الصراع بين القلب و العقل 🫀🧠

•صراحة♡

بقلم: ♥🥹Jana Shawesh ♡

Part 5 🙈♥

وقفنا البارت اللي فات لما وصلوا الفيلا وحياة شافت شخص فرحت أويي
حياة وهي بتحضن الشخص: حبيييبي وحشتيني أويي
طبعا زمانكم سامعين صوت شياط وده طبعا مالك
الشخص: حياتي عامله إيه ياقلبي
حياة: زعلانه إستنيتك أنهارده وإتأخرت علي الجامعه علشان أشوفك ومجتش
الشخص: معلشي يا قلبي ما إنتي عارفه شغلي
حياة وقد لاحظت وش مالك المحمر من الغضب و عروقه قد برزت
حياة بدلال: ماشي يا قلبي بس متتكررش
الشخص: ماشي يا حياتي بس مين دول
حياة: دول صحابنا الجداد في الكلية و سوسو عازماهم
الشخص: أهلا بيكم.......  إيه ده رودي
رودي بمفاجأة: ريان إنت عامل أيه
ريان: الحمد لله يا رودي بس إنتي إيه اللي جابك مصر
رودي: جيت مع أهلي وصحابي
ريان: دول صحابك اللي بتعتبريهم أهلك اللي إنتي حكيتي عنهم ليا صح؟
رودي: صح يا أروووبة ذاكرتك فل وعشرة 😂
الكل في حالة صدمه إن إزاي رودي تعرف ريان
رودي بضحك: أنتوا مالكم مبلمين كده ليه هاا وبوقكم هيوصل للارض 😂
ريان: أنا هفهمهم......  يا جماعه أنا عارف رودي ومن هي كانت برا مصر أصلا
حياة: إزاي؟
ريان: مش يا قلبي أنا كنت مسافر برا مصر مع فريق الإنقاذ أنا بقي أنقذتها وإتصاحبنا عليها هناك
حياة: كده فهمت
والباقي فهم شوية 😂
ريان: يلا يا جماعه ده سوسو عامله وليمه ليكم
والكل دخل (ملحوظة: هما كانوا واقفين في الجنينه)
تاليا وهي بتجري: سوووووسوووو أنا جعااااانهههه
سوسو: هتفضحيني يا مفجوعه هيقولوا إني مش بأكلك
الكل ضحك
مراد: مكنش له لزوم إننا نتعبك معانا يا طنط
سوسو: أولا مش تعب ولا حاجه ثانيا أنا سوسو أو سعاد بلاش طنط
مراد بابتسامه: ماشي يا سوسو
سوسو: حبيب قلبي إنت إسمك إيه؟
ريان: خياااااانه بقي هو حبيب قلبك أمال أنا إيه؟
سوسو بضحك: يلا إنت روحي
مراد بمرح: وأنا روحت فين يا سوسو
سوسو: انت موجود يا حبيبي إنت اسمك إيه بقا
آدم بصدمه مصتنعه: حبيبك!!!! أمال أنا إيه
سوسو وقد مسكت السكينه: ولامنك له خليه يقول اسمه...  قول يا ابني
مراد بضحك: مرااد
سوسو: عاشت الاسامي .... ..  يلا يا بت منك ليها جهزي السفرة وحطوا الأكل
جهزوا السفرة وحطوا الأكل والكل قعد وبياكل
سوسو: عايزة أتعرف بيكم
زين: بصي يا سوسو أنا زين الجارحي صاحب أبو بوز
سوسو بضحك: مين أبو بوز يا إبني
زين: مراد اللي متلأح قدامي ده
سوسو بضحك: ده أبو بوز ده فرفوش يلا
زين: لا يا سوسو أنا أكتر واحد مجنون في العباسية دي كلها أااه أصلنا شلة مجانين 😂(زي أنا وشلتي كده😂)
فارس: وأنا يا سوسو فارس السيوفي إبن عم مراد ابو بوز 😂
سوسو بضحك: ماشي يا إبني بس والله فرفوش
مراد شاور لساندي بإنها تحرك طبق الرز علي وش زين وفارس من غير ما حد يلاحظ وساندي ضحكت بصوت واطي ووافقت
مالك: وأنا يا سوسو مالك الأخ الكبير لمراد وجني
سوسو: عاشت الاسامي
رودي: وأنا رودي يا سوسو
ساندي: وأنا ساندي
نور: وأنا نور يا سوسو
سوسو: عاشت الاسامي
(سوسو عارفه صحاب عز )
مازن: أنا زحلان منك يا سوسو
عز: زحلان!!!! بقي دي كلمه يقولها واحد في كلية طب
مازن: ملكش دعوة بينا يا رخم سيبني مع سوسو
سوسو: مدققش يا عز سيب ميزو
مازن: أيوة بقي...... وحشتيني يا سوسو
ساندي وقد إستغلت الفرصه وقربت أطباق الرز من وش فارس وزين
زين وفارس كانوا بيلفوا وشهم وهياكلوا من الرز لقوا طبق الرز لبس في وشهم
زين بهمس: ماشي يا ساااندي أكيد مراد اللي قايلك
و راح مشاور لفارس إن مراد قال لساظدي تعمل كده و رام فارس عملوكده مااااشيييي🤌🏻🤌🏻
فارس راح عامل الريح مخلي طبق السلطه يلبس في وش مراد
وراح زين مشاور لنور ان كوباية الماية تلبس في ساندي و راحت محركه المايه و لبستها في وشها
مراد بهمس: اوووووف تلاقيهم بيردوهالي
ساندي بصوت عالي: اححححححح يلهوي الحقووني
سوسو لفت هي و الباقي بتبصلهم لقت فارس و زبن وشهم عليه رز و مراد سلطه و ساظدي اتغرقت
سوسو: إيه اللي عمل فيكم كده 😂
مراد: قضاء الله وقدره.. ثم بهمس هعرفهم بعدين
فارس :  أيوة قضاء و قدر... ثم بهمس ماشي يا مراد والله لأخليك تحرم
سوسو بضحك: طب يلا كلوا
خلصوا أكل والبنات شالوا الأطباق وكل واحده بتعمل شغلانه
حياة: إتفضلوا الشاي
حياة بتقدم الشاي لكل واحد وكانت بتبص علي مالك وبتفكر فيه
مالك سمع تفكيرها
حياة كانت بتفكر وبتقول جواها: هو مز بس عنيد وأنا مش هيمشي معايا ده بس والله لعلمه الادب
مالك ضحك
حياة وهي بتقدمله الشاي: إتفضل
مالك: أنا عارف إني حلو
حياة و هي بتحاول انها متبينش كسوفها: حلو ماسخ يخويا
الكل ضحك
حياة وزعت بقيت الشاي ومشيت ووشها عامل زي الطماطم
بعدها بشوية حياة نادت علي ريان
حياة: ريان عايزاك
ريان: حاضر يا حياتي
في حد بيولع هنا 😂
حياة: بص يا رينو
ريان: ما دام فيها رينو يبقي مصلحه قولي يا سيتي
حياة: سهلت عليا الموضوع بص أنا مش عايزاك تعاملني أني أختك نهائيا
ريان: علشان اللي عايز يموتني برا ده ده هيشيط يا بنتي 😂
حياة: سيبه أنا عايزاه يتغاظ...  هبقي أفهمك بعدين ماشي
وراحت حياة حاطه إيديها علي كتفه وهو إيديه علي وسطها وبيضحكوا
جماعه حد يطلب المطافي 😂😂
مالك غضب أويي و ما أدراكم ما الغيرة فالغيرة هي الحب بالنسبة فالغيرة لا تعني إمتلاك بل تعني تعطي للشيء قيمته و تحافظ على الشيء خوفاً من ضياعه لمدى أهميته فالحب هو الغيرة بالإضافة للإهتمام طبعاً
مالك عروقه برزت وكان عاوز يقوم يضربه بس مراد وقفه
مراد: إهدي
مالك: مش قادر شوفت حاطط إيده إزااي علي وسطها 😡
مراد: أهدي وهتكلم معاكي في الموضوع ده بعدين
ريان ساب حياة وجه عليهم
مراد: بتحبوا بعض
ريان وهو بيبص بطرف عينيه علي مالك: أوي أوي
مالك وخلاص جاب أخره
مالك بغضب: وإتعرفتوا إمتي إن شاء الله
ريان: إتعرفت عليها كانت موكله عندي
مراد: هو إنت محامي
ريان: أنا محامي ورئيس فريق الإنقاذ المجاني أنا اللي عامله
مراد: وااااااو كويس
آدم: اللي أنا عرفتوه من ريان إنكم كنتوا برا مصر إزاي بتتكلموا مصري كده
مراد: إحنا كلنا أصولنا مصريه وعارفين اللغه المصريه أوي وبرده بنعرف نتكلم إنجليزي حلو أوي أوي أوي لإنها لغتنا برا مصر
آدم: أممممم
البنات كلها خلصت وجت عليهم
تمارا: يلا عشان هنلعب
الرجاله كلها: هنلعبب
تمارا: أيوة بس أول لعبه هتبقي تحدي ما بيني وما بينكم كلكم
كلهم: لعبة إيه؟؟؟؟
تمارا: هتبقي هبدأ من المبتدأ بينكم في الانجليزي لغاية الوحش فيكم طبعا قصدي علي اللي كانوا برا مصر
مراد بإستغراب: ليه يعني؟
تمارا: أصل بحب الانجليزي أوي وعايزة أتحادكم واحد واحد
جني وقد عجبتها الفكرة: إشطا
تمارا بحماس: يلا نبدأ من المبتدأ لحد الكينج بتاعكم
جني و ندي: إشطا مع إن مفيش حد مبتدأ
جني وندي ونور ورودي و ساندي وزين ومالك وفارس ومراد إتجمعوا مع بعض كفريق يعني علشان يختاروا بالترتيب وخلوا مراد هو آخر واحد بإعتباره الوحش بتاعهم
جني: إحنا إتفقنا وأول واحدة هتقابليها نور
تمارا بحماس: إشطا يلا هجهز التربيزه ونقعد
تمارا جهزت تربيزة فيها كرسين قبال بعض و كان في كنبتين كبيرة علشان الباقي يقعد عليها الولاد في كنبه والبنات في كنبة
تمارا بحماس: أنا جهزت يلا
نور قعدت علي كرسي وتمارا قعدت علي الكرسي اللي قبال الكنبتين
جني بإعتبارها حَكَم مؤقت لحد ما ييجي دورها
جني: إحنا هنقول أكتر من سؤال ونشوف أنهي هيجاوب أسرع
الكل: أوك
جني: هبدأ بسؤال خفيف خالص إيه الفرق بين character و Person  من الرغم إن الإتنين معناهم شخصية
تمارا بسرعه ومهارة: Character شخصية في فيلم أو رسوم متحركه أما Person فهي إحنا
جني: صح نقطة ليكي.......  اللي بعدو هيبقي النطق وده علشان اللعبة متطولش لإن إحنا عايزين نلعب حاجات تانيه
الكل: أوك
جني: إنطقوا كلمة معلومات
نور: information انفورميشين
جني: تمام كده تعادل السؤال ده سؤال الحسم.......  نطق كلمة فراولة
تمارا بسرعه ومهارة: Strawberry إستروبري
جني: كده تمارا كسبت اللي بعدوا
فضلت تمارا تكسب الكل حته جني وكان الكل في حالة حماس لإنها هتقابل مراد وهي ماهرة جدا ومراد كذلك فهو بالنسبة ليهم لقاء العمالقة
مراد: إديني جيتلك يا اللي غلبتي الكل
تمارا: وهتشوف لسة
وبدأت المنافسة وكان فيها كلمات صعبة جدا بس الإتنين فضلوا ينطقوا مع بعض فيخدوا النقطة وفضلوا علي هذا الوتير
جني بزهق: لا أنا زهقت إنتوا الإتنين توب التوب ومفيش حد عارف يهزم التاني تعالوا نلعب لعبة تانية
تمارا ومراد: ماشي
تمارا جابت إزازة وقالت: إحنا هنلعب لعبة الصراحة اللي هيجي عنده غطا الإزازة هيسأل
الكل: إشطا
قعدوا دايرة كبييرة أوي
وتمارا لفت الإزازة جه الغطا عند جني
جني: هسأل آدم
آدم: إشطا يلا إسألي
جني: عرفت كام بنت لحد دلوقتي؟؟؟.
آدم بهمس: يلهوي ده شكلها هتنفخني
مراد بنفس الهمس: هتنفخك وبس ما أنا مجرب
آدم بهمس: الله يبشرك بالخير
تمارا بخبث: ما تقول هاا ما تقول
آدم: هجاوب أهه مستعجله علي موتي أوي 😂
جني: متلفش وتدور جاوب وخلص
آدم بحب: أنا عرفت بنات كتير بس من يوم وقعت علي وشي هي أه الوقعه وجعت راسي بس وقعت في حبال عينيها و من يومها وأنا مقرر مش هعرف غيرها ولا هبص إلا ليها (يا سيدي علي الرومانسيه😂) كان آدم بيقول الكلام ده وهو باصص لجني وبيفكر فيها وطبعا في  ناس سمعت أفكاره ومن ضمنهم الأخ مالك 😂
مالك بهمس لجني: جني.....  جني.....  يااااا جنننني
جني: في إيه بتزعق ليه
مالك: ما إنتي اللي سرحانه.......  تعالي قربي ودانك عايز أقولك علي حاجه
جني: حاضر بس لخص
مالك بهمس: الواد البشري ده بيحبك وبيفكر فيكي
جني بنفس الهمس: ما أنا عارفه صوت تفكيره عالي وزمانه فضحني وفضح نفسه 😂
مالك: لا يا جوجو صحصحي معايا مفيش حد بيسمع الافكار غير السلاله الملكيه ثانيا إنتي ناسيه قواعدنا
جني: بلا قواعد بلا نيله سبنا نخلص اللعبه
تمارا: بتهرب يلا و بتثبتها
جنى: لا متخافيش مش بتثبت
تمارا لفت الازازه و جه الغطا عند زين
زين: لعبتي هسأل تاليا.....  تاليا إنتي إرتبطي بحد قبل كده
تاليا: لا والله يا زينو بس ناويه قريب متخافش 😂
زين راح لمالك
زين بهمس: واد يا مالك يا حبيبي
مالك بنفس الهمس:  خلص عايز إيه
زين: دايما فاهمني كدا قولي البت تاليا كانت بتفكر في مين
مالك بمشاكسه: لا مش هقولك
زين برجاء: مالك يا حبيبي ملوكه علشان خاطري ووحياتك هظبطك
مالك: ماشي يا عم بتفكر فيك
زين من كتر الفرحه باس مالك في خدوا 😂🫣
الكل فطس علي نفسه من الضحك من حركة زين المفاجأة
تمارا لفت الإزازه تاني الغطا جه علي مازن
مازن: هسأل نور.......  نور بتفكري في مين دلوقتي؟؟؟
نور بخجل وقد إصتبغ وجهها باللون الأحمر: بصراحه
الكل بترقب: أيوة قولي
نور بخجل اكتر: فيك وراح جرت علي الحمام ونفسها زايد مش عارفه تنظمه
تمارا: السناره غمزت يا ميزو 😂 لما أقوم أشوف البت لحسن زمانها هتعيط ونلعب لعبه تانيه لحسن كلكم دماغكم شمال 😂
تمارا راحت لنور لقتها غارقه في دمائها
تمارا بصريخ: نوووووور

أنا نزلتلكم بارت طويل أهه قولولي رأيكم في الكومنتات

يا تري نور حصلها إيه؟؟؟؟؟
هل قصة حب نور ومازن مش هيبقي فيها مشاكل؟؟؟؟؟
مراد هيحارب قلبه إزاي؟؟؟؟
وإزاي نور وجني وزين هيحاربوا قوانينهم؟؟؟؟؟