البارت 23 من رواية (فريدة من نوعها ) ♡
في بيت سيف
كان بيجهز حاجته علشان يسافر لأهله في الصعيد خلص واتصل علي يزن يقوله
يزن ببرود : نعم
سيف بهدوء : أنا مسافر الصعيد كام يوم قولت ابلغك
يزن بلامبالاه : بالسلامة
سيف قبل ما يقفل في وشه : خليك مش طايقلي كلمة كده ماشي يا يزن
يزن قاعد متضايق هم مش مقدرينه ولا مقدرين موقفه : هشوف بلوة حياتي دي كمان
اتصل علي أشرقت
أشرقت باصة علي الموبايل وهو بيرن بفرحة : ارد ؟ لا مش هرد دلوقتي لازم اسمع كلام آيات وابقي تقيلة كده ايوة صح مش هرد دلوقتي
فصل ورن تاني وهي لسه مش عايزة ترد فصل تاني ورن كمان مرة واخيرا ردت : السلام عليكم
يزن حاول يبقي هادي وميتعصبش : وعليكم السلام .....انتِ كده كاريزما يعني علشان مردتيش اول مرتين ورديتي في التالتة ؟
أشرقت ببرود : ميخصكش ، عايز ايه ؟
يزن بهدوء مستفز : اظن اخوكِ قالك اني رديتك من زمان فجهزي نفسك يا حلوة فرحنا بعد شهرين بالظبط والاسبوع الجاي هنروح نشوف الفيلا وتغيري اللي انتِ عايزاه
أشرقت بعصبية : انت مقرر بمزاجك ومفكرتش تاخد رأيي انت بتبلغني زيي زي اي حد من المعازيم اللي هو اخبطي دماغك في الحيط انا قررت وهتنفذي
يزن ببرود : والله انا مكلم اخواتك ومتفقين مع بعض وهم موافقين وكمان انتِ هترفضي ليه
أشرقت حاولت تهدي هو بيحاول يستفزها هي عارفة انه مستحيل يعمل حاجه هي مش عايزاها ...قفلت في وشه من غير كلام
يزن باصص للموبايل بذهول عمرها ما عملتها وقفلت في وشه : هو اللي هنعمله علي الناس هيطلع علينا ولا ايه ، دي قفلت في وشي ماشي يا أشرقت هتروحي مني فين انا وانتِ والزمن طويل
_____Salma Youssry ____
في اوضة دينا والاء
الاء بدموع : هو زعلان مننا ومش هيكلمنا تاني صح ؟
دينا بصتلها بقرف : كل ما حد يقولك كلمة تعيطي يا بنتي كفاية عياط انا تعبتلك ؛ وبعدين يزن عمره ما يزعل مننا هو بس متضايق شوية لو حضنتيه بس هيبقي ولا كإن حصل حاجه وهيرجع زي الفل
الاء بصتلها بجنب عنيها : اشمعني انا يعني ما تروحي صالحيه انتِ
دينا ب سخرية وألم : علي اساس مش واخدة بالي انه بيحبك انتِ اكتر مننا كلنا بيحبك اكتر مني انا ولمي هو تقريبا بيحب لمي اكتر مني كمان يزن مش بيحبني اصلا واكبر دليل انك لو روحتيله دلوقتي ودمعتي بس هيصالحك عادي لكن لو انا اللي روحت مش هيبص في وشي ، طيب اقولك حاجه كمان لما انا ولمي عملنا حادثة هو كان خايف علي لمي وكان ناسيني انا اصلا كان قلقه كله عليها وانا عادي مش مهم
أنت تقرأ
فريدة من نوعها
Humorاول رواية اكتبها في حياتي لو في أخطاء او الفصول قصيرة ده عادي علشان انا لسة مبتدئة ، اتمني الرواية تعجبكم وتشجعوني اكمل 🌸
