Outside the temple...
Pallavi:- again continues aur aapne mere pati ko nalayak kyu bola aapki yeh baat toh mujhe bilkul bhi hazam nahi huyi .Agar Raghav nalayak hota toh JJ ka itna bada business empire kaise khada karta ...
Ab aap kahengi ki Raghav ne galat tarike aur beimaani kar ke apna business banaya hai ...chaliye agar yeh baat bhi maan le toh bhi beimaani kar ke itna bada business khada karna bahut mehnat aur akkal ka kaam hai jo sabse nahi ho pata .
Dusro ko bolne se pehle khud ke ghar me dekh lijiye . Agar Nikhil aapko bahut layak lagta hai toh usko boliye ki abse dukan wohi sambhale kyuki mai toh na ab us ghar me kadam rakhungi aur na hi us dukan me .
Aur bhale hi maine apni izzat ka sauda kiya ho na kiya ho , Raghav ke sath 19-20 raatein gujari ho ya na gujari ho , per woh dukan toh ab aap logo ke naam karwa hi di na , toh mai bhi dekhti hu ki ab Nikhil us dukan ki kitni tarakki karwata hai.
Sharda:- tu kya bol rahi hai tujhe kuch pata bhi hai ... pointing at Raghav says , tu es insaan ki tarafdaari kar rahi hai jiski wajah se aaj tu es shadi ke bandhan me majboori se bandhi hai ..jisne teri izzat ka tamasha banaya tu uska sath de rahi hai
P:- aap jis insan ki baat kar rahi hai woh ab mera pati hai aur mai agar uska sath nahi dungi toh aur kis ka du . Mera ab Raghav ke alawa aur kaun hai .. Aur es shadi ki wajah toh kahin na kahin aap aur aapka bhi pariwar hai .
Aap logo ne hi baar baar mera naam Raghav ke sath joda , pehli baar Mansi ki sagai per mujhe yeh kehkar badnaam karne ki koshish kari gayi ki maine Raghav ko apne kamre me bulaya tha kyuki mera usse galat rishta hai .
Jab Sulochna kaku aur Asha aunty ne yeh ilzaam mujhper lagaya tab toh dikhane ke liye aapne aur baba ne mera sath diya per agle hi din baba Raghav ke ghar kyu gaye yeh puchne ki jab woh mere sath kamre me akele tha toh humare beech kya hua .
Agar mujhper bharosa tha toh phir Raghav ke ghar nahi jana chahiye tha na. Mai Raghav ke sath dukan se judi baaton ki wajah se usse milti toh mujhe kasam di jaane lagi ki mai Raghav se baat karna band kar du , usse naa milu ...aur jab maine baat nahi maani toh baba ne mujhse baat hi karna band kar diya .
Phir jab ek anjan ladki Tina aati hai ghar per aur mujhper ilzaam lagati hai ki Raghav ne mujhe jaanbujhkar isiliye saree competition me jeet dilwayi kyuki mere aur uske beech rishta hai , toh ek min bhi nahi laga us anjan ladki ki baat maan kar meri jeet ke cheque ke tukde tukde karne me .
Uske baad jab sangeet wale din mai dukan ke kaam se Raghav ke sath gayi toh bhi aap logo ne mujhpe shaq kiya ek baar phir se mujhe galat sabit karne ki koshish huyi . Agar us raat mai Raghav ki jagah kisi aur ladke ke sath bhi jaati na toh bhi aap log mujhe galat hi bolte .
Aur uske agle din toh hadd hi kar di aapke pariwar ne , mujhpe jhootha abortion ka ilzaam laga kar ke aur yeh bola ki maine Raghav ka bachha abort kiya hai . Jab maine bola ki woh receipt meri nahi hai toh kyu nahi aap logo ne meri baat ka bharosa kiya , kyu mere sath hospital gaye .
Phir jab Dr Kanika ne jhooth bola toh uska bharosa kiya lekin mera nahi . Arey aap logo ne kab mera bharosa kiya hai ...her baar toh mujhe mujrim banakar kathghare me khada kar dete hai . Aap log kaun sa bahut achhe se rahe mere sath jo ki ab Raghav ko galat bolne aa gaye .
Aap logo me aur Raghav me farak sirf itna hi tha ki Raghav mere sath galat karega toh mujhe hamesha pata hoga ki woh galat kar raha hai kyuki uski mujhse shuru se hi dushmani thi . Lekin aap log mere sath kuch es tarike se galat karte the ki mujhe yeh galatfahmi rehti thi ki yeh sab galat nahi balki aap logo ka mere liye pyaar aur fikar hai .
Aur aap batayiye na ki mai Raghav se shadi nahi karti toh aur kis se karti , un ladko se jinse aap log ne pichle do saal me mera rishta jodne ki koshish kari .. kuch toh samne hi inkaar karke chale gaye . Per unme se kuch aise bhi the jo shadi karne ko toh taiyar the lekin uske pehle unka yeh jaan-na jyada jaruri tha ki mai shadi ki pehli raat vidwa hone ke bawjood bhi virgin hu ya nahi .
