شهد _ تمام
سندتني واخذتني يم الحجيه وكعدتني يمهة
ياسمين _ جده ما تشوفين شهد مصخنهة كلش
الحجيه لزمت كصتي وشهكت
الحجيه _ يمه اشو صايره جمره يمه ياسمين روحي
اليهم كليله جده تريدك بسرعه
راحت ياسمين تصيح ايهم وتجي والحجيه كل ساع
شايفه حرارتي مرت د قايق وشفت ايهم اجه
ايهم وهوه يباوعلي بستغراب _ ها جده شكو
الحجيه روح جيب خافض حراره للبت هل مجمره
اني بس سمعت بيعه دوه كبل كلت
شهد _لا ماحب الدوه ماريد
الحجيه _ يبنيتي شوفي حرارتج شلون مرتفعه لا
ترفضين
شهد _ ماريد دوه ماشرب
اتصرف تصرفات طفله صغيره لان صدك اكره الدوه
ولا اطيقه وكل ما ترتفع حرارتي يشربوني غصبن
علي دوه
ياسمين _ شهد حبيبتي تشربين يعني تشربين
ايهم _ رايح اجيبه واجي انتي عندج حساسيه من
العلاج
شهد _ ماريد دوه ماريد
ايهم _ مو بكيفج كولي
يحجي بهدوء خافي عصبيته لان اذا عله صوته علي
يمكن جدي يجنزه
شهد _ ما اريد جدو ونزلت دموعي
الحجيه _ هسه نصيحه لاتبجين.
شهد _ لا اني اريد اروحله
ياسمين _ تمام تعاي اسندج واوديج اله
شهد _ تمام
كضيت ايد ياسمين وسندتني لحد ما وصلت للديوان
فتحت الباب ياسمين وطبت وسلمت جدو بس
شافني كبل طفر كال
ليث_ ها جدو شبيج
شهد _ يردون يشربوني دوه
اجه جدو اخذني من ياسمين وكعدتني علا التخم
وخله ايده علا كصتي
ليث _ جدو تره انتي مصخنهة كلش
نوب طب ايهم للديوان وجدو كاله
ليث _ تعال ايهم روح للصيدليه جيب خافض حراره
ومسكن الام
ايهم _ اي سيد بس البنيه عندهة حساسية
ليث _ لا ماعندهة
ايهم _ تمام ثواني واجيك
راح ايهم وجدو حاضني ويمسد علا شعري
لحد ما كمت اغفي سمعت صوت فتحه باب الديوان
ماهتميت لان بس اريد انام
ليث _ جدو نمتي
شهد _ هممم
ليث _ اشو باعي علي
مارديت على بس اهمهم بكلام ما مفهوم
ليث _ جدو شو باعليلي
ضل يحاول وياي لحد ما فتحت عيوني
ليث _ جدو شو شربي دواج
شهد _ ما ماريد
ليث _ جدو الخاطري يلا شربيهن
شهد _ مطيب ماريده
ليث _ مو راح تشربين مي وراهن كبل وما تحسين
بطعمهن
شهد _ ماريد مر مر ونزلن دموعي
ليث _ يلا الخاطري جدو بس هذني
بل كوات شربتهن وخليت راسي بحضن جدو وتكله
شهد _ جدو اشو هاذ مر حيل ماشرب بعد دوه ماريد
بعد
ليث _يلا ولله ما نطيج
كمت اغفي حسيت جدو كام يغطيني بعدهة غفيت
وكل ساعه افز علا بروده بكصتي وارجع اغفه
وبعدهة رحت بل نوم
كعدت علا واحد يهز بيه فتحت عيوني شف
ياسمين
ياسمين _ شهد يلا كومي اكليلج شغله
وو
دمتم في رعاية الله.
