النجاة من عالمهم

المغامرة

السلام عليكم
انا رعد عمري ٣٤ سنة وحيد امي وابوي كان عندي اخت اسمها سارة واخ اسمه عبدالله بس ماتوا بحادث سيارة الله يرحمهم
انا اشتغل في الطيران احب اطير واستكشف اماكن الغامضة مناطق المجهولة بطيارتي
بعطيك نبذة عن اخوي واختي
"اختي سارة" كانت دايم تحب تشوف مسلسلات وافلام عن الطيران كانت تقولي اتمنى تصير طيار وتسفرنا كانت دايم تتكلم عن الطيران ومجال الطيران وتعلمني بعض النصايح والاشخاص اللي لهم اثر كبير ف الطيران وكان حلمها الاولى اني اصير طيار وبفضل من الله اليوم انا طيار وحققت حلم اختي مامر فتره الا واسمع خبر وفاتها هي واخوي وكانت هذي اول صدمة لي
"واخوي عبدالله "شخص مزعج ف البيت ومسبب مصايب كثيره ودايم يسوي مشاكل و وضعه غريب شوي بسبب صحبة السيئة اللي معاه معلينا الصراحة احب شخصيته دايم يظهر هو القوي بس ما ابين له اني منعجب بشخصيته
بعض المرات لما يسوى مشاكل امي دايم تقولي روح تفاهم معه وانصحه
للامانه اشجعه يكمل بذا الشي طبعا اشياء اللي يسويها ماهي مصايب اللي ممكن يورط نفسه بالسجن لا لا دايم يظهر نفسه قوي عند اخوياه ومهجدهم اخوياه دايم يكلمون ابوه عن تصرفاته السيئه معنا
انا شخصياً مريت بظروف صعبه حكم اني وحيد العائلة كان ابوي دايم يشم ريحة عبدالله فيني وامي دايم تقول عقليتك نفس عقليه سارة ودايم امي تنصحني اذا جيت اطلع برا البيت تقول لا تسرع ولا تسوي نفس اخوك عبدالله راحوا الاثنين باقي انت وانت الحين اخذت ريحة عبدالله وعقليتك مشابهه للسارة ف تكفى انتبه لعمرك ولا تتمشكل مع احد ماني ناقصه اخسرك ودايم احلم في اخوانك والحمدلله يطلعون لي انهم مبسوطين بس انت تكفى انتبه لعمرك
يادنيتي انتي ابشري ان شاء الله انتي بس هدي من نفسك ولاتشيلين همي ابد بطمنك علي كل ماوقفت السيارة يالله يادنيتي تبين شي؟
سلامة عمرك استودعتك الله
سالت امي اذا تبي شي قالت لا سلامتك بس ماقلت لي وين بتروح؟
قلت بروح الاستراحة بغير جو شوي مع الشباب قالت انتبه لنفسك وبحفظ الرحمن
ان شاءالله ابشري
وصلت للاستراحة واخذت لابتوب وقعدت اشيك زي عادتي احب استكشف واشوف اماكن ولا كلمني "خالد" خويي بعرفكم علي
"خالد" شخص اجتماعي يحب يسولف مع الجميع الصغير والكبير لو تجيب واحد مايعرفه على طول يشبك معه المهم "خالد" قالي يا "رعد" اعرف لك مكان يحبه قلبك بس انت قل تم ونروح سوا مين يخاوي ياعيال؟
رد "عبدالكريم " بعرفكم على "عبدالكريم" شخص هاديء ماتسمع حسه واذا شفناه رافع صوته او معصبه اعرف ان موضوع قوي ونادر يصير كذا ولا مايصدق قصص الراب اللي نقولها له المهم عبدالكريم قال انا بخاويكم "خالد" ممتاز ها ياشباب مين يخاوي معنا محد رد قلت شف يا"رعد" انت جهز الطيارة حقتك وابد ازهلني بالمكان بس نجهز العدة انا و"عبدالكريم " وبعدها نتوكل على الله
بس يا"خالد" كيف بنطير وانا ماعرف عن المكان يا"رعد" معليك انا بعطيك الموقع والإحداثيات وخلاص واذا وصلنا بتعرف كلشي مع الوقت بتفهم
في شي ماعلمتكم عليه اني انا و"وخالد" متهاوشين مع بعض بس محد يدري من العيال المشكلة كانت سوء فهم من "خالد"
ولا توقعت ان خالد قال وش رايك نطير بطيارتك ف مشيت معه لعل وعسى ان ننسى اللي صار ونبدا صفحة جديدة ولكن؟
اتصلت على خالد اكثر من مره مايرد شسالفه اشوفه يسولف بالقروب
ويتجاهلني شي غريب امس متفقين واليوم يتجاهل مكالمتي ماعطيت اهميه للموضوع اتصد "عبدالكريم " علي وقال يا"رعد"وينك فيه؟
قلت ولله منشغل مع الوالدة ليه عسى ماشر لا ابد بس كنت بطلع معك وبكلمك بموضوع قلت اي موضوع ويخص بمين قال يخص "بخالد"
ليه فيه شي؟ قال لا لا ابد مافيه الا العافيه خلاص اذا فضيت دق علي ونتقابل بالكافي خلاص زين ، خلصت الوالدة من ودقيت على "عبدالكريم"
قلت فاضي قال اي فاضي للاستراحة فاضيه مافي احد والعيال راحوا
خلاص تمام
وصلت للاستراحة قلت عسى خير فيكم شي؟
قال لا ابد امورنا طيبه بس بقولك موضوع ولا تعلم احد يخص "بخالد"
قلت شف لا تتكلم عن العيال من وراهم تعرفني ماحب الامور ذي
قال ادري فيك وعارفك بس اللي ماتدري عنه ان "خالد" ناوي يسوي شي
قلت كيف ومتى وشلون عرفت؟ قال انا علمتك وانتبه منه تذكر يوم قالنا عن المكان اللي بنروح له بطيارتك؟
قلت اي قال ترا قبلها كان يكلم شخص ويعلمه عن موقع معين ف انتبه وادري انكم متهاوشين واضح ترا قلت شلون عرفت؟
واضح من اسلوبكم ماتبون احد يعرف المهم انا قلت اللي عندي وانتبه منه
لا يارجال معليك "خالد" اعرفه كويس حتى لو بينا مشاكل ماتوقع بيحقد ويبي يسوي مشكلة
يوم الثاني صحيت وانا مفجوع بسم الله الرحمن الرحيم وشذا الحلم المرعب خلني اغسل وجهي واسمي بالله
واتصل على "ريان" بعرفكم على "ريان "
"ريان"شخص محبوب والكل يحبه ماتحلى الجلسه الا بوجوده وسيع صدو ويحب يضحك والابتسامة ماتفارقه
الو "ريان" وينك فيه؟
قال بالبيت ليه
قلت ابيك ضروري تعال لبيتي ، خلاص شوي بجيك بعد المغرب
الو"رعد" هلا انزل انا تحت يالله جيتك
"رعد" زارتنا البركة معز نشوفك
"ريان" والله ظروف مع الاهل وتعرف  مسؤولية الأخوان
"رعد" يا"ريان" ماودك تجي معنا بالرحلة ترا والله الرحلة بتفوتك اشياء + معروف انت اللي تحلي المكان تعال معنا كلها يومين وراجعين ان شاءالله
قال ودي والله اجي معكم ونغير جو تدري خلاص بجي معكم "ريان" بقولك شي هلا سم امر
والله اليوم حلمت حلم يخوف الصراحة وقمت من النوم وانا مفجوع بسم الله
بسم الله عليك يا"رعد" ترا كلها احلام ليه شايل همها
بعلمك ليه شايل همها
تخيل معي بداية الحلم كنت واقف انا و٤ اشخاص عند طيارتي
كنا بمكان جميل كلها أشجار و ورود وقدامنا في جبل والجبل وشكله جميل ماشاءالله تبارك الرحمن بس كلما نمشي خطوتين نسمع اصوات غريبه شوي كنا نمشي مع بعض ونسولف ونضحك وفي صوت من ورا لفينا مافي احد ولما شفنا جهة الجبل تغير المكان ١٨٠ درجة وين الاشجار وين الورود تخيل معي ان الاشجار في جثث معلق كانهم منتحرين مشينا شوي ولا نسمع اصوات ناس كثار ورحنا جهة الصوت لقينا ناس كثار واشكالهم غريب ناس طوال ناس قصار وناس بدون راس !
ولقيت في شخصين واقفين قدام بعض وواضح كانت محاوره بينهم
وحنا نراقب من بعيد شافتنا وحده وصارخت من القوة الصرخة اقشعر بدني والكل سكت ومن قوة الصوت تحس ان كل اللي ف المدينة سمعوها ومن القوة الصوت كأن قلبك ينشلع من مكانه وحاولنا نهرب وفجاءه
صرنا بالنص وكانوا محوطينا ولا نقدر نهرب كانو يسحبونا واحد واحد وواضح كانو متقصديني اني اشوف اللي معي يموتون بطريقة بشعه كل واحد يموت بطريقة مقززه ومرعبه لما شفت خويي اخذوه قال
تكفى يا"رعد" لاتخليهم يذبحوني يا"رعد" تكفى يا ماقال اسمي ومات بلحظتها وقمت من النوم
طيب يا"رعد" المكان وش كانه؟
مكان غريب تحس نفسك وسط بركان كل شي احمر و النار بكل مكان
طيب اشكالهم اللي اخذوا اخوياك شفتهم؟
اشكالهم مرعبه ومخيفه وماقدر اوصف لك اشكالهم يعني لو بوصف لك الوصف بس مرعب فما بالك لو شفتهم
يا"رعد" تعوذ من ابليس ترا كلها احلام وان شاءالله مايصير الا كل خير لا تشيل هم
اعوذ بالله من الشيطان الرجيم ان شاء الله مايصير الا كل خير اي اقولك بالله دق على"خالد"
قال ليه قلت بس دق عليه وكلمه ع اساس انك تبيه وتبي تطلع معه اليوم
قال طيب
الو"ريان"
هلا"خالد"
"خالد" شلونك وين الناس معد نشوفك ولا شي
"ريان" ابد والله منشغل مع الاهل تعرف انا الكبير
"خالد" عساك ع القوة بس عطنا من وقتك شوي وبعدين ليه داق تبي شي اهلك فيهم شي؟
"ريان" ابشر ابشر لا الحمدلله كلهم طيبين كنت بقولك فاضي اليوم انت؟
"خالد" اي فاضي
"ريان" لحظة يا"خالد" "رعد" اسمعني وش اقوله ؟
"رعد" قله نتقابل انا وياك بالكافي
"ريان"اي رجعت لك يا"خالد" خلاص نتقابل بالكافي زين؟
"خالد" خلاص زين اقابلك هناك ان شاء الله
"رعد"غريبه
"ريان" ليه شسالفه
"رعد" تدري اليوم اتصلت عليه ممكن ٤ مرات ولا رد
"ريان" ياساتر جرب دق عليه الحين
"رعد" بدق الحين ،الو"خالد"
"خالد"هلا والله وسهلا يالله حيه
"رعد" ياهلا فيك وينك اليوم ماترد
"خالد"والله انشغلت
"رعد" عطنا من وقتك شوي ياهو
"خالد" اي هلا امر شبغيت؟
"رعد" مايامر عليك عدوا ترا كلمت "ريان"وبجي ان شاء الله معنا
"خالد" والله؟ حلو ممتاز يعني انا وانت "وعبدالكريم ، وريان" ممتازين
طيب شف عندي واحد يبي يجي اسمه عبدالملك شرايك نجيبه وترا جوه بطل
نعرفكم ع عبدالملك شخص عنده فضول ب اشياء ما وراء الطبيعة ولا يصدق كلامك الا لما عيونه تشوف ويحب اشياء المرعبه
"رعد" حياه الله خله يجي وبتكون سفرة ممتعه ان شاء الله ومنها نتعرف على الرجال
"خالد" خلاص ممتاز ان شاءالله والحمدلله انك وافقت انه يجي
وكذا اكتمل فريق الرحلة مكونه من ٥ اشخاص
"رعد - خالد - ريان - عبدالكريم - عبدالملك"
ننتقل الى شخصية خالد
الحين قاعد افكر بشغله معينه وودي اني انفذها بس حالياً صعبه خلني اتصل على" راكان" خلوني اعرفكم ع راكان
شخص يحب يدور حرش مايرتاح الا لما يتهاوش مع واحد او اثنين باليوم شخص عنيد ويسوي اللي براسه
الو "راكان"
"راكان" هلا وسهلا "خالد"
"خالد" وينك
"راكان" والله ابد في البر
"خالد" افا وساحبين علي تعرفني انا احب البر
"راكان" لا لا مو مع العيال مع الاهل
"خالد" اي زين زين خلاص بكلمك وقت ثاني
"راكان" زين فمان الله
"خالد" لاتقفل ابي اقولك شي
"راكان" هلا فيك شي؟
"خالد" تذكر ذاك المكان اللي رحنا له انا وياك مكتبة اللي فيها كتب غريبه؟
"راكان" اي اذكرها
"خالد" تعرف اسمها؟
"راكان" مكتبة حياة بلا عودة
"خالد" ايوه بسسس جزاك الله خير ياخي اسمها غريب
"راكان" اللهم امين وياك اي غريب
"خالد" اعذرني طولت عليك
"راكان" لا ابد اذا فضيت كلمتك
"خالد" زين يالله فمان الله
"راكان" فمان الكريم
لازم اخطط ليوم اروح المكتبة الحياة بلا عودة باسجلها بجوالي عشان افضل
نرجع نتكلم بشخصية رعد
الو "خالد"
"خالد" هلا "رعد"
اسمعني ابيك تعرفني على "عبدالملك" ماينفع نطير بالجوا وانا ماعرف الرجال
"خالد" خلاص متى فاضي انت؟
"رعد" بكره تعالوا
"خالد" ان شاءالله يارفيقي
بعد ماسكرت الجوال رجعت ل غرفتي شفت نفسي فاضي قلت افتح لابتوب وابي اشوف اماكن اثرية موجوده عندنا
طلعت لي قرية اسمها "ام قمرة" القرية هذي شدتني والاسم بعد ليه سموها بذا الاسم في قصة متداوله عند اهالي القرية بذات كبار السن
ان في وحده اسمها "ام قمرة" ومعروفه ان تقرا على المرضى واي مريض يجي عندها وهي تقرا عليه القران ويتشافى واغلب الحالات اللي يجونها كانوا فيهم مس من الجن ولين جت وحده ومتلبسها اقوى نوع من انواع الجن اسمه "زخبلع"