بين انيابهم (تكملة الجزء الاول)

العـثـرة الـواحـد و الخـمسون

السـلام عليڪم

بعد غياب طووووويل بيني و بينڪم و ادري بيكم تنتظرون الجزء الثاني او بالاحرى تكملة الجزء الاول الي المفروض انشرة من زمان بس للأسف حسابي الاول راح وما كدرت ارجعة 🤦🏼‍♀️💔
و راح واهسي بالنشر و بالكتابة وبكلشي وهم البنات جان عدهم ظروف

رجعت اتذكرت حسابي الاول و حصرتني البجية شوكت اتخطى ما ادررري 💔🙃

المهم هاي البارتات هي تكملة للجزء الاول ردت اسميه جزء ثاني بس حسيت لا تكملة افضل لأن اقل من العشر بارتات طلباً من الابطال و مراعاة الظروفي كوني طالبة سادس الدنيا طالعة من عينها 💅

نبدي على بركة الله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شُـــــذير

صاح علي زڪـريا من جوة

زڪـريا.... يلااا وللج شُـــــذير اتأخررنة

شُـــــذير.... جاااية جاااية

شلت حذائي ونزلت اركض بحيث الباية اعبرها كل اثنين سوة نزلت جوة وحجيت واني كوة اسحب نفس

شُـــــذير... فحطتنيي شبييك هيج هوَ

زڪـريا... غير اتأخرنة

اتخصرت

شُـــــذير.... على اساس واكفين عليي اشو كلها بعدهي

زڪـريا... اي اريد اسبقهم يلا يلا

بس سمعت هيج طفرت قبلة

شُـــــذير.... امشي بسررعة اتأخرررنة

زڪـريا... والجهاال

شُـــــذير... يبقون يم خالة أسيل و بحــر ما اتروح اتكول امووع بالحرر و تريد تبقى يم خالة خاف يجون خطـار

زڪـريا... حجيتيلي حياة بحــر كلها

طلعت برة لبست حذائي صعدنة بالسيارة وانطلقنة قبلهم اليوم خالو أحمد يوصل من الحج ورايحين نستقبلة درت وجهي اباوع ورانة انطلقن السيارات سيارة الايسر وبيبي زهـرة و سيارة العمو معتز و سيارة العمو رحمن و سيارة الاكرم البقية بقو بالبيت