رابونزل بعد زواجها من يوچين وتخليصها من لعنة الساحرة الشريرة اللي كانت فاكرة إنها فعلاً أتخلصت منها للأبد زي ما كلنا صدقنا موتها وانتهاء اسطورتها.. لكن الحقيقة طلعت غير كده نهائي؟؟!
ركزوا كده في الصورة دي كويس أوي.
الصورة دي من حفل زفاف الأميرة إليسا اللي حضره كل أميرات ديزني بأزواجهم.
لكن رابونزل هتتبعها اللعنة المرادي في هيئة يوچين جوزها ؟؟!
هتروح الحفلة ووسط الزحمة هيتخدر يوچين في مكان بعيد وهترجع الساحرة تتخفى في شخصيته وتخطفها من جديد لكن المرادي مش هتوديها البرج لأ.
لأن ده أول مكان هيبحثوا عنها فيه بعد الاختفاء. الساحرة الشريرة هتحبسها في سجن تحت الأرض بيحرسه أمير جان اسمه "ماشير" وده هيقع في حب رابونزل بشكل جنوني.
للدرجة اللي هتوصله أنه يتخلص من الساحرة الشريرة نهائي ولما رابونزل تصمم أنها وفية وبتحب زوجها يوچين هيتسلل للقصر عشان ينتقم منه.
لكن الصدمة أن اللي هتكتشف وجود الجن في القصر هي الحرباية بتاعتها واللي بعد عشرة طويلة مع يوچين بقا قادر يفهمها زي رابونزل بالظبط.
الجن هيتخفى في هيئة انثى جميلة تدعي أنها صاحبة رابونزل وبتبحث عنها وتستغل غياب رابونزل عشان تخلي يوچين يخونها ويفرجها ده من خلال الخاتم السحري اللي وعدها أنها هتشوف منه الحقيقة.
وللأسف يوچين هيصدقها ويبدأ يغرم بيها لكن على أخر لحظة الحرباية هتكشفله الحقيقة من خلال أنها هتدخل جوه فستانها وتتسلسل على شعرها وتكشفله أنها مجرد باروكة ومش إنسانة حقيقية.
ولما الجن يقتنع بحب يوچين الحقيقي هيعترف بالحقيقة ويرجعها للقصر من تاني وهو حزين أنه مقدرش يتحب زي يوچين منها.
لكن رابونزل خلال فترة وجودها في السجن اللي تحت الأرض هتكون اتعرفت على الملكة "سيارا" اللي ظهرتلها لأنها غيرانة أن الملك "ماشير" حبها ومحبهاش وأنها بتحبه من طرف واحد من الآلاف السنين لكن مش قادرة تعترفله.
ولما يعفي عنها هتعترفله أن "سيارا" بتحبه بجنون ويحاول يديها فرصة لأن قلبها يستحق.
وهترجع لزوجها يوچين الوفي اللي برغم قوة السحر كان بيقاوم مشاعره ومنتظر عودتها.
وده اسكربت من وحي خيالي لأني مغرمة بيهم✍️✨
گ/شهيرة عبد الحميد.
