Student no. 43 (Bisaya)

chapter 1

Ako si Joseph, substitute teacher ni mam Espinosa kay tungod nanganak siya. Nakasub ko sa ilado na school sa Agusan. Wala ko magdahom sa first experience nako magtudlo na as teacher, makahatag na kini ug makapanimbawot nga kaagi.

Nagsugod ang tanan sa section grade 10 Gemilina kung asa nagtudlo si mam Espinosa. Sa akong pag sulod na busy ang school sa ila preparation sa foundation week. Mao ng casual ra akong pailaila sa mga bata ug wa na nko sila mailhan tanan kaysa  first day of school nako sa ila ug sa first hour niini gipa out na ang mga bata kay magpractice.

Sa pag paggawas sa mga bata ni diretso ko sa table ni mam sa luyo ug nag encode sa mga grado sa first quarter. Sa akong paglingi-lingi sa room, nakita nako ang usa estudyante nga natulog sa desk. Nakablack tanan, kuko, sanina pati lipstick. In short, pasok kaayo siya sa emo nga uso sauna. Sa kadto nga kahigayuna, nadumduman nako ang ingon sa ako amigo na teacher, kung mahimo dili pakialaman ang mga bata ug sabton ila personal space kay basin lain ang gibati or emotionally/mentally dili sila ok ana na time. So mao to para ako mailhan, gitan-aw nako iya name sa podium kay nakasulat sa ila seat plan. Siya diay si Elce.

Hapon (practice npud ang mga bata)

Nigawas ko kay gipatawag ko kadali sa office
Gibyaan nko ang gamit kay naa may tao sa room si Elce.

"Gang aysag hawa ha? Kadali lng ko mugawas."

Nitando si Elce.

Sa kadugay sa amo meeting sa department head, 4:45 nko makabalik ng gawas ng mga bata. Medyo ngitngit ng room.

Dali dali kog hipos sa ako laptop ug mga gamit kay amo room medyo suok kaayo, napalibutan ug dagko nga punuan sa mangga. Sa pagbitbit nako sa bag, nakalingi ko kadali sa bintana sa gawas. Naay anino sa babae nagtindog.
Paspas ug buto buto ako dughan, kay nakulbaan nako... Taod2 milihok ang anino., si Elce, nibaktas hinay hinay palayo sa room.
Nahuwasan ako kakulba.

Sa ako kakapoy, feeling nako gibitbit nako ang tibuok kalibutan. Ang akong bag nga laptop ray sulod hastang bug-ata na pas-anon.. Kapoy kaayo nga adlaw.

Alas 7:45 sa gabii nakadumdom ko nga wala nako naibot ang speaker nga ako gisaksak. Dali dali kog adto sa school ug nananghid sa guard.  Wala ko kabatig kahadlok kay mas nahadlok ko nga maka-cause kog sunog sa school.

Giingkit nko ang cp samtang nagflashlight para makita ang kandado  ug susi... Samtang ginaopen ko ni, nakadungog music nga ang lyrics "come to me and I will give you rest."

Nanindog ako balahibo, pero giisip nako nga radio ra to sa guard nga ga libot sa school.

Sa ako pag open sa door, gisugat ko sa kangingit ug kabugnaw sa hangin nga murag nagbutang ug ice sa akong tangkugo.

"Lord di na ni maayo."

Halos nanggahi ako tiil kay naa koy naaninag nga imahe sa tawo naglingkod duol sa lamesa. Feeling nako babae nga nagduko.

"di na ko mag imagine ug kahadlok kay bisag unsa na lang ako makita."

Gipaspasan nakog pasiga ang suga.

"salamat Lord, Namalik-mata ra diay ko."

Giduol nako ang saksakanan dayon ibot sa charger. Pagpalong nako sa suga, ningkamot ko nga dili na muhapit ako mata sa table. Ambot ug ngano pero nagkurog akong mga kamot samtang ga sirado sa room. Nisamot pa ni kadtong nadungog nako, klaro kaayo ang tingog sa flute ug ang gitugtog kadtong kanta nga naay lyrics nga "come to me and I will give you rest."

Sa ako kahadlok natagak ang susi, sa ako karatol gipaspasan nakog punit hantod paghangad nako naa gyud koy klaro nga nakita nga usa ka anino sa babaye nagtindog tungod sa pikas door.