كابرت في حبك لأكن الأقدار لها رأي .

14

وتين اللي بدت تفتح عيونها كان رأسها راح ينفجر ألم طاحت عيونها ع هايف اللي كان حاط رأسه ع الطاوله وكان نايم ولفت نضرها من الجهه الثانيه كان راكان حاط رأسه ع السرير و راقد استغربت حس فيها هايف وصحى : وش تحسين فيه !
راكان اللي صحى : وتيني انتي بخير !
وتين وهي تلف عليهم وكانت مستغربه من سلوبهم مع بعض : لا بخير
هايف بتوتر : وتين بقول لش شي
راكان اللي كان ينتضر يقول لها
وتين بتوتر : وش
هايف اللي قال لها كل شي : وتين انتي اختي اختي اللي فقدناها قبل سنين وش اللي خلاني أعرفش الوحمه اللي ع يدش كانت عندش يوم كنتي صغيره وتين انتي انخطفتي من عمرش ٤ اسنين وتين كنتي اقرب أخت لي بعدش امي انهارت هي و أبوي سويت لش تحليل وطلع كلامي صدق انتي اختي
وتين اللي كانت بحاله صدمه : وش قاعد تقول انت
لفت ع راكان 'راكان : صادق ي وتين شفت الأوراق
وتين بحاله صدمه : وش قاعدين تقولون انتو يعني العايله اللي كبرتني وربتني مهيب عايلتي !!!!!!
هايف وراكان بخوف عليها : وتين اهدي
لفت عليهم بعصبيه : كيف اهدى انتو عارفين وش تقولون انتو ؟
هايف اللي ضاق من شافها انفعلت : وتين اهدي أنا م قلت لش عشان تزعلين وتضيقين أنا كان قصدي بعد ه السنين اجتمع معش وتين انا م صدقت أشوفك ي وتين امي لو تعرف تطير من الفرحه والله ي وتين العايله بعدك ولا شي
وتين وهي تبكي منهاره : اطلع اطلع انت وش قاعد تقول اطلع
هايف اللي ضاق : ابشري بطلع بس اهدي ي وتين
وطلع
وتين اللي انهارت بحضن راكان : راكان وش قاعد يقول راكان يعني امي مهيب امي !!!!! راكان واللي يخليك أنا م عاد أتحمل كل شي قاعد ينصب ع راسي
راكان بحنان عليها : وتيني اهدي تعوذي من الشيطآن وفكري بناحيه جميله عندك عايله تحبك وعندك أخ يعني طلع عندك عايله بعد ه السنين
وتين وهي تبكي : وامي اللي ربتني كيف تبيني أفكر فعلا إنها خطفتني وهي كانت تحرم نفسها ع كل شي عشاني كانت م تأكل إذا كان الأكل شوي عشان أكل أنا كانت تحرم نفسها من أشياء كثيره عشاني
راكان وهو ضايق عليها : ادري ي عيني بس ترا هايف ماله ذنب يوم تصرخين عليه وهو بعد ه السنين كلها اول مره يشوفش وكان مبسوط كسرتي خاطره م توقع ردت فعلك كذا حرام ي وتين واضح والله انه يحبك وخايف عليك تبين الصدق يوم صرختي عليه م كان له داعي ترا م له ذنب بشي
وتين وهي تبكي : انت عارف م كان قصدي شي بس أنا منصدمه من كل شي قاعد يصير رح ناده
راكان وهو يبتسم ويطلع ينادي هايف وخلاهم لحالهم
هايف اللي دخل وعطول وتين فتحت يدها له وحضنته
هايف وهو حاضنه : م تدرين والله العضيم ان الشوق لش ذبحني ي عين اخوك
وتين وهي مستغربه الشعور اللي جاها
حست بدموع ع كتفها هايف اللي عطول مسح خده وبعد عنها
وتين وهي تمسك يده : شفيك تبكي
هايف بشوق لها : ولا شي ي عين اخوك انتي بس دموع فرح تقدرين تقولين
وتين وهي م تعرف وش تقول له ابتسمت
هايف وهو يسحب كرسي ويجلس : تبين أوريك عايلتك
وتين اللي هزت رأسها بموافقة
بدأ يوريها صور أمها و أبوها و اخوها و اختها وأختها الثانيه
هايف : متى تبين تتعرفين عليهم
وتين بخوف وتوتر : مو الحين
هايف م يبي يظغط عليها : تمام يروحي اللي يريحشش ارتاحي الحين بنادي لش راكان الحين وقت مناوبتي انتهت راح أزورش وقت ثاني يعيني أخوش انتي
وتين اللي هزت رأسها
طلع وقابل راكان وعطول توجه له : يعطيك العافيه
راكان بستغراب رفع حاجبه : ع وش
هايف : ع كل شي
راكان ضحك من فهم : يعافيك عوافي
هايف وهو طالع : تبي شي ي النسيب ترا انتهى وقت مناوبتي
راكان : لا يعطيك العافيه بس اترك كلمت النسب وخلك ع طبعك الأول
هايف ضحك وطلع
سعود اللي كان داخل و قابل هايف اللي طالع وهو يضحك
سعود اللي توجه ع راكان وقال له
راكان بضحكه: مجنون وش نسوي له
سعود : صار شي
راكان اللي قال له كل شي سعود اللي أنصدم : اما ي ولد
راكان : والله
راكان : اسمع تتزوج اختي ؟
سعود بصدمه : وش !
راكان : تتزوج اختي انت عارف إذا م تزوجتها راح تتزوج شخص ثاني هي وأنت وحده ثانيه
سعود اللي منصدم : راكان وش قاعد تقول
راكان وهو طالع : اللي قلته لك كلام جدي قرر ورد لي علم
سعود اللي طلع من المستشفى وكان في حاله صدمه

نجد اللي كانت تنظف شافت راكان عطول سلمت عليه
راكان : نجود تعالي ابيش بموضوع
نجد بستغرب
راكان : نجد عندش قرارين تتزوجين سعود ولا شخص غريب هاذا قرار جدي وانتي عارفه قرارات جدي سعود ولد العم و اخوي وأعرفه اكثر من كل شخص لو خذتيه اقدر اشهد لش انه راح يهتم لك اما الغريب م اضمن لك عاد انتي تعرفين اختيارات جدي
نجد بصدمه : راكان وش قاعد تقول انت !
راكان : نجد أنا تعبت من جدي وقرارته شوفي أنا معش في اي قرار تقوليه ان كانك م تبين سعود انتي بس قولي لي
نجد : راكان أنا م ابي سعود ولا ابي غيره
راكان اللي كان مصدع عطول دق ع سعود : م يحتاج تعطيني رد خلاص نجد رفضت الحين دبر نفسك عند جدي وهي راح اشوف لها حل
سعود بضحكه ؛ الحمدالله رفضت ياخي وربي أشوفها أخت لي
راكان اللي ضحك
نجد : يع عبالك بآخذك
سعود بضحكه ؛ الحمدالله جات منك
راكان اللي ضحك وقفل
لف عليها يلا أنا طالع عندي مهمه شوفي لي الأخ عادل وينه طاس وربي ان رجعت م لقيته ذبحته
نجد وهي تضحك تم
هايف وهو داخل البيت وكان يفكر يقول لهم ولا لا
جات أمه : هيوف وينك فيه
هايف بحب : لبيه توني وصلت
أم هايف : ليش تأخرت اليوم ي ولدي
هايف ؛ كان عندي شوي شغل وش ع خاطرك ي عيني
أم هايف : ي ولدي اخوك من البارح مهوب موجود عجزت ادق عليه م يرد
هايف بعصبيه من اخوه : ولا يهمك يروحي أنا بروح اشوف وينه
هايف وهو طالع معصب من اخوه و فاعايله دق ع واحد من اخويا اورنس : وين اورنس ؟
قال له وقفل عطول
هايف عطول وصل المكان ودخل لقى اورنس كان راقد و الدخان طايح والمكان وصخ تنرفز وعطول صاح فيه : اورنسسسسس
اورنس صحى مختلع : وش فيك !!!!
هايف وهو يمسكه من رقبته : كم مره اقول لك المكان هاذا م تجيه والدخان م تدخن انت م تفهم !!!!!!
اورنس بخوف من عصبيت اخوه : هايف اهدى
هايف بعصبيه : شلون اهدى وانت ب الحاله ذي كل يوم تقول بتتغير و تخيب أملي فيك انت متى تفهم وتعقل وتترك عنك المزبله هاذي كل مره تخيب أملي فيك م اقول إلا يخيبه أملي وهقوتي فيك
اورنس وهو يتعذر منه هايف يفكه ويطلع
اورنس كل شي عنده إلا هايف يزعل لن إذا زعل زعل : هايف وقف
هايف ركب السياره وراح
اورنس بضيقه
جاه واحد من الشباب : ادخل
اورنس بعصبيه : كله منكم زعل هايف
محمد : اهدى وذا عصب
اورنس وهو يمسكه من رقبته : هاذا اخوي الكبير شلون تبيني أرضى زعله
محمد وهو يفك نفسه منه : فكني قال ايش اخوي راح عني لو صدق تحب اخوك م تسوي اللي تسويه
اورنس بعصبيه: هاذا كلامك وين اللي يدلني ع الشر و الطريق الغلط هاذا كلامك اجل
اورنس اللي عطول ركب سيارته وبدا يدق ع هايف لأكن هايف م كان يرد عليه
هايف وهو ضايق منه عطول وصل البيت ودخل غرفته
اورنس اللي عطول وقف عند البيت شاف سياره هايف عطول نزل شاف امه سلم عليها واعتذر انه غاب عن البيت وكان جواله مقفل وطلع لهايف وبدا يدق باب غرفته هايف اللي كان يسمع بس م يعطي رد
اورنس بضيقه : هايف اسف والله م عاد أسويها اطلع كلمني
البندري وهي تجي : شفيك انت وياه لأيكون زعل عليك
اورنس لف عليها : اي
البندري اللي ضحكت : احسن وش مسوي انت له
اورنس عصب عليها : البندري طسي من وجهي
مها : تعالو للغداء انت وياه يلا
نزلو للغدا طلعت البندري تنادي هايف ونزل ولا حط عينه بعين اورنس
امهم بستغراب : وش فيكم ؟
هايف : ولا شي تغدو
اورنس : يمه شوفي ولدش ضايق علي م يكلمني
البندري اللي ضحكت
هايف اللي مسك الفاين ونطله عليها ؛ اسكتي