حب بنكهة الاجرام {اسيرة معذبي}

الفصل الخامس

ليما لا وهو أحمد ألڤيد

وفنفس الوقت والدقيقة نزل شخص ثاني من نفس الطائرة شخص حاقد على كل عيونو ماليها الشر كثر من قلبة لي كثلة جليد متوعد للدمار لباسو الاسود لي كيف قلبو و يديه المضخمة كاينشوى بسيجارة

______

نمشيو عند البنات لي فاقو بكري بحكم خطوبة جوليا اليوم

بداو كايوجدو و يتأكدو من أي حاجة من بعد ماطلبو الاكل وكولشي

جوليا لي نسات شنو وقع البارح وتوتر غالب عليها دازو ساعات لابأس بيها وجا اكثر حاجة كاتسناها البوفي او قاعة متنقلة ههه

دخلو ديكشي المختصين من بعد ماخواو ليه بلاصتو ، سلاو وتاكذو من كولشي عاد خرجو مخلين جوليا لي غاطير بالفرحة من شكلو تماماً نفس لي كان فبالها

نعمة لي كول شوية طل على القصر واش شي حاجة ماشي هي هاديك او ناقصة ماكدة على المساعدات يردو البال عندك تنفص شي حاجة

سيڤان لي خرج على صباح لخدمتو منها نيت يتلاقا أدهم يطنز عليه شوية

راسيل لي صباح كولو وهي دور مع جوليا فحال شي حمقة فرحانة لفرحتها

حتى جات الزيانة والمساعدة ديالها لي ختارتها جوليا من برا خصيصاً لعاد نهار وراتها القفطان لي غاتلبس و المكياج لي بغات دير لي كانت شي حاجة خفيفة و فنفس الوقت سامبل كذالك تسريحة

مخليا المساعدة تكلف براسيل لي حتى هيا طلبات فقط تسريحة مكتحملش لي يلعب بيها فوجها

دخلات عليهم نعمة بقفطانها المزخرف و بتسامة طيوبة على وجها

نعمة : ماشاء لله ماشاء لله لله يحفضكم اوليداتي قراو على راسكم صورة الفلق عاد نزلو

ضحكو يجوج مكملين شغلهم ، حتى سمعات راسيل صوة هاتف جوليا لي كانت منشغلة من الزيانة كتأكد عليها أش بغات

قرات اسم المتصل بفضول حتى لمحات سيڤان

ضحكات ضحكة شريرة قبل ماتجاوب

راسيل : ألو

كان منشغل مع السياقة حتى سمع صوتها وغمض عينيها كيتأكد حتى سمعت للمرة ثانيه

راسيل : ألووو ، جوليا عندك شي زيازن فهاد تيليفون

سيڤان : غانخرج لمك نوريك الزيازن ديال بصح غطي تيليفون لجوليا