في أحد الأحياء السكنية الهادئه في أحد العمارات السكنية هناك شقه اسمها شقة البؤساء يوجد خمس أخوات كانو متحابين و متفاهمين و متسامحين اللهم سامحني علي كذبي لنتعرف عليهم
1_ نور : دي الكبيره يا باشا و تحسها شقيانه كده و بتضرب اخواتها و تغلط فيهم لما بيعصبوها بس طيب بس هي بس نفسها تفت في حد
2_ندا : دي ملاك برئ ملهاش في المشاكل و الهكر بتاع العائله الكريمه هاديه و رقيقه و كل حاجه بس في أحدي المرات اخواتها كانو واقفين في البلكونه شافوها ماسكه واحده بتغسله بس تظل الرقيقه بينهم
3_ ملاك : ده انسان عايش و مش عايش فيشته عايمه علي كل حاجه و اي حاجه بيتعامل مع الحياه علي انها اوضه و صاله بتخرجك عن شعورك و تجبلك شلل رباعي
4_ نهال : كاتب العائله الكريمه الفنان الي دايما بيكتب روايات عيوطه و عامل فيه الغامض بس هو اصلا لو سألته تلت التلاته كام ممكن يضحك دايما قاعد بيعاني من الشئ ولا الشئ بس كلنا بنحبها
5 نوران : هاديه جدا بس أيدها تجيله يابوي هي طيبه اه و كل حاجه بس لو مسكتك هتعرفك أن الله حق و انك ياريتك ما فتحت بوقك و قولت حاجه تزعلها بس برضو طيبه
في أحد الأيام كانت واقفه ملاك و نهال في المطبخ و دار بينهم حوار
ملاك : يا نهال و حياه أمك اعمليلي أكل جعانه
نهال ترتشف من كوب الشاي : لا لا
ملاك : طيب ما انتي مش بتعملي حاجه
نهال : بقولك مش فاضي
ملاك : طيب ما انتي قاعده طيب
نهال : ما تعملي لنفسك هو انا الخدامه الي امكم جابتها والله هسيب البيت و محدش هيعرفلي طريق انا تعبت
خرجت نور من غرفتها بشعرها الاشعث و قالت : هو محدش هيعرف يتخمد في أم البيت ده الواحد مش عارف ينام 12 ساعه علي بعض
نهال : كل ما تشوفني تقولي اعمليلي أكل هو انا فاتح للشهية يا نور
نور تنظر إلي ملاك : اعميلي لنفسك يا ملك انتي مش صغيره مش كل حاجه نهال نهال
نهال : ايوه كده قوليها
نور تنظر إلي نهال : اعمليلي بقا حاجه أكلها علي ما اطلع من الحمام
نهال ظلت تنظر لنور التي اتجهت الي الحمام تتمني أن تقتلهم جميعا لترتاح من ذلك كانت ملاك تنظر إليها و تضحك بقوه علي الموقف ثم جاء صوت ندا تنادي ملاك بصوت عالي
ملاك : شنو
ندا بأنتصار جبتلك حساب الواد الظابط الي اكرشتي عليه من تلات أسابيع
تحمست ملاك لكنها فجاء شعرت بعيون تخترقها وجدت نهال و نور و نوران التي خرجت من الغرفه حين شعرت أنه يوجد مصيبه ستحدث
