بسم الله الرحمن الرحيم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تـــاج
هُـــــذام... و اذا هسه طلكتج؟
اتقربت الة كم خطوة
تـــاج.... يالله سويها و طلكني
ضحك بطرف شفتة اول ما راد يحجي غمضت عيوني ما اريد اشوف وهو ينطقها اتسلل صوتة المسامعي وهو يردد
هُـــــذام... انتِ ط
راد يحجيها واندك الجرس فتحت عيوني بسرعة اجيت اروح للباب راح هو حجيت
تـــاج... لا تفتح الباب بكيفك شقتي هاي مو شقتك
حجة من دون لا يلتفت الي
هُـــــذام... و الي ورة الباب اخوي مو اخوج
خلة ايدة على يدة الباب و التفت الي
هُـــــذام... راح يدخل خلي شال على راسج
بقيت ساكتة وافرك ايد بأيدي استغرب سكوتي سحبت نفس و حجيت
تـــاج... ذبيت الحجاب
بقة صافن بوجهي و علامات الصدمة احتلتة
هُـــــذام... للأسف ما عرفتي تحافظين على نفسج
حجاها و مد ايدة بجيبة خلة ورقة
هُـــــذام... هذا رقمي خاف هم ناسيتة اتصلي علي انحدد موعد
فتح الباب وطلع نزلن ادموعي بقهر كعدت على القنفة غطيت وجهي بأيدي و بقيت ابجي بحركة ما عرفت شنو اسوي التناقض الي بداخلي خلاني افقد عقلي حسيت ضيعت نفسي و راح اضيع كمت ما ادري شنو اسوي افتر بالصالة مثل المخبلة ما يسويها و يطلكني بس لا هو مصر الدرجة يريد يحدد موعد بأقرب وقت بجيت بصوت عالي من الحيرة الاني بيها ضايعة وما دا اعرف الطريق الصحيح فتحت موبايلي احتاريت المن اتصل منو يفهم شنو اريد ردت اتصل بشُذير بس بعدني ماخذة بخاطري منها صار كدامي رقم زهراء اتصلت عليها اول ما جاوبتني انفجرت بالبجي حاولت تفهم مني السالفة ما كدرت احجي بس ابجي الى ان هدأت و سولفت الها
زهراء... اي واضحة السالفة بعدج تحبينة بس حظرتج تغشمين نفسج صيري حبابة و رجعيلة و سالفة الحجاب حقة و الله و انا اكول ليش من اكلها ادز صورتها بالشغل ما تقبل اثاري هنا السالفة طلعتي ذابتة و الله زين وصبر ما فلش راسج على هاي السالفة الطايح حظها
