"ညီတော် ဆီကဘာသတင်းကြားသေးလဲ။"
"အဆင်ပြေပုံပါပဲ။ စစ်သူကြီးဝမ်က သူ့ကိုစောင့်ရှောက်ထားတယ်လို့ကြားတယ်။"
မင်းသားကြီးသက်ပြင်းချလိုက်သည်။ ညီတော်ကို ဆက်သလိုက်ပြီးတည်းက ရန်ရှာတာတွေမရှိတော့ပေမယ့် ညီတော်ကိုပို့ပြီးကတည်းက တစ်ရက်မှ စိတ်မချမ်းသာရပေ။
"ငါညီတော်ကို ဘယ်လိုပြန်ခေါ်ရနိုင်မလဲ။"
"စုန့်မင်းကြီး နတ်ရွာစံသွားရင်တော့ ပြန်လာခွင့်ရမယ်ထင်ပါတယ်။"
"အဲ့တာမင်းပြောမှလား။ သတ်လို့ရရင်အစတည်းကသတ်ပစ်လိုက်ပြီ။ "
မနက်ဖြန်မင်းသားကြီး၏ နန်းတတ်ပွဲဖြစ်ရာ ညီဖြစ်သူကိုဖိတ်ခေါ်ရာ စုန့်မင်းကြီးကလွှတ်ပေးလေ၏။ အရင်လိုကိစ္စမျိုးမဖြစ်အောင် တပ်ရင်းတစ်ခုလုံးရှောင်းကျန့်အား စောင့်ရှောက်ရန် ထည့်ပေးလိုက်လေသည်။
______
"မင်းသားလေး အမွှေးနံ့သာတွေ အဆင်သင့်ဖြစ်နေပါပြီ။ အစ်ကိုတော်နဲ့တွေ့ရမယ်ဆိုတော့ပျော်နေမှာပေါ့။"
"အင်း....လီလီ ငါ့ကိုလှလှလေးပြင်ပေးစမ်းပါ။"
"ဟုတ်ကဲ့။ မင်းသားလေးကမပြင်ရင်တောင်မိန်းကလေးတွေထက်လှနေတာ။"
"ဟုတ်လား။"
ရှောင်းကျန့် သူ့ကိုယ်သူမှန်ထဲမှာကြည့်ရင်း
"လှပေမယ့် အချစ်ရေးကံမကောင်းဘူး။"
" မင်းသားလေးကို ချစ်ပါတယ်။"
"ဘယ်သူကလဲ။ နင်လား။ နင်ချစ်တာဘယ်သူခံချင်လို့လဲ။"
ရှောင်းကျန့်မျက်စောင်းလေးထိုးတော့ လီလီကြိတ်ပြုံးလိုက်ပြီး
"နှုတ်ခမ်းလေးဖိလိုက်ပါဦး။ ပန်းနုရောင်လေးသန်းသွားတော့ပိုပြီးဆွဲဆောင်မှုရှိလိမ့်မယ်။"
ရှောင်းကျန့် ပန်းရောင်စက္ကူလေးကို နှုတ်ခမ်းလေးနှင့်ဖိလိုက်သည်။
"နှုတ်ခမ်းနီကို ပထမဆုံးဆိုးဖူးတာပဲ။"
"အရမ်းလှတာပဲ။"
လီလီက သူ့ဘာသာပြင်ပြီး တအံ့တဩကိုဖြစ်နေသည်။ ရှောင်းကျန့်က ပန်းနုရောင်ဂါဝန်လေးနှင့် မှုံနေအောင်ကိုလှနေတာဖြစ်သည်။ သူထွက်လာတော့ အပြင်မှာ မင်းကြီးနှင့်စစ်သူကြီးကိုပါတွေ့ရသည့်အခါ ခါးလေးကော့ကာ ခပ်ကျော့ကျော့လေးလမ်းလျှောက်သွားလိုက်သည်။ အမြဲမျက်လွှာချထားတတ်သည့် စစ်သူကြီးမှာ မျက်တောင်ခတ်ဖို့ကိုမေ့နေပြီး။ မင်းကြီးမှာတော့ ရုပ်ပျက်ဆင်းပျက်ကိုငေးနေတာဖြစ်သည်။
YOU ARE READING
စစ်သူကြီးဝမ် နှင့် ဘုရင့်ကိုယ်လုပ်တော်( Complete)
Fanfictionဘုရင့်ကိုယ်လုပ်တော် က သမာသမတ်ကျပြီး တည်ငြိမ်တဲ့ စစ်သူကြီးကို သွေးဆောင်ဖြားယောင်းတယ်။
