x. flesh by flesh

dilaab

Nagdilaab akong dughan na mahawkan ang imo tikod sa tukmang panahon samtang gasayaw kas kada alimyon nga lirio na imo maagian. Ang imong ka-gwapa kay sigeg tagubtob sa tibuok baranggay ug ako’y ga tulbahinam na basig sila, bisag layo kaayos tinuod, tagdon ni Magdalena. Bisag gamay nimong KASIKAS / TALIDHAY / LAGUNOB na pagsturya, nagkamang nako padulong sa imo ug kani maoy kahangturan nako (DASIGON UNTA KOS GINOO NA DILI NI IPADAYON— BISAN MAN DILI KA MUDUPA SA AKO MGA PAG-AMPO). Nagbangotan ko nimo kada musangpit ang kabuntagon hantod pagkatog sa mga manok ni Noy Diony. Busa ingon niini diay ang pagkahulog sa mga anghel sa kawang? Ang mabuang sa babaye na dili para sa ila; nga nagtugyan sa ilang walay kadungganan nga kaputli alang lamang sa usa ka gisimba nga babaye. (ANG IYANG KAANYAG KAY NATISOK SA AKONG PAGKATAWO) Lami daw ang bawal. (NALIPAY KO SA IYANG PAGTUTOK UG NANGUROG KO SA IYANG PAGHIKAP) Maoy ingon sa ako Lola sa tuhod. Dili ko kadili. Tinuod. Adunay usa ka butang sa iyang mabangis nga kinulit nga mga mata nga nakapasubo kaayo kanako alang kaniya. Ganahan ko sa kulba na ako nayapos. Apan bisan pa nga nasunog ko alang sa mga tinguha nga dili nako masabtan, dili gyud nako mahimo. Kay siya maunongon sa simbahan, ug ako nagpasiugda sa kaatbang.