فريدة من نوعها

الخاتمة

الخاتمة

في بيت سيف والاء

الاء قاعدة مع بناتها ( سيليا - دانا - أشرقت "علي اسم صديقتها المقربة" )  والأولاد ( جواد - جاسر ) بيلعبوا في الجنينة

سيليا بعفوية : مامي ، مين ناني دي

الاء باستغراب : ناني !! جبتي الاسم ده منين يا مامي

اشرقت باندهاش طفولي : ازاي متعرفيش يا مامي ، انا سمعت بابي بيكلمها وبيقولها مسافة الطريق وجاي ، بس متقوليش لحد  علشان مبقاش فتانة

الاء بشر : لا يا روحي متخافيش مش هقول لحد ، " وطت صوتها" هنسمع جمال صوت بابي وهو بيعترف

____Salma Youssry ___

سيف داخل بكل هدوء جري عليه جواد وجاسر شالهم وداخل بيهم

دانا وسيليا واشرقت جريوا عليه : بابي

سيف نزلهم في الأرض وحضنهم كلهم

سيف بابتسامة : فين مامي يا سيلو

أشرقت ردت : مامي في المطبخ بتعمل اكل مسمم يا بابي علشان عرفت انك رايح لواحده اسمها ناني ، بس متقولش ل مامي علشان مبقاش فتانة

سيف بخوف : اكيد انتِ يا نشرة اخبار البيت اللي قولتلها

أشرقت بعبوس طفولي : اخس عليك يا بابتي انا مش بفتن ومش بقول أسرار خالص

سيف باسها من خدها وباس أخواتها كلهم زيها : لا انتِ مش فتانة يا روحي بس ربنا يستر علي بابتك علشان مامي هتطرده النهاردة من البيت

___Salma Youssry ___

الاء واقفة في المطبخ بتتفرج علي فيديو يوتيوب ازاي تعمل كيكة

الاء بزهق : ايه القرف ده ما كنت طلب جاهز وخلاص لازم اعمل فيها شيف

سيف جه من وراها : الاء

الاء بصتله وبعدين رجعت للي بتعمله ومردتش

سيف  : لولو حبيبتي ممكن تسمعيني بس ، انتِ هتصدقي أطفال ياروحي

الاء بسخرية : اه هصدق أطفال، يا بتاع ناني

سيف  بتوتر : ناني مين بس صلي علي النبي ، دي دكتورة جديدة في الجامعة وكانت بتسألني هاجي امتي الجامعة بس

الاء بنفس السخرية : بتتصل تتطمن عليك هتيجي امتي ، مسألتكش كلت سندوتشاتك ولا لا ؟ ، ولا خايفة عليك من المطبات اللي في الطريق

سيف اخد نفس طويل : بطلي تريقة بس الأول،وبعدين هو انا هخونك يعني ، كفاية عليا القرود اللي برة دول وامهم

الاء بذهول : قصدك اني غوريلا

سيف بتوتر : أنا مقولتش كده

الاء بعصبية : لا قولت يا استاذ عيالي قرود يبقي اللي بتخلف القرود ايه ؟ غوريلا