البارت الأول
الكاتبة دنيا
🖤🖤🖤🖤🖤🖤🖤🖤🖤🖤🖤🖤🖤🖤
.. طلعت اركض على صوت الخط ياربي والله عيب نوب الرجال ميحجي شي
.. السلام عليكم
.. وعليكم السلام.
.. كعدت بمكاني وطلعنا نجيب صديقتي زينب قريبة على بيتنا لكيتها واكفه بالباب ياربي هاي راح تجلطني هسه ابو الخط شيكول عليه
.. صعدت وعيونها رايحة مبينة تضحك بس مااشوفها من النقاب
.. السلام عليكم
.. وعليكم السلام كعدت يمي وهيه تحجي
.. جبت الكتاب ووصيت على كتب دينية أقرأهن وادزهن الج تقريهن حتى نحطهن بالحوزة
.. ابتسمت الها واني اسولف على كيفي
.. حياتي شلون لو انتي بيها
.. منورة بكل حالاتج بس لو تلبسين نقاب بياضج يجذب النظر صدكيني من اشوفج بالحجاب الأسود النازل على حواجبج لا إرادية اكول سبحان الله
.. والله زينب مو عنادة لكن اني مامتقبلة هاي الفكرة مال النقاب ولازم من البسة اكون مستعدة مو مثل هسه البسة واطلع اديني ميصير هيج حتى تخرب السمعة مال النقاب
..ماراح احجي اكثر واضغط عليج حفظتي الامتحان الاستاذة تشرج على الحبل اذا مااخذتي درجة زينه
.. لا لا البارحة مو راجعنه اني وياج حفظتة كلش زين يارب يجي نفس الي قرينا
.. يجي يجي البارحة دعيت من كل گلبي يتسهلج الإمتحان
.. صعدت ريحانة وكعدت بصفنا
. بنااات كلشي ما حافظة شلوووون
.. اهوووو ريحانة من شفتج وشفتيني ما حافظة
.. اسكتي والله الصبح اعزل بالبيت واطبخ وابجي لأن ماالي وقت ادرس
.. تحجي من وره النقاب حتى عيونها ما طالعه .. انتي لو بس تنتبهين الدروسج وتعوفين عيالج الي مستغليج احنه بخير بس عندهم اربع بنات وانتي تسوين غدة الله واكبر شنو من ظلم
.. ولج اني مامصدكة تسجلت بس احجي يبطلني عصام خليني اخدم واتعلم بنفس الوقت
.. ماعندي شي هسع ادرسج وافهمج نص والباقي من نوصل عدنا هواي وقت
.. شوفو شلون بأستعجالي نسيت اعرفكم على نفسي فاطمة الزهراء وعمري 20 هاي سنة الاولى الي بالحوزة كملت نصها وكلها من اول يوم أمتحان لكن فاطمة ماكو شي يصعب عليها بأسلوبي واجتماعيتي كدرت اصادق بنات هواي لكن الاقرب القلبي زينب وريحانة وعذراء منفترك ابد ودائما نراجع سوه الوحيدة من صديقاتي الي دائما اخذ ربع الدرجة مو السبب ماادرس
لكن مااكدر افتح كتاب كدام اهلي يضلون يحجون وعلى كولة رياحين يبطلوني من الصبح يادوب اشغل الگلوب من ينامون واقره قليل لكن بفضل سجاجتنة وصديقتي الحبوبة زينب
