يا مساء الفل ، انا قولت ان الفصل هينزل يوم السبت وما اتأخرتش مع ان عشره فى الميه من اللى قرأو الفصل بس هما اللى صوتو ، وكده ما فيش تفاعل خالص فا الفصول كده هتنزل كل يوم سبت لغايه ما الڤوت يعلى يا شباب ، دمتم بخير .
قرأه ممتعه😍
بنات ارض القمر الجزء الثانى
بقلم سماح سمير شبل عطاالله
الفصل الثالث عشر
على ضوء القمر فى الصحراء الغربيه كان يجلس فى خيمته وهو يأكل بشراهه ويتخيل نفسه وهو يملك الارض كلها وفى الخارج كان الجن الذى خرج من بئر برهوت يأكلون بنهم وشراسه وصوت مقزز لقد سرقو الكثير من الحمير والبغال من سكان الواحه القريبه منهم، كانو ينتظرون اشاره من جعفر حتى يعثو فى الارض فساد، مقززين وتكاد تصل اليك رائحتهم النتنه على بعد اميال، تفاجأو بعدو الخيول التى اصمت اذانهم ليتوقف الجميع عن الطعام ويخرج جعفر من خيمته وهو مذهول، جيش من الذئاب يعتلون الخيول!! كاد يُجن ولكن بنظره ثاقبه اكتشف انهم جيش من الجن يرتدون جلود الذئاب وملثمين، لم يكن يبعد نظره عن هذا الهجوم وقد صعقه ما رأى ان بين صفوفهم ذئاب حقيقيه ، اشتبك جن بئر برهوت مع الصفوف الاولى فى الجيش ، نظر لهم بسخط ونظر بغل لهذا الجيش الغريب وطار بعيد لينجو بحياته فهو متأكد ان جن بئر برهوت سيسحق فى اقل من دقائق معدوده، هرب جعفر وتركهم للهلاك ولكن كل ما كان يشغل باله شيئ واحد فقط ، كيف للجن الوقوف جمبا لجنب الذئاب؟ و لأول مره منذ ولادته يشعر بالخوف.
________________
فارس : ايه ده كله ؟ احنا هنعمل بيات شتوى ولا ايه؟
وهج بصرامه: مش عاوزين نخرج من البيت، احنا مستهدفين فى وقت، لازم نبقى كلنا جنب بعض.
هز فارس رأسه وذهب للخارج، فنظرت نبيله الى وهج وقالت:
لا ملكه ملكه يعنى مش اى كلام.
ضحكت وهج فأشرق وجهها، فأطلقت نبيله صفيرا عاليا وقالت: اوعى وهج القمر ليحرقك.
ضحك الجميع لتقول حوا: نيلى انتى متأكده انك ملكه؟!!
نبيله بوجه عابس: تصدقى وتأمنى بمين يا حوا ؟
حوا : بالله.
مدت نبيله كفها لتصافح حوا وهى تقول : والعشره دول كان يوم مقندل يوم ما بقيت ملكه وكان يوم ماطلعتش ليه شمس لما جدى الله ينتقم منه ويحرقه فى نار جهنم لبسنا اللبسه السودا دى.
اتسعت عيون حوا بعدم استيعاب لتقول جميله: قصدها انها مش مرتاحه.
هنا لم تتمالك نبيله نفسها واطلقت ضحكه منغمه بصوت مرتفع مع دخول ادم وشهاب وامن ونوح وتميم ليقول شهاب ببساطه: كان نفسها تطلع رقاصه بس احنا رفضنا.
ادم بضيق : خف يا شهاب.
ما ان رأتهم نبيله واظهرت الخجل المصطنع وقالت:
أنت تقرأ
بنات ارض القمر (( الجزء الثاني))
Fantasyفنتازيا كوميدى ومغامره ، هتلاقى فى الجزء ده مغامرات جديده من نوعها 🤍 قرأه ممتعه
