حب بنكهة الاجرام {اسيرة معذبي}

الفصل الثاني عشر

🦋حب بنكهة الاجرام 🦋
الفصل 12

تجهو للمطبخ مقرين كل وحدة تبين مهارتها فالطبخ

جوليا لي قرات دير كرتان ديال الدجاج

جبدات ليباط حطاتهم يتسلقو بينما توجد الصوص و داكشي لاخر

راسيل لي عيات تفكر فلخر خدات الطحين ناوية تصاوب البيتزا لاول مرة فحياتها

حطات البتوب حداها كادير نفس البنت لي فلفيديو لاكن بسهو منها نسات اهم مكون

خلاتها على جنب واخدة البصل و الدجاج

قسمو للكوزينة كول وحدا شنو كادير كانهم فمسابقة طبخ

___________

سيڤان و ادهم لي كانو مجمعين فالشركة على كاس ديال الويسكي

نطق بفضول وعينيه على شي وراق خاصة بالسلعة او الاسلحة بالاصح :

شنو درتي مع داڤيد شفتك مبرد السوق ماشي من عوايدك؟

تكا على الكرسي كايدور وبتسامة شر على شفايفو :

كانستنى الورقة الرابحة كانستنى الجوكر لي غايخليه يجي حتى لعند رجلي فحال شي كلب

ادهم :

اش كاتخطط اسيڤان مابقيت فاهم فيك والو

سيڤان :

حتى يوصل الوقت المناسب وغادي تفهم دابا يالله نوض العشا اليوم عندي

ادهم :

لله ياودي مرحبا زيد اسيدي

خرجو بجوج موانسين دافنين شخصيتهم الثانية

____________

تجمعو فدار ضاحكين على البنات لي تكول فالحرب

راسيل لي عيات تسنى العجينة تخمر ووالو ناسية انها مدرتش الخميرة

جوليا لي ليباط نساتها حتى وصلات فحال العجينة , تعصبو مخلين داكشي هاكداك

ادهم : (بمزاح )

فين الطباخات ديالنا مشفنا والو ؟

راسيل : (بفقصة)

كومندي شي حاجة الا باغين تنحجرو