نظرة لك

البارت الرابع

#نظرة_لك
الكاتبة دنيا

كُنا قد تعاهدنا على السَّيرِ رِفقةً
فمالي أرى الدروبَ اليوم ولا أراك!

🖤🖤🖤🖤🖤🖤🖤🖤🖤🖤🖤🖤🖤🖤

فاطمة الزهراء

.. صفنت عليها شجاوبها هسه هاي

.. يمه لشوكت هيج

.. التفت علي جان وراي عفتهم ومشيت واني متسممة منها والله بنات لو تشوفن شكد انقهر من عندها بس اكول احترمها واجب

.. اكيد واجب انتي عاملي الناس بأخلاقج معليج بأخلاقهم ولا تصرفاتهم  متدرين شكد الج اجر اذا صدك بقى ملتزم غيث شويه شويه وشوفي التغير الصلاة تغير النفوس وتهديها والله يترك كلشي لأن يفكر اذا سوه هالشي متنقبل صلاته

.. الله يهدي الي شريد من عنده اني

.. خلصت مشاكلجن

.. اي والله من احجيلجن احس بأرتياح مااعرف ليش صرت جزء مني

.. واحنه واذا متحجين كوه نجبرج لأن نعرفج تجفصين بالسالفه

.. اني راح اكوم اروح ازور بهاي الفترة وارجع، گلبي ميت على الزيارة وعصام فدنوب اذا صارلي عارض بالطريق يكلي شعندج متأخرة

.. حقة يخاف عليج حبيبتي وزيارة مقبولة اني  العصر الوالد والوالدة كالو نجي واتفقت وياهم اضل انتظرهم

.. تمام

.. طلعت رياحين واحنه بقينه وحدنه
ساعة تقريبا  ورجعت دخلنه حصتنا ورما خلصنه طلعنا جان اكو صيانه لذالك الخط ماكدر يدخللنا
طلعنا نتمشى سريع حتى مينتظرنا جان الممر متروس سادة وشيوخ رغم احنه حتى كفوف والي ملابسه كفوف عبايتها مغطيه اديها بس حسينا نفسنا نكرة يمهم كلهم يمشون غاضين البصر وماكو شخص ما لازم بيدة كتاب او واكف يتناقش ويا الثاني

طلعنا من الممرر شفت سيارتنا 

.. هذااااك الخط حجيتها واني اأشر نسيت نفسي صارت عيني بعين رجل باوعلي وصفن عليه كأن مشبه عليه واني هم كلت اخاف يعرفني لأن خوالي حوزويين  بس اني الاعرفه السيد يلبس عمامة سوودة والشيخ عمامة بيضة وهذا سيد ف استغربت كلش  وصلنه قريب يمه دنك راسه  بسرعة وجان لابس عمامة سودة  صادفت ايدي صارت علي ياربي اخاف عباله نحجي علي
. هوه ابو الخط متوقف يمهم وواكف يسولف وياهم لذالك أشرت

.. بناات هسه شيكول والله عيب

.. لا حبيبتي معليج قابل متقصدة الله يعرف بالنيات
وانتي ما سويتي شي غلط

.. كعدت يم الشباك واني احس مرتكبة غلط مااعرف تصرفي لو نظرتة اربكتني وضل بالي يمهن أعوذ بالله من الشيطان الرجيم بطلي سوالفج وخيالاتج اعوذ بالله استغفر الله العظيم واتوب اليه