البارت السادس والعشرون

221 10 1

بواسطة euailry

بقلم euailry

منى : جناحك فوق ياسهم وش له الشقه وبعيد عنا شوف بيت أبوك تبيه يصير خالي؟، تنهد سهم يبتعد: من هنا للخطبه يا أمي يصير خير الحين استأذن وطلع يصعد للأعلى
أبتسمت غزول: وانا الحين لازم أهرب وبقول لمُني ياموني هزت راسها بالأيه منى

بالأعلى
رفعت نفسها ود عن السرير تتعدل رفعت كفها تبعد شعرها المتناثر عن ملامحها وسرعان ماقامت تأخذ جوالها ترد عليه ونطقت بصوت مبحوح: نوني؟
حاولت تنطق ناي لكنها عجزت عن الحكي تبكي
عقدت حاجبها ود وهي تسمع صوت بكائها واتجهت للشباك تلمح سيارتها: ليه ماصعدتي؟ حاولت تنظم أنفاسها ناي: ما أقدر أجي تعالي إنتي
هزت رأسها بالأيه ود تقفل وهي تستعجل تتجهز لجل تنزل لها، كانت ربع ساعه كفيلة بإنها تستعد وتنزل للأسفل مستعجله ماتسلم على أحد ولا تشوف أحد ورافعه جوالها وهي تتجه لسيارة ناي ترسل لهجاج بإنها طلعت مع ناي
تقدمت للسيارة تفتح الباب وهي تركب بجانبها
وسرعان ما لانت نظرتها تشوف ملامح ناي الباكيه: نوني
بكت ناي من جديد تحضنها: مابتوافق ود رفضت
مسحت على شعرها ود تنطق تحاول تهديها: أهدي ناي أهدي واشرحي لي وش صار؟
حاولت تسكت شهقاتها ناي وهي تنطق: دخلت عشان أجيك وسمعت صوت عمي هجاج يقول عذبي بيخطب ووقت قالهم ناي قومت الدنيا أمه
وغرقت عيونها تنطق: لولا العيب كانت بتقذفني ود مابقت كلمه ماقلتها قدام أبوك وسهم والكل عني تشوه سمعتي قدامهم، عضت ثغرها ود: نوني تدري عذبي ما
قاطعتها ناي تنطق: عذبي مايخالف أمه ود مو نفس عدي عذبي مايطلع عن شورها وتدرين وش قالت هي قالت حتى بالحلم مستحيل ود يوم وافقت كذا يصير، تنهدت ود تمسح دموعها:أهدي ناي أهدي لسى ماصار شي
تأففت ناي تمسح دموعها: نشوف وش يصير
وطاحت عينها على انعكاسها بالمرايا الي كانت فاتحتها هي وكشرت: حتى ميكبي خرب، أبتسمت ود تمازحها: كذا أحلا
ماردت عليها ناي تعدل ميكبها ونطقت ود: وش الخطه ؟
تنهدت ناي تعدل الايلاينر: بنجيب الورد وبنروح بيتي نحتفل
رفعت حاجبها ود بذهول وأبتسمت ناي تطالعها: مابتركك اليوم ولا بترك شي يضيق علينا طلبت كيك بنزينه سوا ووصلت البجامات أمس والبلونات والزينه وقلت للعامله ترتبهم، ضحكت ود تصد: يعني تقولين غصب أصير عاروسه
هزت رأسها بالأيه وهي تحرك سيارتها بعد ماهدت

بأحدى شوارع الرياض
أسرع يرفع مقدمة الدباب يرتفع الكفر عن الأرض مايلمسه ويسوق على الكفر الخلفي لدباب فقط، ضحك من مرت سيارة صاحبه من يمينه تتعداه وعدل الدباب يزيد سرعته ويحرق بانزينه يتخطى السيارات يلحق سيارة صاحبه وبلحظة أظلمت دنياه وأرتفع صوت طنين أذنه
فقد القدره على الإحساس بأطرافه وأخر شي يذكره أصوات السيارات ووقف سيارة أصحابه الي نزلو يركضون له
صحى بعد ساعات
يحس بصداع ينهش رأسه وغمض جفونه بقوه يحاول يصحى، فتح جفونه من صوت آدم الي وقف لدخول أهل تيم ينطق بهدوء يطمن أبوه: بخير ماجاه شي
ألتزم الصمت فارس: تسلم ياولد هجاج، هز رأسه بالأيه آدم وخرج للخارج يترك أهله معه، رفع نظره تيم بجهل
يجهل هو وين والأسباب ونزل نظره لأمه الي جلست عن أقدامه تبكي بحرقة قدامه قدام عينه ولانت نظرته يلتفت لأبوه بصعوبه وماكان من فارس الا نظره تحرق مابداخله كانت نظرة أبوه توجعه، تنهد من أبتعدت لينا من خلف أبوها تغرق عيونها وسرعان ماصدت من لمحت منظر تيم
مد ذراعه فارس يحتضن بنته يدخلها بحضنه ونطق بجمود: قومي ياشيم مشينا ولدك أخذ جزاته، صرخت شيم تهز رأسها بالنفي: حسبي لله على عدوك أي جزاه مابتحرك من عنده، أبتسم تيم بسخريه يمرر نظره على إرجاء الغرفه ونطق فارس بجمود: قلتله يترك هالتهور عنه يترك هالعبط رفعت نظرها شيم بحده: أنت ماتركته بشبابك عشان تطلب من ولدك يتركه يافارس، مارد فارس يخرج مع لينا للخارج ونطق تيم بصعوبه: الحقيهم، هزت راسها بالنفي تمسح على رأسه وتقبل كفه وتنهد يغمض جفونه يرجع يغرق بنومه بتعب من الحادث الي ما قدر يستوعبه

يا ضامي الهوى ود ونثر الاهداب

البارت السادس والعشرون

قصص مُروَّجة

قد يعجبك أيضاً