بنات ارض القمر (( الجزء الثاني))

الفصل السادس

بنات ارض القمر
الجزء الثاني
الفصل السادس
بقلم سماح سمير شبل عطالله

يجلس شاب فى أواخر القرن الثانى وهو يكتب ويقول لنفسه:
يوووه نسيت اهم حاجه المايوه!
ثم أضاف ملابس السباحه إلى قائمته وظل يتذكر ما يحتاجه إلى السفر، لتظهر فتاه من العدم وتقول له برجاء :
ارجوك ما تتخضش انا مش هأذيك.
لينظر لها بصدمه ويحاول التحدث ولكن يسقط مغشياً عليه فتقول الفتاه بأرهاق:
انا غبيه.
ثم تجلس بجواره وتحاول أن تجعله يسترد وعيه، وعندما يسترد وعيه يصرخ بشده ويقف ويركض فى المنزل وهى تركض خلفه وتقول برجاء:
ارجوك اقف انا محتاجه لك مش عاوزه أذيك صدقنى.
توقف وأوصاله ترتعد وقال:
انصرفى لا تأذينا ولا نأذيكى، انصرفى ، انصرفى.
حاولت الاقتراب منه ولكنه ابتعد بسرعه واحتمى وراء مقعد وقال:
اوعى تقربى ، هفتح دماغك بالكرسى ده.
ثم أكمل بصوت باكى:
انتى مين يا ست انتى ؟
توقفت وقالت :
خلاص مش هقرب منك ، أخرج من ورا الكرسى واقعد وانا هفهمك.
خرج من خلف المقعد وجلس وجسده يرتعد من الخوف وقال:
امى ماتت ولسه العفاريت مش عاوزه تمشى!!
الفتاه بدموع:
صدقنى انا مش عاوزه أزيك انا عوزاك تساعدنى.
نظر لها بغضب وقال:
انا مش ساحر ، اللى كانت ممكن تساعدك ماتت عارفه يعنى ايه ماتت، ماتتتتتتتت.
فقالت له الفتاه:
وانت ابنها ومن حقك تاخد العهد من بعدها، ارجوك انا محتاجه المساعده.
مسح وجه بكفيه وقال:
وانا لا عاوز عهد ولا عاوز اى حاجه تربطنى بالجن والعفاريت ، انا ماصدقت أنها ماتت وقفلت الصفحه دى للأبد.
غضبت الفتاه وقالت:
انت الوحيد اللى ممكن تساعدنى وتصلح اللى امك عملته فيا ، ولو هتتخلى عنى هنتقم منك واخد حقى منك انت.
هو بغضب:
وانا مالى .
هى بغضب:
امك السبب فى اللى انا وصلت له وهى ماتت وانا ليا حق وانت ابنها الوحيد واكتر حد هتتعزب فى قبرها عليه لو حصله حاجه وبكده ابقى انتقمت منها فيك.
أطلق سبه بصوت هامس، ثم نظر لها وقال:
انتى ايه حكايتك؟ وازاى امى ازتك؟
سقطت دموعها وقالت:
من خمس سنين كنت بخرج من عالم الجن واجى للعالم بتاعكم ، كنت عاوزه اسلى نفسى ، وفى يوم دخلت البيت ده وشفتك قاعد فى اوضتك وبتبكى فضولى خلانى اقعد معاك فى الاوضه علشان اعرف بتعيط ليه بس لحظى النحس دخلت امك تتخانق معاك وشافتنى وفى ثوانى لقيت نفسى محبوسه فى اوضه تانيه كلها طلاسم وفضلت اسيره عند امك لغايه ما وقعت فى مشكله مع ساحر تانى اسمه جعفر وبعدها بكام يوم ماتت وقولت خلاص اتفك أسرى خصوصا انك محاولتش تاخد نفس عهد امك بس جعفر استولى عليا انا وكل خدمتها وبقيت تحت رحمته بقالى سنه بتعذب كل يوم وبعمل حجات عمرى ما عملتها لا لوحدى ولا حتى لما كنت فى خدمه امك.
نظر لها بشفقه وقال:
وانا اقدر اساعدك ازاى ؟
ابتهج وجها وقالت بسرعه:
تقدر تاخد عهد امك الصوفى وبعدها تلقائيا انا وكل خدمتها هنرجع لخدمتك تانى .
نظر لها برعب وقال:
ابقى زيها؟!!!! انا ماصدقت أن ربنا خدها.
قالت بترجى:
ارجوووك انا خلاص مش مستحمله عذاب اكتر من كده، تخيل أنه بيخطط يقتل عيله كامله من ضمنهم طفل لسه مكملش اسبوع, وبالكتير شهر واحد وينفذ ومش بعيد يأمرنى انا اللى اعمل كده.
نظر لها بصدمه وقال:
مين دول ؟ وليه عاوز يقتلهم؟
تلعثمت فى الحديث وقالت:
مش هينفع اقولك ،بس لو حررتنى منه هقولك كل حاجه.
قام من مكانه واقترب منها وقال بغيظ:
قولى هما مين لازم احزرهم.
قالت بحزر:
معرفش انا عارفه بيتهم وماينفعش اقولك أسراره وانا فى خدمته إنما لو رجعت لخدمتك ممكن اقولك.
ابتعد عنها مره اخرى وقال:
قولى لى اعمل ايه وانا هعمله.
ابتهجت وقالت…….
_____________
فى مدينه السحره.
استيقظت نرجس مفزوعه وقالت بلهفه:
توبه!!!
استيقظ انس و سليم فجأه ليبكى الصغير وتعانقه نرجس ويقترب منها انس بسرعه ويقول:
أهدى يا سليم ، خير يا نرجس؟
ربتت على ظهر سليم وأعطته لزوجها وقالت:
توبه تعبانه ، هلبس واروح لها.
نظر أنس إلى الشرفه ليقول:
احنا بليل قوى ، استنى الصبح نروح لها.
نرجس وهى ترتدى ملابسها بعجله:
لأ هنزل دلوقتى.
هز انس رأسه بنفاذ صبر وقال:
طب هلبس وانتى طلعى شال نلف بيه سليم.
وهم يرتدى ملابسه بسرعه حتى لا تتركه وترحل وحدها.
_______________
حضر أمراء و وزراء مملكه النور إلى ارض الجن واصطحبهم نجم إلى منزل جمر وبعد اجتماع طال لساعات ذهب نجم هو وفيروز ومارثا إلى ارض القمر، وذهب أمن إلى ارض الجن ومعه آدم و شهاب بعد إصرار ورد على ضيافه نبيله، وذهب سنمار وشفق أيضا إلى ارض الجن ومعهم شمس الذى حاول مرارا وتكرارا مع سيرينا أن تذهب معه ولكنها رفضت رفض تام أن تترك ورد وصوفيا و وهج بعد أن رحلت لالى مع ليو إلى منزلهم ، لم يبقى سوى حوا وزوجها يونس وجميله وزوجها معتز و تميم ونوح وبعد أن ذهب الجميع.
ورد :
انا هطلع احضر لكم العشا.
سيرينا :
جايه معاكى .
جميله:
وانا هاجى معاكم ، هعملكم بقى كيكه ايه تاكلو صوابعكم وراها.
الجميع فى صوت واحد.
انتى لأ.
نظرت لهم نبيله بصدمه وقالت:
هو فيه ايه؟
حوا:
فيه تلبك معوى ، تسمم ، موووووت من التسمم برضو .
كتم الجميع ضحكاتهم وقالت جميله بتذمر:
تصدقو خساره فيكم انى اتعب نفسى اصلا.
صوفيا بتعب:
حرام عليكى يا جميله انا نفسه وممكن اروح فيها.
قاسم:
اوعى تاكلى يا صوفيا يا حبيبتى .
معتز :
سيبك منهم يا قلبى اعملى انا الكيكه.
نظر له تميم بشمأزاز وقال:
ماتبقاش تجرى عليا علشان اعالجك من عك مراتك، انا هخرج وارجع كمان ساعه.
خرج تميم وترك جميله تنظر لمعتز بغيظ والآخر يحاول أن يخرج من هذا المغرز المقصود اكيد، فقال:
عيل حريقه يرمى الكدبه من دول ويجرى.
جميله بشك :
يعنى اللى قاله المسهوك محصلش!
معتز :
اخص عليكى يا جميله ، ما تقول حاجه يا يونس.
يونس بأرهاق:
حاجه.
ضحكت الفتيات وقالت حوا:
يالا نطلع كلنا ونسيب الرجاله مع بعض شويه، اهو يشمو نفسهم.
صعد جميع الفتيات وقالت وهج:
اقعدى انتى بأبنك فى الصاله لغايه ما نخلص.
صوفيا بتعب:
ماشى .
دخل الجميع المطبخ فأتجهت وهج إلى الموقد وقالت:
انا هسخن لصوفيا العشا بتاعها علشان تاكل وتطلع ترتاح فى اوضتها.
نظرت لها نبيله بحنان وقالت:
انتى اختها يا وهج صح!
ضحك الجميع وقالت سيرينا:
لا ، دى اخت جدت جوزها.
ثم انفجر الجميع فى الضحك بعد أن نظرت لهم نبيله بصدمه فقالت لها ورد:
ناكل وهحكيلك الحكايه من اولها.
نبيله :
موافقه.
________
كان يسير حول المنزل حتى لاحظ سيدتان ورجل يحمل حقائب كثيره فتقدم نحوه وقال:
عنك انت .
الرجل :
شكرا مش عاوز اتعبك.
تميم :
الجيران لبعضها انا هنا فى زياره لولاد عمى .
أعطاه اشرف إحدى الحقائب وقال:
مش عارف اشكرك ازاي .
تميم وهو يأخد الحقائب الأخرى من يده ويحملها بسهوله ويقول:
يا راجل هات .
وادخلهم أمام اشرف الذى قال بأنبهار:
انت اكيد بتشيل حديد ، صح!
تميم:
دول ولا حاجه فى اللى انا بشيله.
أفسح له اشرف الطريق وقال:
ادخلى يا امى انتى وكريمه حضرو حاجه نضايف بيها…
ثم التفت إلى تميم وقال:
اسم الكريم ايه ؟ ما اتشرفناش.
تميم :
انا تميم وانت ؟
اشرف :
عاشت الاسامي يا استاذ تميم ، انا اخوك اشرف .
وضع تميم الحقائب وجلس مع اشرف الذى أصر أن يضايف تميم وقال:
تشرب ايه بقى؟
تميم :
الجماعه شكلهم جايين من سفر مش عاوز اتعبهم .
اشرف :
تعبك راحه ، قول بس .
تميم :
شاى أو قهوه اللى موجود.
اشرف:
قهوتك ايه؟
تميم :
مظبوطه.
اشرف بصوت مرتفع:
قهوه مظبوطه يا كريمه.
تميم :
هو انت ساكن هنا جديد؟
اشرف:
اه والمفروض كنت اجيب مراتى وأمى كمان يومين.
ضحك اشرف وأكمل:
بس ما صدقوا انى قولت لهم انى خلاص أجرت الڤيلا دى ولقتهم بيكلمونى قبل ما الطياره تطلع، اصل احنا من اسوان اصلا.
تميم :
ياه اسوان ! وانت شغلك هنا اكيد.
اشرف :
اه شركه السياحه المقر بتاعها هنا فى القاهره .
تميم :
انت مرشد سياحي ؟
اشرف :
شغلى اه إنما أنا باحث اثار، بس لازم اشتغل وحاليا بعمل دكتوراه فى علم المصريات.
تميم :
ماشاء الله تبارك الله ربنا يوفقك يا اشرف.
أتت السيده الكبيره وهى تحمل القهوه ليقفز اشرف وتميم فجأه ليحملون عنها صنيه القهوه ، ابتسمت السيده وقالت:
والله ابدا ما حد ياخدها.
تميم :
تسلم ايدك يا امى .
ابتسمت السيده وقالت:
تسلم من كل رضىِ يا بنى.
ثم غادرت وطلب تميم من اشرف أن يحتسو القهوه فى الحديقه ليرحب الاخر ويجلس تميم فى زاويه تجعل منزل جمر أمامه مباشرتاً ، وظل يتحدثون حتى استأذن تميم من اشرف و ودعه مع وعد منه بلقاء قريب
______________
كانت توبه تشعر بالألم ولا تستطيع التحمل وعندما رأتها نرجس قالت :
حالا يا مالك توديها المستشفى ، توبه بتولد.
مالك برعب:
تولد ايه !! دى فى اخر السابع!!
چيدا بدموع :
يالا يا مالك مافيش وقت انت مش شايف بتتعزب ازاى.
انس :
شيل مراتك وانا هاجى معاك .
حمل مالك توبه التى تبكى بصمت وهى تجز على أسنانها وركض هو وأنس فقالت چيدا بدموع:
ازاى هنسيبها لوحدها فى الحاله دى!؟
نرجس بحزن:
ما فيش فى ايدينا حاجه نعملها ، هى هتولد وهيرجعو هنا علشان ناخد بالنا منها.
ما أن انتهت نرجس من الحديث ودخل الحارس يقول:
مولاتى الاميره تينا فى الخارج.
ركضت نرجس و چيدا إلى الخارج وعانقو تينا التى قالت بمرح:
وحشتوني يابنات .
چيدا :
وانتى اكتر يا تينا.
نرجس :
حمدالله على سلامتك يا تينا.
تينا :
ايه ده ، انتو كنتو بتعيطو!!!
چيدا :
تعالى ندخل ونتكلم جوا .
جلست تينا والقلق يقتات عليها وهى ترى نرجس وچيدا صامتين فقالت:
ما تنجزى انتى وهى ، انا شامه ريحه مصيبه.
چيدا بدموع:
مصائب.
___________
يقف أمام باب الغرفه المغلقه من سنه ويده لا تطاوعه على فتحها ، ظل يبتعد تاره ويقترب تاره أخرى وفجأه فتح الباب ليصدر أزيز جعل الدماء تجف فى عروقه ، ابتلع لعابه وأخذ شهيق طويل ثم دخل الغرفه وهو يحاول ضبط أنفاسه وعندما نظر حوله سقطت دموعه وتذكر مشاهد من طفولته عندما كان صغير يريد اللعب ودخل إلى هذه الغرفه وظهر له رجل ضخم طويل وله قرن واحد فى منتصف رأسه ومقيد بسلاسل متوهجه وكأنها خارجه من الجحيم لتوها، صدمه جعلته ينظر إلى رأس هذا الرجل وعندما صرخ الرجل فى وجهه نظر إلى قدمه الواحده زات القدم الضخم والحوافر الكبيره ليسقط على الأرض مغشيا عليه ويظل طريح الفراش لمده لا يعلمها حتى الآن كل ما يتذكره أن والده مات وهو مريض وعندما تعافى أصطحبته والدته إلى المقابر ومعها خاله الذى ظل يعنفها ويقول لها :
كله منك ومن عمايلك السودا قتلتى جوزك وكنتى هتقتلى ابنك.
ومن وقتها حتى فارقت روحها الحياه لم تنمحى من ذاكرته أن والدته تسببت فى مقتل والده، آفاق من شروده ومسح دموعه بعنف ثم اقترب من المكتبه الضخمه التى تأخذ الحيز الأكبر من الغرفه وظل يبحث عن كتاب العهد الصوفى لمده ساعتان حتى وجد ضالته اخيرا، وما أن بدأ بقرأه العهد وظهر له شيخ كبير وقال:
___________
بقلم سماح سمير شبل عطالله

كانت تستمع لهم وهى تنظر بصدمه ما مرت به هى واولاد وبنات الخال والخاله لم يكن شئ أمام ما مرت به ورد وعائلتها واصدقائها، فقالت بصدمه:
وانا اللى بقول انى شوفت انا وعيال خالى وخالتى اللى ماحدش شافه!!!!
سيرينا بحب:
شوفنا كتير وخسرنا واحده مننا بس ربنا عوضنا بحب وترابط ممكن بيه نقف فى وش المصايب واحنا بنضحك وعارفين أننا سند وعون لبعض.
وهج بحنان:
الحب مش ضرورى يبقى بين طرفين بس ، احنا كلنا عيله واحده وحتى لالى حبها وحنانها واهتمامها مغرقنا كلنا.
نبيله:
الدبه!!
ضحك الجميع فقالت:
يا لهوى انا قولت انى وقعت فى عالم دزينى المره دى.
سيرينا:
ايه عالم ديزنى ده يا نبيله؟؟؟!
نبيله بغضب:
أسمى نيلى .
ضحك الجميع فقالت حوا:
حاسه ، لا مش احساس انا متأكده انك مسخره زى جميله و نوليا و ورد وسيرينا .
نبيله بمرح:
مسخره طول ما انتو بتقولو لى نيلى إنما اللى هسمعها تقول نبيله دى هولع فيها حيه وتقعد تتنطتت كده اكنها سمكه صاحيه على الشوايه.
نظرت جميله لها بصدمه وقالت:
وه !! وعندك كمان ميول اجراميه!! انتى برج العقرب يا نيلى صح؟!!
نبيله :
اه ، مين قالك؟!!
ضحكت ورد وسيرينا وقالو فى نفس الوقت :
احنا كمان عقرب .
نبيله بمرح وهى تخبط كفها بكف ورد وسيرينا:
يا ولاد الزيزه ، بصره.
جميله :
وانا وحوا على فكره.
نبيله:
انتى اصدقك إنما فاتن حمامه دى لأ.
جميله :
لأ ما يغركيش هدوء حوا دى وقت الحرب بتبقى ولا هتلر الله يمسيه بالخير .
ضحكت وهج وقالت:
انا وصوفيا برج الحوت وعلشان كده هاديين.
جميله :
صح ، مش عمرو دياب غنى لبرج الحوت ، أصله كان متجوز دينا الشربينى بس خلاص طلقها .
وهج :
مين عمرو دياب ومين دينا الشربيني ؟
مصمصت جميله شفايفها وقالت:
نسيت انك مش من هنا يا وهج بس البت صوفيا لما تصحى هتعرف انا بتكلم عن ايه.
نبيله:
دينا الشربيني ايه يا بنتى ده متجوز واحده سعوديه.
جميله :
لأ ماهو باين هيسيبها ويتجوز دينا.
ظلت الفتيات تثرثر فى غرفه ورد والرجال فى الغرفه السفليه يدرسون ما عليهم فعله
_____
يتبع
أن شاء الله الفصل السابع هينزل يوم الجمعه وكده بقى معادنا الاتنين والجمعه من كل أسبوع
قرأه ممتعه 🤍
وياريت الناس اللى بتقرأ فى صمت تكون مبسوطه وانا مقموصه كده 🙄