أحببتُ طيفاً

الفصل السابع عشر (فرحه القلب ♥️)

لا اله الا انت سبحانك اني كنت من الظالمين ❤️
استغفر الله العظيم الذى لا اله الا هو الحي القيوم و اتوب اليه 🌹
...........................................................

"احببتُ طيفاً"

*******************************

الحب الصادق النقى الطاهر يبقى ويدوم، ولا يعرف الإساءة بالآخر. الحب لا يعتمد على الرومانسية فقط، بل على الموده والاحترام والاهتمام والثقة. عندما تعيش أحلى أيام حياتك مع حبيب العمر في أيّ أرض كانت، تُصبح جنة الأرض التي ترجوا أن لا تنتهي أبدًا. الحبّ ليس كلمات تُؤخذ من الأغاني، وليس حجارة تُستخدم لبناء قصر أوهامي، الحبّ إحساس بقلب يخاف عليك، يمنحك الابتسامة عندما تقسى الدنيا عليك، نظرة تسكنك في جنة الخيالات اللامعروفة، الحب إحساس أنّك أهمّ شخص في حياة حبيبك. لا أُريد شيئًا من الدنيا، فأنا أعترف أنّي أخذت نصيبي من الفرح حين أحببتك
...............................................................

انهالت عليهم المباركات من الأقارب والأصدقاء فرحين بهذا الثنائى الرائع وما إن هدأت الأجواء حولهم انتهز الفرصه
واحتضن يديها الرقيقه مره اخرى انتفض جسدها وامتلكته رعشه حب وتعالت أنفاسها نظر لعيناها بالعشق الذى امتلك قلبه محدثا إياها

حسام بهيام .....انا مبسوط اوووى يانهى انك بقيتى مراتى وبلوم نفسى انى معملتش كده من اول يوم شفتك فيه، لا من اول لحظه شفتك فيها وانا قلبى اتخطف عمرى ماكنت اصدق ان قلبى فى يوم يعشق كده .هكون صريح معاكى، حابب إبداء حياتى معاكى بدون كذب أو اسرار ... عرفت كام بنت واحيانا كنت اعجب بيهم بس ولا مره قلبى دق ولا مره عينى اتسحرت زى ما عيونك سحرتنى

بعدك عنى فجأه بدون اسباب خلانى اتجننت ومكنتش عارف انتى عملتى كده ليه لانى وقتها مكنتش فاهم السبب بس اعذرينى مفيش واحده من الل عرفتهم كانت فى ادبك وأخلاقك وانا مفكرتش قلبى لغى تفكيرى بس الحمد لله فهمت وعرفت أنه علشان افوز بقلبك لازم ادخل البيت من بابه ومترددتس لحظه وجيت وطلبتك من عمو احمد واترجيته أنه يوافق على كتب الكتاب يكون النهارده علشان تكونى مرتاحه ونقدر نقرب من بعض اكتر ونفهم بعض اكتر من غير قيود ..مش عايزك تفهمى كلامى غلط لان طبعا فى إطار الادب

انتى ساكته ليه بتكلم من بدرى وانتى مبتروديش. انا متاكد انك بتحبينى زى مابحبك سمعيهالى بقى خلى قلبى يرتاح انا خلاص بقيت جوزك حلالك

سحرها بعذوبه صوته وجمال كلماته فاخجلها كثيرا ولم تستطع التحدث فقلبها يخفق بشده صارخا داخلها بعشقه تحدثت بصوت يكاد يكون مسموعا

نهى بحب وخجل .....بحبك ياحسام

حسام بفرحه .....ايه قولتى ايه سمعينى كده تانى

نهى بخجل شديد ......بحبك اووى ياحسام

حسام بفرحه .....يالهوووى اخيرا نطقتيها انا بعشئك ياقلب حسام