بنات ارض القمر (( الجزء الثاني))

الفصل الثانى عشر 😘

بنات ارض القمر

الجزء الثاني

الفصل الثانى عشر

بقلم سماح سمير شبل

شكرا أل صهيون على توعيه اطفالنا لما انشغلنا عنه على مر السنين، وجعلهم يدركون كم انتم سفله وان هناك دوله عربيه يحتلها الكيان وان المسجد الأقصى قضيتهم التى تغافلنا عنها، شكرا لجعلهم يتسائلون أين الله من كل هذا؟ ويجدون الاجابه بنفسهم فى القرأن ويزيد إيمانهم بالله أكثر ويتمنون الشهاده مثل إخوانهم فى فلسطين المحتله، لقد اعتدنا على طغيانكم ولكن هناك جيل ضخم جدا يتوعدكم و سيسحقكم وهذا سيكون وقتهم، أنها تدابير الله ليست تدابيركم انتم 

(( ويمكرون ويمكر الله والله خير الماكرين))

"الجميلُ أننا ربحنا جيلًا ، كُنا قد خِفنا عليه أن ينسى!"

✌🏻

______________

بقلم سماح سمير شبل عطالله

كان ينظر للجميع بغموض وهو يردد اذكاره ولا يشغل تفكيره إلا أن يجد التعويذه التى جعلت الجميع يتشاجر مع بعضهم البعض وبعد أن صعد الجميع إلى الاعلى وأبطل مفعول تعويذه سيرينا تحدث بهدوء وقال:

انا هسامحك علشان التعويذه الهبله اللى انتى عملتيها دى ، بس بشرط، تقولو لى ايه اللى جابكم هنا وليه؟ وبلاش كدب علشان هتزعلو انتم الاتنين.

سمير بغضب: 

احنا هنا علشان نساعدكم.

تميم بهدوء:

ماشى يا سمير ولما انت وهى هنا علشان تساعدونا مش عيب برضو اللى هى عملته؟!

نظر لها سمير بغضب فنظرت للأسفل وقالت :

كنت بحاول اشغلكم علشان نهرب ، انتم مش مصدقينا واحنا جينا هنا علشان نحذركم ومع ذالك ربطونا وكمان قريبتك رمت علينا تعويذه واتعاملنا وحش.

تميم :

مع أنه مش مبرر بس انا هصدقك ممكن بقى يا سمير تحكى لى انت عرفت ازاى أن جعفر عاوز يخلص مننا.

سمير :

ممكن تفكنى علشان اعرف اتكلم .

اكتفى تميم بتحريك كفه بحركه بسيطه ليجد سمير نفسه بدون قيود وعندما نظر إلى ماريا و وجدها مازالت مقيده فقال له تميم ببرود :

احكى علشان اعرف انت هتفضل حر ولا هتتربط جنبها تانى.

كان يتحدث ببرود مخيف وابتلع سمير لعابه وقال.

______' 

كان الجميع ينظر لبعضهم البعض فى صمت غريب حتى قال قاسم بوجه يشوبه القلق :