كانت الفتيات ينظفون بأتقان و كأن العيد غدا و محسن كان يساعدهم بإرادته و بكامل قواه العقلية والنفسية لم يتعرض لتهديد أو الضرب أو اي سلاح أبيض او أسود حتي
نهال : نضفو عايزه يجي يلاقي الشقه نضيفه و حلوه
ملك : هو أن شاء الله هيفضل قاعد قد ايه
نهال : يقعد قد ايه ياريت ما يمشي
نور : ده انتي شلل والله هفت فيكي يا نهال بس ماشي
ندي : يجدعان دي خامس مره أمسح الارض انا تعبت
نوران : و انا بقالي ساعات بنضف و في الاوض كفايه بقا
محسن يدخل من باب الشقه : مسحت السلالم
ملك : فين البخاخه بقا
نهال : هتلاقيها
ملك : مش لاقيهااا
نهال : دوري عليها
أمسكت ملك محسن من قفاها و قالت دور معايا يلا
محسن : حسبي الله و نعمه الوكيل
بدء الإنثان في البحث عن البخاخه و تركو نهال تعلم اخواتها كيف يتعاملون مع الضيف بأدب
ملك و هي تخرج من الشقه : تعالي ندور عليها في شقتنا
بعد وقت طويل من البحث
محسن : مش موجوده
ملك : هتكون راحت فين يعني هي ملهاش غير واحد
محسن : متهزريش اكيد مش هنسأله
ملك نظرت إلي محسن : مجبورين
تنهد محسن و ذهب احضر القط المشمشي من علي السلم دخل به يجلسه علي أحد الكراسي أمام ملك مدت له ملك مصاصه
مشمش القط : مش بدخن
ملك : جود كات يعني قولي يا مشمش ولا تحب اناديك يا هرهور السيد مياو مياو
محسن : هرهور السيد مياو مياو ؟
مشمش بصدمه : انتي عرفتي الاسم ده منين
ملك : انا مفيش حاجه بتخفي عليا هسألك و ترد بصراحه
مشمش بقلق : خدامك انا خدامك
محسن بزعيق : ناو ناو مع الباشا عدل
ملك : انت عبيط ما هو قالي خدامك يعني هيساعد
محسن : ايوه صح انا اسف
ملك : قولي يا مشمش البخاخه الخوخ فين
مشمش بصدمه و توتر : بس بس احنا متفقناش علي كده
محسن : انت يا مشمش احسنلك
أخرجت ملك صوره تريها لمشمش : لا بس مراتك بوسي حلوه و عيالك مقطقطين كده
مشمش : هتكلم هتكلم بس ملكيش دعوه بيهم
محسن : انطق البخاخه فين
مشمش : هتلاقوها في اوضه نوران
محسن : ما احنا دورنا فيها
ملك بصدمه : اوضه نوران دي بخاخه المناسبات دي لو طلعت بدون سبب نهال بتموتنا
مشمش و هو ياخد مصاصه يضعها في فمه : الانسه نوران كانت بتمسح بيها شاشه تلفونها حست بحركه في الطرقه راحت خبيته تحت سريرها عشان متتكشفش
ذهب محسن و احضر البخاخه عاد إلي ملك و أعطت ملك مشمش سمكتين في شنطه و قالت متشكرين علي تعبك يا مشمش عادو إلي نهال التي كانت تضرب اخواتها بسبب انها ادراكت أنها لم تعرف أن تربيهم بعد مده طويله جلس الجميع مؤدب حين وصل هيون بين كانت ترحب به نهال باللغه الكوريه
نور : حد يترجم ياجماعه
ملك : بتقوله ازيك و اتفضل دي أيجيبت نورت
ندي : ياااه يا ولاد ده العلام نور
نوران ضحكت : و قالت انتي بقيتي مليجي كده ليه
ظلت نهال ترحب به حتي فجاء احتنضو بعضهم لم ينبس الفتيات ببنت شفة بل أمسكو بها يضربونها و محسن ظاط في الظيطه ظل يصوت و يولول كان هيون بين ينظر إليهم بصدمه فمن المفترض أنه أخت كبيره و لها احترامها بعد مده جلس الجميع كانت نهال تتحدث بالكوريه و ملك تترجم لاخواتها و أحيانا يستعينون بجوجل كانت الفتيات ينظرون إليه بخوف لقد تغيرت بسرعه أصبحت أكثر حنان
نهال لا تركز معاهم بل تركز علي هذا الكوري
نهال و هي تمد له أصبع محشي : كل يا حبيبي بدال الاكل الكوري الي المسموم ده بص خسيت ازاي
أخذ منها هيون بين المحشي و اكله و ابتسم لها
سمعو طرق علي الباب ذهبت ندي لتفتح وجدت محسن و اربعه شباب خلفه
محسن : أدهم باشا قفشني علي السلم و انا اعترفت بكل حاجه
أدهم و هو يدخل : الصراحه احنا منقدرش نستحمل بنات زيكم تقعد مع رجل غريب لوحدهم
ملك بسخريه : الرجوله بتقع منك يلا
دخل الشباب بدون إذن يجلسون
شهاب : يعني بنات زيكم صغيرين قاعدين مع رجل غريب لوحدهم الناس تقول عليهم ايه
ندي : بصو مين بيتكلم شهاب الاهطل بيتكلم
نور ضحكت بقوه : جبهتك راحت
نوح : اضحكي اضحكي ضحكت تقلب كياني رأس علي عقب انتي اضحكي و انا أعيد بناء نفسي مجددا
نور شعرت بالخجل
نوران : أبو الانوار طلع بيتكسف يا رجاله هي الدنيا حصل فيها يجدعان
أسر : عقبالك أما تبقي أنثي زيها
نوران : لما تسترجل انت الاول هبقا أنثي زيها
انفجر ملك و محسن في ضحك نظر أليها أدهم بأبتسامه
أدهم : براحه علي قلبي يا جميل مش مستحمل ضحكتك
ابتسمت ملك بخجل حتي شعرت بيد نور تهوي علي ظهره عادت ملك الي طبيعتها بسرعه
نور : أستاذ أدهم حشوره حضرتك جاي ليه معلش
أدهم : مينفعش نسيبكو مع رجل مستورد
شهاب : اه مينفعش نسيبكو مع رجل مستورد زي الواد نوح كده بس الواد نوح حليوه
نوح و هو ينظر لهيون بين : انت جاي لوحدك ولا جاي بفيروس جديد
نظر هيون بين إلي نهال أخبرها أن تترجم له أخبرته نهال أنه يقول إنه سعيد برؤيتك ابتسم و قال أنا ايضا سعيد برؤيتهم
نوح : بيقول ايه
نهال : بيقولك حط لسانك جوا بوقك و ملكش دعوه
شهاب : انتو عيونكم ضايقه اه بس بص نينجا في التهكير
نوح : حصل ياض ده احنا بنتعلم منهم
أسر : بس انا لما سافرت كوريا شوفتك كتير السحنه دي انا بشبه عليها
أستمر الشباب في التحفيل عليه حتي شعر نوح بتأنيب الضمير
نوح : هو حرام عشان بنتريق عليه كده
شهاب : يعم عادي هو كده كده مش فاهم
ضحك هيون بين : انا فاهم بس سايبكو بمزاجي عشان انا الأساس و انتو شويه لباس
ملك بصدمه : يا أبن اللعيبة يا جامد
أدهم : شويه لباس؟
شهاب بصدمه: انت اتعلمت عربي منين
نهال : انا الي علمته
هيون بين و هو يستقيم : بقا انتو بتضحكو عليا أنا
محسن بتوتر : بقولك ايه اغزي الشيطان
هيون بين أمسك بمحسن : بقا انت بتقول عليا أنا هلفوت و باكل توت طيب تعالي
أمسك بمحسن يعجنه الجميع ينظر إليه بصدمه ما عدا نهال التي كانت تنظر بحب شديد زحف محسن عند قدم نوران و قالها ابوس أيدك الحقيني خلع هيون بين سترت بدلته السوداء ثم أمسك بمحسن و اكمل ضربه فيه
بعد فتره جلس محسن يبكي و الشباب بجانبه يحاولون أن يواسوه و نهال كانت مغرمه بهيون بين و اخواتها ينظرون لها بأستغراب
أسر : خلاص يا محسن يا أخويا متعملش في نفسك كده
نوح : يعني هي اول مره تضرب فيه
محسن ببكاء : انا اول مره اضرب من رجل غريب
أدهم: طيب ما نا ضربتك مرتين قبل كده ؟
ندي : ما هو شايفك رجل
أدهم شهق ثم قال : احترمي نفسك يا وليه عيب انتي وليه متربتيش
نور بزعيق : مين دي الي متربتش
نوح بهدوء : أنسه نور واحده في حلاوتك و جمالك مينفعش يطلع منها الصوت و الازعاج ده ده انتي رقيقه زي الورده
جلست نور بخجل نظرت إليها ملك و قالت متزعلش علي الرجل يعيط ازعل عليه لما يخيب ثم ارتشفت من كأس الشاي الخاص بها
نوران : أسمع ياض يلي أسمك أدهم انت تقعد بأحترامك أحسن ما ازعلك
أسر بردح : و انا مقعدش بأحترامه
نوران و هي تأخذ الشبشب من نهال و قالت ملكش عندي غير ده
شهاب : أدهم ملكش دعوه بالجماعه بتاعتي ثم نظر إلي ندي و غمز و قال دي هتبقى مراتي يوما ما
أمسكت ندي و نوران بالثلاثه يعرفونهم أن الله حق مالت ملك علي نور و قالت هي ندي كانت مستنيه شهاب يقولها كلمه حلوه
نور : واخده وضع مش هبقا مؤدبه الناس بتحب البت السافله العصبيه الثعلبه
هيون بين بأبتسامه : اخواتك بيتخانقو
نهال بحب : سيبك منهم خلينا في موضوعنا احنا
ثم اكملو عصافير الحب كلامهم نظرت ملك إليهم طويلا
ملك : هييييح أريد من ذلك وجدت أدهم يجلس أمامها
أدهم : موجود والله موجود بس انتي حني عليه
نور تدفعه بعيدا : قوم ياض من هنا اختي مش شقط زي النسوان بتاعتك قومم
مرت تلك الليله علي خير دخلت الفتيات الي شقتهم و كان هيون بين في الشقه المجاوره بينما الشباب كانو جالسين في شقه أدهم بحجه أنهم فتيات و لن يتركهم مع رجل مستورد
ملك : بس انا بجد اتصدمت ازاي يا نهال ازاي
نهال : انا كنت بعلمه مصري و هو بيعلمني كوري
نور : قصدك كنتي بتعلميه الشباحنه
نوران : ده بيقول هلفوت و بتاكل توت
ندي : يجدع انت ما اخدتش بالك أنه بيقول انا الأساس و انتو لباس
نوران : هي مش كانت شنط و كياس
نهال بضحك : لا ما انا حاولت معه معرفش كان معلق علي دي
محسن : بس أيده تقيله حسبي الله ونعم الوكيل
نهال : فيك يا محسن فيك يا حبيبي
ذهب الجميع الي النوم بعد ذلك اليوم الحافل بالمغامرات
في اليوم التالي أستقيظ الجميع وجدو نهال حضرت الفطور و جالسه تطعم هيون بين بيديها يضحكون سويا
ملك : عليا الطلاق احنا ما عايشين يجدعان
نور بصدمه : مين نهال اختي و مع مين واد كوري
نوران : و فين في شقتي و ايه بيضحكو
ندي : و ايه بتاكله بيديها و كمان بتتعامل بحنيه
محسن : ده الدنيا خربت اجدعان خربت
نهال لاحظت وجودهم نهال بتوتر : ايه ده انتو واقفين هنا من أمتي
ندي : من ساعه ما كنت بتاكليه بأيديك يا نهال
نور و نوران في وقت واحد : عيله زنديقه
ملك بأڤوره : ربنا يغفرلك يا نهال ربنا يسامحني علي الي شوفته ده
محسن : حسبي الله ونعم الوكيل
هيون بين : خلصتو دراما
محسن : لا استني لسه مخلصناش
أكملو ده الدراما الحزينه و تأثر محسن لدرجه انه كان يبكي دموع تمسايح عشان الأجواء ثم سمعو طرق علي الباب ذهبت ملك لتفتح لتتصنم مكانها من الصدمه
ملك بتوتر : الحربايه أقصد عمتي تيسر
تيسر و هي تدخل الشقه بعد أن دفعت ملك : وحشتوني قولت اجي اشوفكم ايه ده رجل غريب في البيت
نهال : لا أفهمي ده ضيف
نور : اه لينا معه شغل و كده فاهمه
نوران بتهكم : انتي جايه ليه معلش
تيسر و هي تمصمص فمها : قولت وحشتوني اجاي أشوفكو
ندي : لا والله فيكي الخير جايه ليه برضو
ابتسمت تيسر : جايه أخطب ملك لابني زين
نظر الجميع بصدمه و قالو بصوت واحد جايه تعملي ايه
هيون بين مال علي محسن و قال : هو ايه الغلط في الي قالتو الست الحربوءه دي مش كده اختهم هتجوز و يفرحو
محسن : يا باشا انت مش فاهم حاجه انا هفهمك اصل عمتهم دي وليه حربايه مش بتحبهم اصلا بس ستهم الله يرحمها تعيش انت كتبت لخمسه أرض في البلد تكون بتاعتهم
هيون بين : طيب و هي اختارت ملك ليه
محسن تنهد و قال : لا مش عارف الصراحه
ضربه هيون بين و قال : طالما انت مش عارف بتحكي كل ده ليه يا كلب السكك انت
محسن : الاه انت مش عايز تعرف بتكرهم ليه
هيون بين : اه صح
تيسر : و الصراحه انا دورت كتير بس ملقتش أحسن من ناسبكم
نور : ده انتو ناسبكم يعر بقولك ايه احنا مش هنرمي البت
تيسر شهقت : و مالو زين يا حبيبتي ده سيد الرجاله
نور بغضب : ده انتو عيله واطيه و ناقصه و حرابيق و شمامين ده الواحد بيتكسف منكم
نوران: و بعدين مين ده الي سيد الرجاله ده حبسجي
ندي : و بتاع حريم و خمورجي
استقامت نهال فجاء تشمر اكمامها و قالت : احنا ساكتين عليكو كتير عملتلنا عمل و عدينها خربتي علاقه ابويا و امي و عدينها دلوقتي مش هنكست
درات بينهم عركه كأنهم أبراهيم و رجاله عبد المالك صرصور أو زروزر مش فاكر كانت ملك جالسه تنظر إليهم و دموع محبوسه في عيناها من فرط الحنيه التي شعرت بها و محسن واقف يشجع الفتيات
هيون بين ينظر إلى نهال و هي يبتسم بحب : شكلها بسكوتايه بس ممكن تعورك اي لايك زيس
........................................................................
