البارت 2
#الكاتبة_دنيا
#نظرة_لك
🖤🖤🖤🖤🖤🖤🖤🖤🖤🖤🖤🖤🖤🖤
عذراء؛
رجعت للبيت ودخلت لكيت مرت عمي تسوي سمج بره وامي تغسل ملابس سلمت عليهن ودخلت لجوه كبل ركض الغرفتي بدلت وطلعت واني ألف شاليي تجددت ورحت اصلي خلصت صلاتي وجريت موبايلي اشوف بلكت زينب مراسلتني لكيتها دازتلي ادعية وزيارة عاشوراء بديت اقره بيها
زينب؛ اذا ردتي حاجة وكانت مستعصية كلش صلي صلاة أمير المؤمنين
اربع ركع كل ركعة تقرين ما تشائين من السور وخمسين مره سورة الإخلاص
صليها بنية صلاح غيث وبعدها احجي ويا
.. واني ما كذبت خبر كمت اصليها ومنا لمن خلصت كان حيلي مهدود وعظامي تطكطك تطكطك من التعب فعلا تعبت يا أمير المؤمنين ياعلي ادركني وخلصني من الخطيئة الوحيدة الي بحياتي
فاطمة الزهراء؛
.. رجعت للبيت واني متكسرة واحس بأنجاز واني مجاوبة على الاسألة سلمت على الكل بأبتسامة ودخلت للغرفة واني اشوف الهوسة تعم المكان والكتب والاوراق متروسة الغرفة اطفر تطفر يلا وصلت للكنتور بدلت ورفعت شعري ودنكت للكتب كلها لميتها وسفطتها بالمكتبة مالتي
.. ردت اطلع وصارت عيني الموبايل
يرن
.. رجعت اله
رياحين
.. الو ها حبي
.. حجيت على عذراء وشورت بيه نسيت شنو كالت وره زيارة عاشوراء شنقره
.. نسبح تسبيحات الزهراء عليها السلام ونستغفر
.. ايي رحم الله والديج همزين يلا اروح اصلي حتى انزل احظر غدة عصام راح يرجع
.. سديتة منها وطلعت تجددت
.. فاتحة الكتاب واقره بي وندك الباب بقوة ونفتح حتى كبل ما انطق
.. فاطمة حوزة يصير اجي يمج اكعد محد يخليني اسمع المحاظرة
.. صدق الله العلي العظيم اي تفضلي بس لو تبطلين سوالفج مال المزعطة ثاني مرحلة كلية وين بعد تصيرين
.. اهووو لو تسكتين لو اكوم ارجعي اقري وخلصيني
.. سكتت عنها ورجعت اقره لمن خلصت نزعت النظارات وحطيتهن هيه والكتاب على الميز كعدت وفتحت لابتوبي وكعدت ابحث عن موضوع العقيدة التشريعية الي انطتنيا استاذة مرفت.
اباوع للكتابة شكد ما عيوني كبار وكلها تحجي بيهن اهلي وصديقاتي لكن تعبانات من ناحية النظر وممراجعة طبيب بيهن للساعة بالاربعة دخت عفت كلشي وكمت من مكاني طلعت بره البيت خالي ما شا الله
.. ولا مره بحياتي شفت البيت خالي دائما مزدحم بالخطار فتحت الفرن وجان ماعوني مضموم وطاسة مركة ويا ابتسمت على سوالف امي الي مخليتلي لحمة جبيرة
