في أحد أحياء بغداد الراقية، كان هناك ثلاث فتيات،
كل واحدة منهن تحمل قصة مؤلمة في قلبها.
سيلين، الشرطية الشجاعة التي فقدت عائلتها بسبب شخص خائن، كانت تطارد العدالة.
زينب، الفتاة التي غدرتها أعز صديقاتها حينما استغلتها في جريمة لم تكن تعلم عنها شيئًا،
مما جعلها تشعر بالخيانة.
أما ليلى، الشابة التي تبحث عن الحب
وتجد نفسها متعلقة بشخص خائن، فقد تسببت تلك المشاعر في صراع داخلي عميق
المكان: مركز الشرطة،
زينب: وهي تركض وره بنيه ترتدي زي ضباط كانت تغادر مركز الشرطه وتناديها ب "سيلين"
لتغتت سيلين الى مصدر صوت
سيلين : نعم تفضلي
زينب : (وهي تمد ايدها حتى صافح سيلين) هاي اني زينب
سيلين: تشرفت بما انج ناديتي باسمي فميحتاج اكلك بي ،كولي شنو رايده؟
زينب :نحجي بموضوع الي يسمه "لهب "
سيلين (وهي وجهت كل تركيزها على زينب وعيونها جانت مليانه استغراب لمجرد سمعت هل اسم )
مفهمت منو هل شخص ؟
زينب : قاتل عائلتج ،الي سرق اموالي مثل منصب عليه ونصب على ناس غيري ،الي يشتغل بالكرستال
تردين اكثر
سيلين ؛( وهي تتلعثم بالكلام ) منو انتِ ؟ شتردين مني ؟
زينب : اساعدج بالانتقام من نلهب لان عندي هواي معلومات تكدر ساعدج
سيلين : سمعي المكان مو مناسب انو نحجي بهل موضوع خلي نلتقي بيتي على ساعه 8:00 اذا حضرتج معندج مانع
زينب : لا معندي مانع نطيني لعنوان
المكان: بيت سيلين، الساعة 8:00 مساءً.
سيلين : وهي تقدم العصير لزينب ،اهلا نورتينه
زينب :شكراً حبيبتي نورج هذا
سيلين :اذا حابه نبلش نكمل حديثتنه
زينب :تمام منين نيلش
سيلين : راح اسئل وانتِ جاوبيني
زينب : بضحكه ،تمام بسسس مو تنسين نفسج عبالج احنه بتحقيق
سيلين : بنضرات بادره ، منو انتِ ؟
زينب : زينب ،عمري 23 اشتغل منظفه باحد نوادي ليليه في بغداد
سيلين : شلي خلاج تشتغلين بهيج مكان ؟
زينب : حتى اكون قريبه من عدوي
سيلين : شنو سوالج لهب لدرجة تردين تنتقمين منه ؟
زينب : وهي تستعيد ذكرياتها وتبدي بطرح قصتها لسيلين
قبل سنتين في بيت زينب
زينب وهي مليانه طاقه وحماس وتنتظر صديقتها المقربه "مريم حتى تبشرها باحلى خبر
ركضت زينب على صوت دكت لباب وجانت عارفه انها صديقتها
زينب :يمه هلا هلا وغلا
مريم :حبيبتي عمري هلا بيج
زينب :شلونه الحلو
مريم :الحمد لله ،شو وجهج منور فرحينه وياج
زينب : مريم ركزي ويايييي واخيراً واخيراً بعد تعب وشغل كدرت اجمع فلوس اشتري بيهم كليه الابوي وراح صير لعمليه بعد ستة اشهر
مريم : هاا خوش خبر (مريم وهي تتقرب من زينب ) زين اني هم جايتج على موضوع
يخليج تحصلين فلوس ضعف المبلغ لعندج بثلاث اشهر بس
زينب :يمه وشنو هذا بلااا
مريم :اكو شخص تنطينه لمبلغ الي عندج ياخذه يشغله الج وخلال ثلاث اشهر بس راح يرجعلج ضعف المبلغ وهيج مو بس تشترين كليه الابوج تشترين بيت بي خير بدل هل خرابه
زينب :لخرابه لماعاجبتج لامه اربع اشخاص بسس يعني مفهمت وهل شغل قانوني
مريم :صراحه لامو قانوني ،بس شوفي صدكيني اني عرفت هذا شخص عن طريق ابوي وفعلا خلال ثلاث اشهر رجعلنه لفلوس وثقه
زينب :لا اا ماريد وعمليت ابوي قربت ماريد اتورط
مريم :لصيرين غبيه عمليتج بعد الها ستة أشهر وبعدين اذا اكو احد يتاذه ويتورط اذا نكشف الموضوع فهو شخص الي حتنطي فلوسج وهاي بعيده لان صارلهم سنين بهل وضع ومصارلهم شي
زينب : بعد تفكير طويله ونقاشات كدرت مريم تفوز على زينب وتقنعها بهل عمل
مرت الاشهر شهر وره شهر واجه الموعد لمحدد لاستلام بس جانت مريم كل يوم تأجل الموضوع الا انه تبقه على لعمليه 15 يوم بسسس
زينب :اريد فلوسي لج مبقه غير 15 يوم على عملية ابوي وين انطي وجهي
مريم : اي فلوس ؟
زينب : شنو يافلوس شبيج مريم
مريم :والله يافلوس
زينب :مريم بلا شقاج هسه
مريم : منو كلج جاي اشاقه ماكو فلوس ولااكو فلوس ولاتركع
وهسه يلا بره مالي هلكج
زينب : مريم !مريم شجاي تحجين مريم لتخبليني مريم اني صديقتج امنت بيج ونطيتج فلوس عملية ابوي طلعيلي لفلوس من جوه لكاع فاهمه من حوه لكاع لا والخلقج اوديج وره شمس
مريم :يمه يمه خفت ههههه دروحي بابا شسوين ترحين للشرطه دكليلهم نطيت فلوسي لعمل غير قانوني وباكون اللاه ياخذوج محتوى
زينب : مداستوعب مريم منو انتِ لا لا مستحيل تكونين انتِ مريم
مريم :لايحبيبتي اني مريم بدمي ولحمي مثل مضحكت عليج ضحكت على مية شخص غيرج
واذا تردين فلوسج عود روحي لهب ينطيها الجح بلا افتري افتري اي اي انتِ ذوقه يمكن بكم حركه رومانسي تخلينه ينطيج لفلوس
زينب :فقدت وضربتها راحدي ولزمتها من شعرها وي صيح قليلة ادب واخلاق لاصيرين اذا اهلج معفرفوا يربوج
تفووو عليج صوجي امنا بيج
بس انتِ ولهب حسابكم عندي
طلعت من يمها واني دمي يفور جان جو بارد والمطر دينزل بكل قوته بدون ماحسس نزلت دموعي على خدودي حسيت نار تاكل بروحي
وراسي صار زدحام من كثرة الاسئله
شلون اعالج ابوي ؟
منين اجيب فلوس؟
شسويت بروحي؟
ليش تورطت مع هل عصابهه تافها؟
واني امشي وثكل دنيا على متوني
وصلت لباب لبيت جانوا ناس مجمعه على باب البيت وصريخ امي وصل لمسامعي
ركضت واني اصيح بابا لا بابا
دخلت لكيت جنازة ابوي بلكاع ولكل حواليه يبجي
مسويت شي كتفيت اني كاعده فوك راسه واباوع بالوجوه وملامحي ميته
جنت احاول اقنع نفسي انووو لا داحلم ابوي ماا مات
صرت اتلمس براسه من وره لكفن جنت متمنيه احط روحي وياه بتابوت
شنو اني بدونه؟
مالي سند ومابيه روح؟
اجوا شالوا من الكاع
واني بهل لحضه صحيت
صرت اركض وراهم مثل لخبله ونسوان تلزم بيه جنت من كل عقلي اريد اروح وياه اريده اريده
مصرت اصيح غير بكلمة
"ولك بويه انت تيتمت من ابوك بنفس عمري وكتلي ليتم بهل عمر يوجع ليش تعيشني نفس شعورك"
ومن وقتها اخذت عهد على نفسي. اني انتقم الابوي من الي يسمون "لهب ومريم "
زينب وهي ترجع للواقع دموعها الي تنزل من عينها
سيلين :تقدمت حضنتها تمنيت ابجي وياها واصيح تمنيت اواسيها ومكدرت لان الي ينكسر وميلكه الي يواسي يبقه طول عمره ميعرف يواسي
كتفيت باني حاضنتها وايدي ترجف
بعد مهدئت زينب
سيلين :تحبين نكمل لو نتوقف ؟
زينب :لاا لا حابه احجيلج كلشي عني نكمل
سيلين : تمام ،وهسه سؤال الاهم
شلون جمعتي معلومات عن لهب
والاهم شلون عرفتي انو لهب ماذيني هم ؟
يتبع .....................
أنت تقرأ
لهيب الانتقام
Fiksi Umumفي أحد أحياء بغداد الراقية، كان هناك ثلاث فتيات، كل واحدة منهن تحمل قصة مؤلمة في قلبها. سيلين، الشرطية الشجاعة التي فقدت عائلتها بسبب شخص خائن، كانت تطارد العدالة. زينب، الفتاة التي غدرتها أعز صديقاتها حين...
