Unicode
" ဘာလို့အခုလိုတွေ လုပ်တာလဲ ရှောင်ချန် "
Offroad အိမ်ထဲကို ပြန်ခြေချတာနဲ့ စကြားရတာကတော့ မိစ္ဆာသံဖြစ်သည်။
" အစောကြီးကတည်းက Daou ဆိုတဲ့တစ်ယောက်နဲ့ ပတ်သက်ရင် လိုတာထက်ပိုပြီး မရင်းနှီးဖို့ မားမားပြောခဲ့တယ်လေ "
Daou နာမည်ပါလာတာမို့ Offroad က စိတ်လွတ်လက်လွတ် အပေါ်ထပ်တက်မည့်ခြေထောက်ကို ရုတ်လိုက်သည်။
" Boss ဘာဖြစ်လို့လဲ ! "
ရှောင်ယိက သူ့အနောက်မှာကပ်လျက်လိုက်လာပြီး အကြားအာရုံချို့တဲ့စွာ အခြေအနေကိုမသိဘဲမေးသည်။
" ကျစ် ! ရှူး "
သူ ပါးစပ်ပိတ်ခိုင်းလိုက်တော့ ရှောင်ယိက ကုတ်ကုတ်လေး နောက်မှာ ငြိမ်သွား၏။ ဒီတော့မှ ဟိုသားအမိရဲ့စကားသံကို Offroad အပြည့်အဝအာရုံပြန်စိုက်ရသည်။
" မနက်ဖြန် သတင်းထောက်တွေရှေ့ရောက်ရင် ပြောရမယ့် script အားလုံး အဆင်သင့်လုပ်ထားပြီးပြီလား ဝူဒီ "
" အဆင်သင့်ဖြစ်ပါပြီ သူဌေးကတော် "
ဝူဒီဆိုသူက စူးယိ၏လက်ထောက်အမျိုးသမီး။ Offroad က ဧည့်ခန်းဝင်ပေါက်ကို အကွယ်ယူလျက် ဝူဒီက စူးယိကို စာရွက်တစ်ထပ် ကမ်းပေးလိုက်သည်ကို ကြည့်လိုက်သည်။ စူးယိက သူ့သား ချန်မန်ဟိုကို တဆင့်ပေးသည်။
" ဒါ သားမနက်ဖြန် ပြောရမယ့်စကားတွေပဲ။ ဒီထဲက အကြောင်းအရာတွေကနေ ဘာကိုမှ ဘောင်ကျော်ပြီး မပြောနဲ့ ။ သားအရှုပ်ကို မားမားက ရှင်းပေးနေတာနော်။ အဲဒါကိုမှ သားက နားမထောင်ဘဲ ထင်ရာလုပ်ရင် ဘာတွေဆက်ဖြစ်မလဲ သိတယ်မလား ရှောင်ချန် "
ချန်မန်ဟို မျက်နှာမှာ စိုးရွံ့မှုကို တွေ့ရသည်။ သူသည် ဘာကိုမှမလွန်ဆန်နိုင်စွာ သူ့အမေပေးသော စာရွက်ကိုလှမ်းယူလိုက်သည်။
" သိပါတယ် မားမား "
ချန်မန်ဟိုအဖြေကြောင့် စူးယိက ပြုံးသည်။ နောက် ဝူဒီ့ဘက် လှည့်ကာ ...
" ဝူဒီ ! ဟိုကောင်လေးပြောရမယ့် script ရော အဆင်သင့်ပဲလား "
YOU ARE READING
𝘿𝙖𝙞𝙨𝙮 𝘿𝙞𝙫𝙞𝙣𝙚
FanfictionDaou x Offroad 𝙾𝚗𝚌𝚎 𝚊 𝚙𝚘𝚒𝚜𝚘𝚗 𝚒𝚟𝚢 𝚋𝚞𝚝, 𝚗𝚘𝚠 𝙸'𝚖 𝚢𝚘𝚞𝚛 𝚍𝚊𝚒𝚜𝚢 -𝙻𝚢𝚛𝚒𝚌𝚜 𝚏𝚛𝚘𝚖 𝙳𝚘𝚗'𝚝 𝙱𝚕𝚊𝚖𝚎 𝙼𝚎
